പ്രി​യ​പ്പെ​ട്ട സൈ​ക്കി​ൾ തി​രി​കെ ത​രു​മോ... ‍?
Monday, September 25, 2023 10:42 PM IST
നെ​ഞ്ചു പി​ട​ഞ്ഞ് അ​മ​ൽ

തൊ​ടു​പു​ഴ: പ്രി​യ​പ്പെ​ട്ട സൈ​ക്കി​ൾ ന​ഷ്ട​പ്പെ​ട്ട​തോ​ടെ നെ​ഞ്ചു പി​ട​ഞ്ഞ് അ​മ​ൽ. പു​റ​പ്പു​ഴ പോ​ളി ടെ​ക്നി​ക്ക് ഒ​ന്നാം വ​ർ​ഷ മെ​ക്കാ​നി​ക്ക​ൽ വി​ദ്യാ​ർ​ഥി​യാ​യ അ​മ​ലി​ന്‍റെ ഹീ​റോ സ്പ്രി​ന്‍റ് സൈ​ക്കി​ളാ​ണ് ക​ഴി​ഞ്ഞ 19ന് ​തൊ​ടു​പു​ഴ​യി​ൽ നി​ന്നും മോ​ഷ്ടാ​വ് ക​ട​ത്തി​കൊ​ണ്ടു​പോ​യ​ത്.
ക​ഴി​ഞ്ഞ നാ​ലു വ​ർ​ഷ​മാ​യി ഉ​പ​യോ​ഗി​ച്ചി​രു​ന്ന സൈ​ക്കി​ളാ​ണ് മോ​ഷ​ണം പോ​യ​ത്. സി​സി​ടി​വി ദൃ​ശ്യ​ങ്ങ​ൾ സ​ഹി​തം പോ​ലീ​സി​ൽ പ​രാ​തി ന​ൽ​കി​യ​തി​നു പു​റ​മെ സു​ഹൃ​ത്തു​ക്ക​ളു​ടെ​യും ബ​ന്ധു​ക്ക​ളു​ടെ​യും സ​ഹാ​യ​ത്തോ​ടെ അ​ന്വേ​ഷ​ണം ന​ട​ത്തി​യെ​ങ്കി​ലും സൈ​ക്കി​ൾ ഇ​ന്നും കാ​ണാ​മ​റ​യ​ത്താ​ണ്.

10000 രൂ​പ മു​ട​ക്കി​യാ​ണ് അ​മ​ൽ ഹീ​റോ സ്പ്രി​ന്‍റ് സൈ​ക്കി​ൾ വാ​ങ്ങി​യ​ത്. മൂ​ന്നു വ​ർ​ഷം മു​ന്പ് പു​റ​പ്പു​ഴ​യി​ലെ ടെ​ക്നി​ക്ക​ൽ ഹൈ​സ്കൂ​ളി​ൽ പ​ഠി​ക്കാ​നെ​ത്തി​യ​പ്പോ​ൾ മു​ത​ൽ വീ​ട്ടി​ൽ നി​ന്ന് സൈ​ക്കി​ളി​ലാ​ണ് തൊ​ടു​പു​ഴ ബ​സ് സ്റ്റാ​ൻ​ഡ് വ​രെ​യു​ള്ള യാ​ത്ര. പി​ന്നെ ബ​സി​ലാ​ണ് പു​റ​പ്പു​ഴ​യി​ലേ​ക്ക് പോ​കു​ന്ന​ത്. തൊ​ടു​പു​ഴ മു​നി​സി​പ്പ​ൽ ബ​സ് സ്റ്റാ​ൻ​ഡി​നു സ​മീ​പം വ്യാ​പാ​ര സ്ഥാ​പ​ന​ത്തി​നു മു​ന്നി​ലാ​ണ് പ​തി​വാ​യി സൈ​ക്കി​ൾ വ​യ്ക്കു​ന്ന​ത്. രാ​വി​ലെ 8.30ന് ​വ​യ്ക്കു​ന്ന സൈ​ക്കി​ൾ വൈ​കു​ന്നേ​രം നാ​ല​ര​യ്ക്ക് തി​രി​കെ യെ​ടു​ക്കും.

പ​തി​വുപോ​ലെ 19നു ​രാ​വി​ലെ ഇ​വി​ടെ വ​ച്ച സൈ​ക്കി​ൾ വൈ​കു​ന്നേ​രം തി​രി​കെ​യെ​ടു​ക്കാ​നെ​ത്തി​യ​പ്പോ​ൾ കാ​ണാ​നി​ല്ല. സ​മീ​പ​ത്തെ ക​ട​ക​ളി​ലെ സി​സി​ടി​വി പ​രി​ശോ​ധി​ച്ച​പ്പോ​ൾ അന്നു രാ​വി​ലെ 9.14ന് ​ഒ​രാ​ൾ സൈ​ക്കി​ൾ ത​ള്ളി​ക്കൊ​ണ്ട് പോ​കു​ന്ന​താ​യി ക​ണ്ടു. ആ ​ദൃ​ശ്യ​ങ്ങ​ൾ ഉ​ൾ​പ്പെ​ടെ തൊ​ടു​പു​ഴ പോ​ലീ​സി​നു കൈ​മാ​റി പ​രാ​തി ന​ൽ​കി.

അ​ന്വേ​ഷി​ക്കാ​മെ​ന്നാ​ണ് പോ​ലീ​സ് ന​ൽ​കി​യ ഉ​റ​പ്പ്. സി​സി​ടി​വി​യി​ൽ പ​തി​ഞ്ഞ​യാ​ളെ ക​ണ്ടെ​ത്താ​നാ​യി ദൃ​ശ്യം സു​ഹൃ​ത്തു​ക്ക​ൾ​ക്കും പ​രി​ച​യ​ക്കാ​ർ​ക്കും മൊ​ബൈ​ലി​ലും ന​ൽ​കി. പ​ക്ഷേ ഇ​തു​വ​രെ സൈ​ക്കി​ൾ എ​വി​ടെ​യെ​ന്ന് സൂ​ച​ന പോ​ലും ല​ഭി​ച്ചി​ട്ടി​ല്ല.

സൈ​ക്കി​ൾ ന​ഷ്ട​പ്പെ​ട്ട​തോ​ടെ ഇ​പ്പോ​ൾ മു​ത​ലി​യാ​ർ​മ​ഠ​ത്തെ വീ​ട്ടി​ൽ നി​ന്ന് കാ​ൽ​ന​ട​യാ​യാ​ണ് ബ​സ് സ്റ്റാ​ൻ​ഡി​ലെ​ത്തു​ന്ന​ത്. അ​മ​ലി​ന് ഇ​പ്പോ​ൾ ഒ​രേ​യൊ​രു പ്രാ​ർ​ഥ​ന​യേ ഉ​ള്ളു. എ​ത്ര​യും വേ​ഗം സൈ​ക്കി​ൾ തി​രി​കെ കി​ട്ടി​യി​രു​ന്നെ​ങ്കി​ൽ. സൈ​ക്ലി​സ്റ്റ് കൂ​ടി​യാ​യ അ​മ​ൽ ഏ​റെ മോ​ഹി​ച്ചാ​ണ് ഈ ​സ്പോ​ർ​ട്സ് സൈ​ക്കി​ൾ വാ​ങ്ങി​യ​ത്. ഇ​നി ഇ​ത്ര​യും പ​ണം മു​ട​ക്കി മ​റ്റൊ​ന്ന് വാ​ങ്ങാ​ൻ പ​ണ​മി​ല്ല. വീ​ട്ടി​ൽ ബൈ​ക്ക് വ​ർ​ക്ക് ഷോ​പ്പ് ന​ട​ത്തു​ന്ന മു​ത​ലി​യാ​ർ​മ​ഠം കൊ​റ്റാ​ശേ​രി​യി​ൽ കെ.​എ​ൻ.​ജി​മ്മി​യു​ടേ​യും മെ​ഡി​ക്ക​ൽ ഷോ​പ്പ് ജീ​വ​ന​ക്കാ​രി അ​ര​ണ്യ​യു​ടേ​യും മ​ക​നാ​ണ് അ​മ​ൽ.

Copyright @ 2022 , Rashtra Deepika Ltd.