ഹോ​ട്ട​ൽ ആ​ൻ​ഡ് റെ​സ്റ്ററ​ന്‍റ് അ​സോ​സി​യേ​ഷ​ൻ ജി​ല്ലാ സ​മ്മേ​ള​നം
Tuesday, November 28, 2023 12:24 AM IST
ചെറു​തോ​ണി: ഹോ​ട്ട​ലു​ക​ൾ​ക്കും ജീ​വ​ന​ക്കാ​ർ​ക്കു​മെ​തി​രേ വ​ർ​ധി​ച്ചു​വ​രു​ന്ന അ​തി​ക്ര​മ​ങ്ങ​ൾ അ​വ​സാ​നി​പ്പി​ക്ക​ണ​മെ​ന്നും ആ​വ​ശ്യ​മാ​യ പോ​ലീ​സ് സം​ര​ക്ഷ​ണം ന​ൽ​ക​ണ​മെ​ന്നും ഹോ​ട്ട​ൽ ആ​ൻ​ഡ് റെ​സ്റ്ററന്‍റ് അ​സോ​സി​യേ​ഷ​ൻ സം​സ്ഥാ​ന പ്ര​സി​ഡ​ന്‍റ്് ജി.​ജ​യ​പാ​ൽ ആ​വ​ശ്യ​പ്പെ​ട്ടു. ത​ടി​യ​മ്പാ​ട് പാ​പ്പ​ൻ​സ് ഓ​ഡി​റ്റോ​റി​യ​ത്തി​ൽ ന​ട​ന്ന ജി​ല്ലാ​സ​മ്മേ​ള​നം ഉ​ദ്ഘാ​ട​നം ചെ​യ്യു​ക​യാ​യി​രു​ന്നു അ​ദ്ദേ​ഹം.

അ​നി​യ​ന്ത്രി​ത​മാ​യി വ​ർ​ധിച്ചു കൊ​ണ്ടി​രി​ക്കു​ന്ന അ​സം​സ്കൃ​ത​സാ​ധ​ന​ങ്ങ​ളു​ടെ വി​ല​സ​ർ​ക്കാ​ർ നി​യ​ന്ത്രി​ക്ക​ണം. ഉ​ദ്യോ​ഗ​സ്ഥ​രു​ടെ അ​ന​ധി​കൃ​ത പ​രി​ശോ​ധ​ന നി​ർ​ത്ത​ണം. പ​ഞ്ചാ​യ​ത്ത് ലൈ​സ​ൻ​സ് കാ​ലാ​വ​ധി ഇ​പ്പോ​ൾ ഒ​രു വ​ർ​ഷ​മാ​ണ്. അ​ത് അഞ്ചു വ​ർ​ഷ​മാ​യി വ​ർ​ധിപ്പി​ക്ക​ണം.

അ​ന്യാ​യ​മാ​യി ഈ​ടാ​ക്കു​ന്ന വൈ​ദ്യു​തി​ചാ​ർ​ജ് കു​റ​യ്ക്ക​ണം. മ​റ്റു​ള്ള​വ​ർ​ക്ക് ന​ൽ​കു​ന്ന​തു​പോ​ലെ ക്ഷേ​മ​നി​ധി​യ​ട​ക്ക​മു​ള്ള ആ​നു​കൂ​ല്യ​ങ്ങ​ൾ ന​ൽ​ക​ണം തു​ട​ങ്ങി​യ ആ​വ​ശ്യ​ങ്ങൾ സ​മ്മേ​ള​നം സ​ർ​ക്കാ​രി​നോ​ടാ​വ​ശ്യ​പ്പെ​ട്ടു.

പ്ര​തി​നി​ധി സ​മ്മേ​ള​നം സം​സ്ഥാ​ന ജ​ന​റ​ൽ സെ​ക്ര​ട്ട​റി കെ.​പി.​ബാ​ല​കൃ​ഷ്ണ പൊ​തു​വാ​ൾ ഉ​ദ്ഘാ​ട​നം ചെ​യ്തു. ട്ര​ഷ​റ​ർ എ​ൻ. അ​ബ്ദു​ൾ റ​സാ​ക്ക് ഉ​ൾ​പ്പെ​ടെ 300 ഓ​ളം പ്ര​തി​നി​ധി​ക​ളും ജ​ന​പ്ര​തി​നി​ധി​ക​ളും പ​ങ്കെ​ടു​ത്തു.

മ​യ​ക്കു​മ​രു​ന്ന് ബോ​ധ​വ​ത്കര​ണ സെ​മി​നാ​ർ ഡി​വൈ​എ​സ്പി ജി​ൽ​സ​ൺ മാ​ത്യു ഉ​ദ്ഘാ​ട​നം ചെ​യ​തു. എം.​എ​സ്. അ​ജി, സ​ജീ​ന്ദ്ര​ൻ പൂ​വാ​ങ്ക​ൽ, കെ.​എം. ജോ​ർ​ളി തു​ട​ങ്ങി​യ​വ​ർ നേ​തൃ​ത്വം ന​ൽ​കി. സ​മ്മേ​ള​ന​ന​ഗ​രി​യി​ൽ വീ​ട്ട​മ്മ​മാ​ർ ത​യാ​റാ​ക്കി​യ ഇ​രു​പ​ത്ത​ഞ്ചോ​ളം ഭ​ക്ഷ്യ വ​സ്തു​ക്ക​ളു​ടെ സ്റ്റാ​ളും പ്ര​ദ​ർ​ശ​ന​വും ന​ട​ന്നു.