മ​ല​ങ്ക​ര ടൂ​റി​സം ഹ​ബ്ബ് അ​ഴി​മ​തി : ശാ​സ്ത്രീ​യ പ​രി​ശോ​ധ​ന ന​ട​ത്താ​ൻ വി​ജി​ല​ൻ​സ്
Tuesday, November 28, 2023 11:31 PM IST
മു​ട്ടം: മ​ല​ങ്ക​ര ടൂ​റി​സം ഹ​ബ്ബ് എ​ൻ​ട്ര​ൻ​സ് പ്ലാ​സ നി​ർ​മാ​ണ​ത്തി​ലെ അ​ഴി​മ​തി സം​ബ​ന്ധി​ച്ച് കൂ​ടു​ത​ൽ ശാ​സ്ത്രീ​യ​ അ​ന്വേ​ഷ​ണ​ത്തി​ന് സാ​ങ്കേ​തി​ക വി​ദ​ഗ്ധ​രു​ടെ സ​ഹാ​യം ആ​വ​ശ്യ​പ്പെ​ടാ​ൻ വി​ജി​ല​ൻ​സ് തീ​രു​മാ​നം. പ്രാ​ഥ​മി​ക അ​ന്വേ​ഷ​ണ​ത്തി​ൽ വി​ജി​ല​ൻ​സ് വി​ഭാ​ഗം അ​ഴി​മ​തി​യും അ​പാ​ക​ത​യും ക​ണ്ടെ​ത്തി​യ​തി​നെ ത്തുട​ർ​ന്നാ​ണ് വി​ശ​ദ​മാ​യ അ​ന്വേ​ഷ​ണം ന​ട​ത്താ​നു​ള്ള തീ​രു​മാ​നം.

കെ​ട്ടി​ട​ത്തി​നു​ള്ളി​ലെ ലൈ​റ്റു​ക​ൾ, ഫാ​നു​ക​ൾ, ഇ​ല​ക്‌ട്രിക് ക​ണ​ക‌്ഷ​നു​ക​ൾ എ​ന്നി​വ സ്ഥാ​പി​ച്ച​തി​ൽ അ​പാ​ക​ത​യു​ണ്ടെ​ന്ന് ക​ണ്ടെ​ത്തി​യി​രു​ന്നു. ടോ​യ്‌ല​റ്റി​ന്‍റെ​യും മേ​ൽ​ക്കൂ​ര​യു​ടെയും നി​ർ​മാ​ണ​ത്തി​ലും ഏ​റെ പാ​ളി​ച്ച​ക​ൾ സം​ഭ​വി​ച്ചെ​ന്നാ​ണ് റി​പ്പോ​ർ​ട്ട്. കെ​ട്ടി​ട​ത്തി​ന്‍റെ പു​റ​ത്തേ​ക്കു​ള്ള വാ​തി​ലി​ലൂ​ടെ മ​ഴ​വെ​ള്ള​വും ച​പ്പു​ച​വ​റു​ക​ളും ഉ​ള്ളി​ൽ ക​യ​റു​ന്ന സ്ഥി​തി​യാ​ണ്.

സ​ണ്‍​ഷേ​ഡി​ലെ പ​ർ​ഗോ​ള ഓ​പ്പ​ണിം​ഗി​ലെ പോ​ളി കാ​ർ​ബ​ണേ​റ്റ് ഷീ​റ്റ് ഇ​ള​കി മാ​റി​യ അ​വ​സ്ഥ​യി​ലാ​ണ്. ഇ​തി​ലൂ​ടെ മ​ഴ​വെ​ള്ളം ഭി​ത്തി​യി​ലൂ​ടെ ഒ​ലി​ച്ചി​റ​ങ്ങി കെ​ട്ടി​ടം ന​ശി​ക്കു​ന്ന സ്ഥി​തി​യാ​ണ്.
ഇ​ത്ത​രം വ്യാ​പ​ക അ​പാ​ക​ത​ക​ൾ റി​പ്പോ​ർ​ട്ട് ചെ​യ്ത​തോ​ടെ അ​ന്വേ​ഷ​ണം തു​ട​രാ​ൻ ഉ​ത്ത​ര​വാ​കു​ക​യാ​യി​രു​ന്നു.

അ​ന്വേ​ഷ​ണ​ത്തി​ന്‍റെ ര​ണ്ടാം ഘ​ട്ടം എ​ന്ന നി​ല​യി​ൽ ഇ​തു സം​ബ​ന്ധി​ച്ച മു​ഴു​വ​ൻ രേ​ഖ​ക​ളും ഹാ​ജ​രാ​ക്കാ​ൻ നി​ർ​മാ​ണ ഏ​ജ​ൻ​സി​യാ​യ ഹാ​ബി​റ്റാ​റ്റി​ന് ജി​ല്ലാ വി​ജി​ല​ൻ​സ് വി​ഭാ​ഗം നി​ർ​ദേ​ശം ന​ൽ​കി. 2018 ലാ​ണ് എ​ൻ​ട്ര​ൻ​സ് പ്ലാ​സ നി​ർ​മാ​ണം ന​ട​ത്തി​യ​ത്.

ഇരുന്നൂറോ​ളം ആ​ളു​ക​ൾ​ക്ക് ഇ​രി​ക്കാ​നു​ള്ള ഓ​പ്പ​ണ്‍ സ്റ്റേ​ജ് എ​ൻ​ട്ര​ൻ​സ് പ്ലാ​സ​യി​ൽ സ​ജ്ജ​മാ​ക്കി​യെ​ങ്കി​ലും പൊ​തു പ​രി​പാ​ടി​ക​ൾ​ക്ക് വി​ട്ട് ന​ൽ​കാ​ൻ അ​ധി​കൃ​ത​ർ ത​യാ​റാ​യി​ട്ടി​ല്ല.

Copyright @ 2022 , Rashtra Deepika Ltd.