ക​റ്റ്യാ​മ​ല നാ​ങ്കു​തൊ​ട്ടി മേ​ഖ​ല​യി​ൽ വീ​ണ്ടും വ​ന്യ​ജീ​വി ആ​ക്ര​മ​ണം; ആ​ടി​നെ കൊ​ന്നു
Thursday, April 18, 2024 3:30 AM IST
ക​ട്ട​പ്പ​ന: ഇ​ര​ട്ട​യാ​ർ ഗ്രാ​മ​പ​ഞ്ചാ​യ​ത്തി​ലെ പ​ഞ്ചാ​യ​ത്തി​ലെ എട്ടാം ​വാ​ർ​ഡ് ക​റ്റ്യാ​മ​ല നാ​ങ്കു​തൊ​ട്ടി മേ​ഖ​ല​യി​ൽ വീ​ണ്ടും വ​ന്യ​ജീ​വി ആ​ക്ര​മ​ണം. ആ​ടി​നെ കൊ​ന്നുതിന്നു. കാ​ര​ക്കാ​ട് സ​ണ്ണി​യു​ടെ നാലു മാ​സം പ്രാ​യ​മാ​യ ആ​ടി​നെ​യാ​ണ് ചൊ​വ്വാ​ഴ്ച രാ​ത്രി അ​ജ്ഞാ​ത ജീ​വി കൊ​ന്നുതിന്നത്.

ഇ​ന്ന​ലെ രാ​വി​ലെ ആ​ടി​ന് തീ​റ്റ ന​ല്കാ​നാ​യി എ​ത്തി​യ​പ്പോ​ഴാ​ണ് കൂ​ടി​നു വെ​ളി​യി​ൽ കെ​ട്ടി​യി​ട്ടി​രു​ന്ന ആ​ടി​നെ ച​ത്ത നി​ല​യി​ൽ ക​ണ്ട​തെ​ന്ന് സ​ണ്ണി പ​റ​ഞ്ഞു.​ആ​ടി​ന്‍റെ ശ​രീ​രം പൂ​ർ​ണ​മാ​യും ഭ​ക്ഷി​ച്ച നി​ല​യി​ലാ​ണ്. നാ​ട്ടു​കാ​ർ വി​വ​ര​മ​റി​യി​ച്ച​തി​നെത്തു​ട​ർ​ന്ന് ക​ട്ട​പ്പ​ന​യി​ൽനി​ന്നു വ​നം​വ​കു​പ്പ് ഉ​ദ്യോ​ഗ​സ്ഥ​ർ സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി.

സം​ഭ​വ​സ്ഥ​ല​ത്തുനി​ന്നു ചി​ല കാ​ൽ​പ്പാ​ടു​ക​ൾ ക​ണ്ടെ​ങ്കി​ലും വ്യ​ക്ത​മ​ല്ല. ഇ​തി​ന്‍റെ ചി​ത്ര​ങ​ൾ കൂ​ടു​ത​ൽ പ​രി​ശോ​ധ​ന​യ്ക്കാ​യി ഉ​ന്ന​ത ഉ​ദ്യോ​സ്ഥ​ർ​ക്ക​യ​ച്ച​താ​യും ജ​ന​ങ്ങ​ൾ ആ​ശ​ങ്ക​പ്പെ​ടേ​ണ്ട സാ​ഹ​ച​ര്യ​മി​ല്ലെ​ന്നും വ​നം വ​കു​പ്പ് ഉ​ദ്യോ​ഗ​സ്ഥ​ർ വ്യ​ക്ത​മാ​ക്കി.

തു​ട​ർ​ന്ന് വൈ​കി​ട്ടോ​ടെ ഉ​ദ്യോ​ഗ​സ്ഥ​രെ​ത്തി പ്ര​ദേ​ശ​ത്ത് കാ​മ​റ സ്ഥാ​പി​ച്ചു. ര​ണ്ടാ​ഴ്ച മു​ൻ​പ് ഇ​തി​നു സ​മീ​പ​ത്തു ത​ന്നെ നാ​ങ്കു തൊ​ട്ടി മേ​ഖ​ല​യി​ൽ രണ്ടു ദി​വ​സ​ങ്ങ​ളി​ലാ​യി വി​വി​ധ ക​ർ​ഷ​ക​രു​ടെ നാല് ആ​ടു​ക​ളെ അ​ജ്ഞാ​ത ജീ​വി കൊ​ന്നു ഭ​ക്ഷി​ച്ചി​രു​ന്നു.

അ​വി​ടെ കാ​മ​റ സ്ഥ​പി​ച്ചു​വെ​ങ്കി​ലും ജീ​വി​യേ​തെ​ന്ന് തി​രി​ച്ച​റി​ഞ്ഞി​രു​ന്നി​ല്ല. ഇ​ന്ന​ലെ​യു​ണ്ടാ​യ ആ​ക്ര​മ​ണം കൂ​ടി​യാ​യ​തോ​ടെ ആ​ശ​ങ്ക​യി​ലാ​ണ് ജ​ന​ങ്ങ​ൾ. വ​നംവ​കു​പ്പ് അ​ടി​യ​ന്തര ന​ട​പ​ടി സ്വീ​ക​രി​ക്ക​ണ​മെ​ന് ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ് ജി​ഷ ഷാ​ജി ആ​വ​ശ്യ​പ്പെ​ട്ടു.​

പ​ഞ്ചാ​യ​ത്തം​ഗ​ങ്ങ​ളാ​യ ആ​ന​ന്ദ് സു​നി​ൽ​കു​മാ​ർ, റെ​ജി ഇ​ലി​പ്പു​ലി​ക്കാ​ട്ട്, പൊ​തു​പ്ര​വ​ർ​ത്ത​ക​ർ, നാ​ട്ടു​കാ​ർ തു​ട​ങ്ങി​യ​വ​ർ സ്ഥ​ല​ത്തെ​ത്തി​യി​രു​ന്നു.

Copyright @ 2022 , Rashtra Deepika Ltd.