തെ​ര​ഞ്ഞെ​ടു​പ്പി​ന്‍റെ പേ​രി​ൽ കു​ടി​വെ​ള്ളം ന​ൽ​കാ​തെ പ​ഞ്ചാ​യ​ത്തു​ക​ൾ; സ​ർ​ക്കാ​ർ വീ​ണ്ടും ഉ​ത്ത​ര​വി​റ​ക്കി
Friday, April 19, 2024 12:42 AM IST
ഉപ്പു​ത​റ: കു​ടി​വെ​ള്ളക്ഷാ​മം രൂ​ക്ഷ​മാ​യ പ്ര​ദേ​ശ​ങ്ങ​ളി​ൽ ശു​ദ്ധ​ജ​ലം വി​ത​ര​ണം ചെ​യ്യു​ന്ന​തി​ന് ത​ദ്ദേ​ശ സ്വ​യം​ഭ​ര​ണ ഡ​യ​റ​ക‌്ടറേറ്റ് വീ​ണ്ടും ഉ​ത്ത​ര​വി​റ​ക്കി. മാ​ർ​ച്ച് 20ന് ​ഇ​റ​ക്കി​യ ഉ​ത്ത​ര​വ് എ​ല്ലാ ത​ദ്ദേ​ശ സ്ഥാ​പ​ന​ങ്ങ​ളും ന​ട​പ്പി​ലാ​ക്കാ​ത്ത​തി​നെത്തു​ട​ർ​ന്നാ​ണ് വീ​ണ്ടും ഉ​ത്ത​ര​വി​റ​ക്കി​യ​ത്.

ലോ​ക്സ​ഭാ തെ​ര​ഞ്ഞെ​ടു​പ്പ് ച​ട്ട​ങ്ങ​ളു​ടെ ലം​ഘ​ന​മാ​കും എ​ന്നു പ​റ​ഞ്ഞാ​ണ് പ​ല ത​ദ്ദേ​ശ സ്ഥാ​പ​ന​ങ്ങ​ളും കു​ടി​വെ​ള്ള വി​ത​ര​ണം ന​ട​ത്താ​തി​രു​ന്ന​ത്. പ​ഞ്ചാ​യ​ത്തു ഭ​ര​ണ​സ​മി​തി​യു​ടെ അ​നു​മ​തി​യും നി​ർ​ദേ​ശ​വും ഉ​ണ്ടാ​യി​ട്ടും ഉ​ത്ത​ര​വ് ന​ട​പ്പാ​കാ​ത്ത പ​ഞ്ചാ​യ​ത്തു​ക​ളു​ണ്ട് .

ഇ​തു സം​ബ​ന്ധി​ച്ച് വ്യാ​പ​ക പ​രാ​തി ഉ​യ​രു​ക​യും ചെ​യ്തി​രു​ന്നു.​എ​ന്നാ​ൽ, ഉ​ത്ത​ര​വി​റ​ങ്ങി​യ ഉ​ട​ൻ ഏ​താ​നും പ​ഞ്ചാ​യ​ത്തു​ക​ൾ കു​ടി​വെ​ള്ള വി​ത​ര​ണം തു​ട​ങ്ങി ഉ​ത്ത​ര​വ് ന​ട​പ്പാ​ക്കി​യി​ട്ടു​മു​ണ്ട്.
ത​ന​തു പ്ലാ​ൻ ഫ​ണ്ടി​ൽനി​ന്നു കു​ടി​വെ​ള്ള വി​ത​ര​ണ​ത്തി​ന് തു​ക വി​നി​യോ​ഗി​ക്കാ​നാ​ണ് ഡ​യ​റ​ക‌്ടറേറ്റ് അ​നു​മ​തി ന​ൽ​കി​യി​രി​ക്കു​ന്ന​ത്.

തെ​ര​ഞ്ഞെ​ടു​പ്പു പ്ര​ഖ്യാ​പ​നം ഉ​ണ്ടാ​കു​മെ​ന്ന് ഉ​റ​പ്പാ​കു​ക​യും മു​ന്നൊ​രു​ക്ക​ങ്ങ​ൾ തു​ട​ങ്ങു​ക​യും ചെ​യ്തി​ട്ടും കു​ടി​വെ​ള്ള വി​ത​ര​ണ​ത്തി​ന്‍റെ അ​ടി​യ​ന്തരാ​വ​ശ്യം പ​രി​ഗ​ണി​ച്ചാ​ണ് ജ​നു​വ​രി മൂ​ന്നി​ന് സ​ർ​ക്കാ​ർ ത​ല​ത്തി​ൽ തീ​രു​മാ​ന​മെ​ടു​ത്ത​ത്.

പ്ര​ഖ്യാ​പ​ന​ത്തി​നു ശേ​ഷം തെ​ര​ഞ്ഞെ​ടു​പ്പ് ക​മീ​ഷ​ൻ ഇ​ത​നു​സ​രി​ച്ച് മാ​ർ​ഗ നി​ർ​ദേ​ശ​ങ്ങ​ളി​ൽ ഇ​ള​വു വ​രു​ത്തു​ക​യും ചെ​യ്തു. തു​ട​ർ​ന്നാ​ണ് കു​ടി​വെ​ള്ള വി​ത​ര​ണം ന​ട​ത്താ​ൻ ജി​ല്ലാ ക​ള​ക്ട​ർ​മാ​ർ, ത​ദ്ദേ​ശ സ്വ​യം​ഭ​ര​ണ ജി​ല്ലാ ഡ​യ​റ​ക്ട​ർ​മാ​ർ എ​ന്നി​വ​ർ മു​ഖേ​ന മാ​ർ​ച്ച് 20ന് ​നി​ർദേ​ശം ന​ൽ​കി​യി​ത്.

കോ​ർ​പ​റേ​ഷ​നു​ക​ൾ ന​ഗ​ര​സ​ഭ​ക​ൾ ത്രി​ത​ല പ​ഞ്ചാ​യ​ത്തു​ക​ൾ എ​ന്നി​വ​ർ അ​ടി​യ​ന്തര​മാ​യി കു​ടി​വെ​ള്ള വി​ത​ര​ണം ന​ട​ത്ത​ണ​മെ​ന്ന ക​ർ​ശ​ന നി​ർ​ദേ​ശ​മാ​ണ് സ​ർ​ക്കാ​ർ പു​തി​യ ഉ​ത്ത​ര​വി​ൽ ന​ൽ​കി​യി​രി​ക്കു​ന്ന​ത്.

വേ​ന​ൽ മ​ഴ കി​ട്ടാ​ത്ത​തി​നെത്തു​ട​ർ​ന്ന് ഉ​യ​ർ​ന്ന പ്ര​ദേ​ശ​ങ്ങ​ളി​ലെ പ​തി​നാ​യി​ര​ക്ക​ണ​ക്കി​ന് കു​ടും​ബ​ങ്ങ​ൾ ക​ടു​ത്ത കു​ടി​വെ​ള്ള ക്ഷാ​മ​ത്തി​ലാ​ണ്. കി​ലോ മീ​റ്റ​റു​ക​ൾ അ​ക​ലെനി​ന്നാ​ണ് പ​ല​രും വെ​ള്ളം ശേ​ഖ​രി​ക്കു​ന്ന​ത്.

Copyright @ 2022 , Rashtra Deepika Ltd.