ആ​ശു​പ​ത്രി മാ​ലി​ന്യം റോ​ഡി​ലൂ​ടെ: ആ​ഴ്ച​ക​ളാ​യി​ട്ടും ന​ട​പ​ടി​യി​ല്ല
Monday, May 27, 2024 2:12 AM IST
ചെ​റു​തോ​ണി: ഇ​ടു​ക്കി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ ഡ​യാ​ലി​സി​സ് യൂ​ണി​റ്റി​ലെ ദ്ര​വ മാ​ലി​ന്യം ടാ​ങ്ക് നി​റ​ഞ്ഞ് പു​റ​ത്തേ​ക്കൊ​ഴു​കു​ന്നു. ആ​ഴ്ച​ക​ളാ​യി മ​ലി​നജ​ലം ദു​ർ​ഗ​ന്ധം പ​ര​ത്തി റോ​ഡി​ലൂ​ടെ ഒ​ഴു​കി​യി​ട്ടും പ​രി​ഹ​രി​ക്കാ​നു​ള്ള ന​ട​പ​ടി​യു​ണ്ടാ​യി​ട്ടി​ല്ല.

ഡ​യാ​ലി​സി​സ് ചി​കി​ത്സ​യു​ടെ ഭാ​ഗ​മാ​യു​ള്ള മ​ലി​ന ജ​ലം ശേ​ഖ​രി​ക്കു​ന്ന ടാ​ങ്ക് നി​ർ​മി​ച്ചി​രി​ക്കു​ന്ന​ത് റോ​ഡി​നോ​ട് ചേ​ർ​ന്നാ​ണ്. മ​റ്റൊ​രു സ്ഥ​ല​ത്ത് വ​ലി​യ ടാ​ങ്ക് നി​ർ​മി​ച്ച് മ​ലി​നജ​ലം ശേ​ഖ​രി​ക്കാ​ൻ നി​ർ​ദേ​ശ​മു​ണ്ടാ​യെ​ങ്കി​ലും വ​ലി​യ തു​ക ചെ​ല​വാ​കു​മെ​ന്ന​തി​നാ​ൽ അ​ധി​കൃ​ത​ർ ക​ണ്ണ​ട​ക്കു​ക​യാ​ണെ​ന്ന് ആ​രോ​പ​ണ​മു​ണ്ട്.

മ​ഴ​ക്കാ​ല​മാ​യ​തോ​ടെ റോ​ഡി​ലൂ​ടെ ഒ​ഴു​കു​ന്ന മ​ലി​നജ​ലം പു​ഴ​യി​ലൂ​ടെ പെ​രി​യാ​റി​ലേ​ക്ക് എ​ത്തും. കൊ​തു​കി​ന്‍റെ ഉ​റ​വി​ടം ന​ശി​പ്പി​ക്കാ​ൻ പൊ​തു​ജ​ന​ങ്ങ​ൾ​ക്ക് നി​ർ​ദേ​ശം ന​ൽ​കു​ക​യും ന​ട​പ​ടി​യെ​ടു​ക്കു​മെ​ന്ന് മു​ന്ന​റി​യി​പ്പ് ന​ൽ​കു​ക​യും ചെ​യ്യു​ന്ന ആ​രോ​ഗ്യവ​കു​പ്പ് ആ​ശു​പ​ത്രി മാ​ലി​ന്യം പു​ഴ​യി​ലേ​ക്ക് ഒ​ഴു​കു​ന്ന​ത് ക​ണ്ടി​ല്ലെ​ന്ന് ന​ടി​ക്കു​ന്ന​ത് ജ​ന​ദ്രോ​ഹ​മാ​ണെ​ന്നാ​ണ് ജ​ന​ങ്ങ​ളു​ടെ ആ​ക്ഷേ​പം.