ഭിന്നശേഷിക്കാർക്ക് സ്കൂട്ടർ വിതരണം ചെയ്തു
1428760
Wednesday, June 12, 2024 3:42 AM IST
ഇടുക്കി: ഭിന്നശേഷിക്കാർക്കായി 44 സ്കൂട്ടറുകൾ ജില്ലാ പഞ്ചായത്തിന്റെ നേതൃത്വത്തിൽ വിതരണം ചെയ്തു. ജില്ലാ പഞ്ചായത്ത് പ്രസിഡന്റ് കെ.ടി. ബിനു വിതരണോദ്ഘാടനം നിർവഹിച്ചു. വൈസ് പ്രസിഡന്റ് ആശ ആന്റണി അധ്യക്ഷത വഹിച്ചു.
ജില്ലാ പഞ്ചായത്തിന്റെ 2023-24 വാർഷിക പദ്ധതി പ്രകാരം പദ്ധതിയ്ക്കായി 60 ലക്ഷം രൂപയാണ് വകയിരുത്തിയിരിക്കുന്നത്. ബ്ലോക്ക് പഞ്ചായത്ത് പ്രസിഡന്റ് രാജി ചന്ദ്രൻ, ജില്ലാ ആസൂത്രണ സമിതി ഉപാധ്യക്ഷൻ സി.വി. വർഗീസ്, ജില്ലാ സാമൂഹ്യനീതി ഓഫീസർ വി.എ.ഷംനാദ്,
ജില്ലാ പഞ്ചായത്ത് സ്റ്റാൻഡിംഗ് കമ്മിറ്റി ചെയർമാൻമാരായ ഉഷാകുമാരി മോഹൻകുമാർ, ജോസഫ് കുരുവിള, അംഗങ്ങളായ കെ.ജി.സത്യൻ, ജിജി കെ.ഫിലിപ്പ്, ഷൈനി സജി, പ്രഫ. എം.ജെ.ജേക്കബ്, ഇന്ദു സുധാകരൻ, പഞ്ചായത്തംഗം രാജു ജോസഫ് എന്നിവർ പ്രസംഗിച്ചു.