തൊ​ടു​പു​ഴ ന​ഗ​ര​സ​ഭ : ഭ​ര​ണം കൈ​വി​ട്ട​തി​നു പി​ന്നാ​ലെ യു​ഡി​എ​ഫി​ൽ പൊ​ട്ടി​ത്തെ​റി
Tuesday, August 13, 2024 10:33 PM IST
തൊ​ടു​പു​ഴ: ത​മ്മി​ല​ടി മൂ​ലം ന​ഗ​ര​സ​ഭാ ഭ​ര​ണം ന​ഷ്ട​മാ​യ​തി​നു പി​ന്നാ​ലെ ജി​ല്ല​യി​ലെ യു​ഡി​എ​ഫി​ൽ പൊ​ട്ടി​ത്തെ​റി. എ​ൽ​ഡി​എ​ഫി​ൽനി​ന്നു ന​ഗ​ര​സ​ഭ ഭ​ര​ണം തി​രി​ച്ചുപി​ടി​ക്കാ​ൻ ക​ഴി​യു​മാ​യി​രു​ന്ന സു​വ​ർ​ണാ​വ​സ​രം ക​ള​ഞ്ഞു കു​ളി​ച്ച​തി​നെ​തി​രേ യു​ഡി​എ​ഫ് പ്ര​വ​ർ​ത്ത​ക​രി​ലും അ​മ​ർ​ഷം പു​ക​യു​ന്നു​ണ്ട്. കാ​ല​ങ്ങ​ളാ​യു​ള്ള കോ​ണ്‍​ഗ്ര​സ് -ലീ​ഗ് ബ​ന്ധ​ത്തി​നാ​ണ് തി​ങ്ക​ളാ​ഴ്ച ന​ട​ന്ന ന​ഗ​ര​സ​ഭാ ചെ​യ​ർ​മാ​ൻ തെ​ര​ഞ്ഞെ​ടു​പ്പോ​ടെ വി​ള്ള​ൽ വീ​ണ​ത്.

തൊ​ടു​പു​ഴ ന​ഗ​ര​സ​ഭ​യു​ടെ ച​രി​ത്ര​ത്തി​ൽ ഇ​തുവ​രെ കോ​ണ്‍​ഗ്ര​സും മു​‌സ‌‌്‌ലിം ലീ​ഗും ഒ​രു മു​ന്ന​ണി​യി​ൽനി​ന്നാ​ണ് മ​ത്സ​രി​ച്ച​ത്. കേ​ര​ള കോ​ണ്‍​ഗ്ര​സു​ക​ൾ പ​ല ത​വ​ണ മു​ന്ന​ണി മാ​റി​യെ​ങ്കി​ലും ലീ​ഗും കോ​ണ്‍​ഗ്ര​സും തോ​ളോ​ടുതോ​ൾ ചേ​ർ​ന്നാ​ണ് തെ​ര​ഞ്ഞെ​ടു​പ്പു​ക​ളെ നേ​രി​ട്ട​ത്.

എ​ൽ​ഡി​എ​ഫി​നെ​തി​രേയു​ള്ള സ​മ​ര​മു​ഖ​ങ്ങ​ളി​ൽ പോ​ലും ഒ​റ്റ​ക്കെ​ട്ടാ​യിനി​ന്ന ര​ണ്ടു പാ​ർ​ട്ടി​ക​ളും ന​ഗ​ര​സ​ഭാ ചെ​യ​ർ​മാ​ൻ തെ​ര​ഞ്ഞെ​ടു​പ്പോ​ടെ ര​ണ്ടു പ​ക്ഷ​മാ​യി. ജി​ല്ല​യി​ൽ ഇ​നി​യു​ള്ള യു​ഡി​എ​ഫ് യോ​ഗ​ങ്ങ​ളി​ൽ മു​‌സ‌‌്‌ലിം ലീ​ഗ് പ​ങ്കെ​ടു​ക്കി​ല്ലെ​ന്നാ​ണ് ജി​ല്ലാ നേ​താ​ക്ക​ളു​ടെ നി​ല​പാ​ട്.

എ​ന്നാ​ൽ അ​നു​ര​ഞ്ജ​ന നീ​ക്ക​വു​മാ​യി ര​ണ്ടു പാ​ർ​ട്ടി​ക​ളു​ടെ​യും സം​സ്ഥാ​ന നേ​തൃ​ത്വം പ്ര​ശ്ന​ത്തി​ൽ ഇ​ട​പെ​ട്ടി​ട്ടു​ണ്ട്.

പ​ര​സ്പ​രം പ​ഴി​ചാ​രി
ലീ​ഗും കോ​ണ്‍​ഗ്ര​സും

ന​ഗ​ര​സ​ഭാ ചെ​യ​ർ​മാ​ൻ പ​ദ​വി​യെച്ചൊ​ല്ലി​യു​ണ്ടാ​യ ത​ർ​ക്ക​മാ​ണ് ജി​ല്ല​യി​ൽ യു​ഡി​എ​ഫി​ന് ത​ല​വേ​ദ​ന​യാ​യി മാ​റി​യ​ത്. യു​ഡി​എ​ഫി​ന് ആ​കെ​യു​ള്ള 13 അം​ഗ​ങ്ങ​ളി​ൽ കോ​ണ്‍​ഗ്ര​സി​നും ലീ​ഗി​നും ആ​റു പേ​ർ വീ​ത​മാ​ണു​ള്ള​ത്. അ​തി​നാ​ൽ ചെ​യ​ർ​മാ​ൻ പ​ദ​വി​ക്കാ​യി ഇ​രു വി​ഭാ​ഗ​വും അ​വ​കാ​ശ വാ​ദ​മു​ന്ന​യി​ച്ചു. ഒ​രം​ഗം മാ​ത്ര​മു​ള്ള കേ​ര​ള കോ​ണ്‍​ഗ്ര​സും ചെ​യ​ർ​മാ​ൻ പ​ദ​വി ആ​വ​ശ്യ​പ്പെ​ട്ടെ​ങ്കി​ലും പി​ന്നീ​ട് ഇ​തി​ൽനി​ന്നു പി​ൻ​മാ​റി.

ക​ഴി​ഞ്ഞ തെ​ര​ഞ്ഞെ​ടു​പ്പി​ൽ 21 സീ​റ്റി​ൽ മ​ത്സ​രി​ച്ച കോ​ണ്‍​ഗ്ര​സി​ന് ആ​റു സീ​റ്റ് മാ​ത്ര​മാ​ണു​ള്ള​ത്. എ​ട്ടു സീ​റ്റി​ൽ മ​ൽ​സ​രി​ച്ച ലീ​ഗി​ന് ആ​റു സീ​റ്റ് ല​ഭി​ച്ചു. അ​തി​നാ​ൽ ചെ​യ​ർ​മാ​ൻ പ​ദ​വി ലീ​ഗി​ന് അ​വ​കാ​ശ​പ്പെ​ട്ട​താ​ണെ​ന്നും ആ​ദ്യ ടേ​മി​ൽ ത​ന്നെ വേ​ണ​മെ​ന്നു​മാ​യി​രു​ന്നു ലീ​ഗി​ന്‍റെ നി​ല​പാ​ട്. ഇ​ത് കോ​ണ്‍​ഗ്ര​സ് അം​ഗീ​ക​രി​ക്കാ​തെ വ​ന്ന​തോ​ടെ​യാ​ണ് ച​ർ​ച്ച​ക​ൾ എ​ങ്ങു​മെ​ത്താ​തെ അ​ല​സി​പ്പി​രി​ഞ്ഞ​ത്.

ഇ​തി​നി​ടെ മു​ൻ ചെ​യ​ർ​മാ​ൻ സ​നീ​ഷ് ജോ​ർ​ജി​ന്‍റെ​യും എ​ൽ​ഡി​എ​ഫി​ൽനി​ന്നു​ള്ള വ​നി​താ അം​ഗം മെ​ർ​ളി രാ​ജു​വി​ന്‍റെ​യും വോ​ട്ട് കോ​ണ്‍​ഗ്ര​സ് തെ​ര​ഞ്ഞെ​ടു​പ്പി​ന് മു​ന്നേ ഉ​റ​പ്പാ​ക്കി​യി​രു​ന്നെ​ന്നാ​ണ് സൂ​ച​ന. എ​ന്നാ​ൽ ഇ​ക്കാ​ര്യ​ത്തി​ൽ ലീ​ഗ് താ​ത്പ​ര്യം കാ​ട്ടി​യി​ല്ലെ​ന്നാ​ണ് വി​വ​രം.

കോ​ണ്‍​ഗ്ര​സാ​ക​ട്ടെ ജ​യി​ക്കാ​നു​ള്ള വോ​ട്ട് ല​ഭി​ക്കു​മെ​ന്നു​ള്ള ഉ​റ​ച്ച വി​ശ്വാ​സ​ത്തി​ൽ മു​ന്നോ​ട്ടു പോ​യെ​ന്നും ഇ​താ​ണ് ലീ​ഗി​നെ ചൊ​ടി​പ്പി​ച്ച​തെ​ന്നും പ​റ​യ​പ്പെ​ടു​ന്നു. സ​നീ​ഷ് ജോ​ർ​ജി​ന്‍റെ​യും മെ​ർ​ളി രാ​ജു​വി​ന്‍റെ​യും വോ​ട്ടി​നു പു​റ​മെ കേ​ര​ള കോ​ണ്‍​ഗ്ര​സ് അം​ഗം ജോ​സ​ഫ് ജോ​ണ്‍, ലീ​ഗ് സ്വ​ത​ന്ത്ര​നാ​യി വി​ജ​യി​ച്ച ജോ​ർ​ജ് ജോ​ണി​ന്‍റെ​യും വോ​ട്ട് ഉ​ൾ​പ്പെ​ടെ കോ​ണ്‍​ഗ്ര​സ് സ്ഥാ​നാ​ർ​ഥി കെ.​ ദീ​പ​കി​ന് പ​ത്തു വോ​ട്ടു ല​ഭി​ച്ചു.


കോ​ണ്‍​ഗ്ര​സ് നി​ല​പാ​ടി​ൽ പ്ര​തി​ഷേ​ധി​ച്ച് ലീ​ഗ് ര​ണ്ടാംഘ​ട്ട വോ​ട്ടെ​ടു​പ്പി​ൽ ചെ​യ്ത​തു പോ​ലെ അ​ഞ്ചു വോ​ട്ടു​ക​ളും അ​സാ​ധു​വാ​ക്കി​യി​രു​ന്നെ​ങ്കി​ൽ കോ​ണ്‍​ഗ്ര​സി​ന് വി​ജ​യം ഉ​റ​പ്പി​ക്കാ​മാ​യി​രു​ന്നു. എ​ന്നാ​ൽ അ​പ്ര​തീ​ക്ഷി​ത​മാ​യാ​ണ് ലീ​ഗ് അം​ഗ​ങ്ങ​ൾ എ​ൽ​ഡി​എ​ഫ് സ്ഥാ​നാ​ർ​ഥി സ​ബീ​ന ബി​ഞ്ചു​വി​ന് വോ​ട്ട് ചെ​യ്ത​തും ഇ​വ​ർ വി​ജ​യി​ക്കാ​നി​ട​യാ​യ​തും. എ​ന്നാ​ൽ ലീ​ഗും സി​പി​എ​മ്മും ത​മ്മി​ൽ ഇ​ക്കാ​ര്യ​ത്തി​ൽ മു​ൻ​ധാ​ര​ണ​യു​ണ്ടാ​ക്കി​യെ​ന്നാ​ണ് കോ​ണ്‍​ഗ്ര​സ് ആ​രോ​പി​ക്കു​ന്ന​ത്.

നാ​ണ​ക്കേ​ടാ​യി കൈ​യാ​ങ്ക​ളി

കോ​ണ്‍​ഗ്ര​സ്-ലീ​ഗ് പ്ര​വ​ർ​ത്ത​ക​ർ ത​മ്മി​ൽ കൈ​യാ​ങ്ക​ളി​യി​ൽ വ​രെ എ​ത്തി​യ ന​ഗ​ര​സ​ഭാ തെ​ര​ഞ്ഞെ​ടു​പ്പ് യു​ഡി​എ​ഫ് രാ​ഷ‌്ട്രീ​യ​ത്തി​ൽ ത​ന്നെ കേ​ട്ടു കേ​ൾ​വി​യി​ല്ലാ​ത്ത കാ​ര്യ​മാ​ണ്. ചെ​യ​ർ​മാ​ൻ തെ​ര​ഞ്ഞെ​ടു​പ്പി​ൽ ഇ​ട​തു വോ​ട്ടു​ക​ൾ യു​ഡി​എ​ഫ് പാ​ള​യ​ത്തി​ൽ എ​ത്തി​ക്കാ​നു​ള്ള ശ്ര​മം ഡി​സി​സി ന​ട​ത്തി​യി​രു​ന്നു.

നേ​ര​ത്തേ ഭ​ര​ണം പി​ടി​ക്കാ​നാ​യി സി​പി​എം ന​ട​ത്തി​യ അ​ട്ടി​മ​റി​ക്ക് അ​തേ നാ​ണ​യ​ത്തി​ൽ മ​റു​പ​ടി ന​ൽ​കാ​നാ​യി​രു​ന്നു ഈ ​നീ​ക്കം . എ​ന്നാ​ൽ മു​ന്ന​ണി യോ​ഗ​ത്തി​ൽ ഇ​ത് വി​ശ​ദീ​ക​രി​ച്ചി​ട്ടും ലീ​ഗ് വ​ഴ​ങ്ങി​യി​ല്ലെ​ന്നാ​ണ് കോ​ണ്‍​ഗ്ര​സ് ആ​രോ​പ​ണം. എ​ന്നാ​ൽ കോ​ണ്‍​ഗ്ര​സ് വ​ഞ്ച​ന​യാ​ണ് കാ​ണി​ച്ച​തെ​ന്നും ലീ​ഗി​ന്‍റെ സ​ഹാ​യ​ത്തോ​ടെ വി​ജ​യി​ച്ച​വ​രാ​ണ് ജി​ല്ല​യി​ൽ യു​ഡി​എ​ഫി​ലെ പ​ല ത​ദ്ദേ​ശ ഭ​ര​ണ​സം​വി​ധാ​ന​മെ​ന്നും ലീ​ഗ് നേ​തൃ​ത്വം വ്യ​ക്ത​മാ​ക്കി.​ ഇ​തി​നി​ടെ ഇ​ത്ത​രം രാ​ഷ‌്ട്രീ​യ​പാ​പ്പ​ര​ത്തം കാ​ണി​ച്ചാ​ൽ ഭാ​വി​യി​ൽ മു​ന്ന​ണി​ക്ക് ദോ​ഷ​ക​ര​മാ​യി ഭ​വി​ക്കു​മെ​ന്ന മു​ന്ന​റി​യി​പ്പു​മാ​യി കേ​ര​ള കോ​ണ്‍​ഗ്ര​സ് നേ​താ​ക്ക​ളും രം​ഗ​ത്തെ​ത്തി.

അ​നു​ന​യ നീ​ക്കം തു​ട​ങ്ങി

ന​ഗ​ര​സ​ഭ​യി​ൽ കോ​ണ്‍​ഗ്ര​സും ലീ​ഗു​മാ​യു​ണ്ടാ​യ ത​ർ​ക്കം യു​ഡി​എ​ഫ് ജി​ല്ലാ ക​മ്മി​റ്റി​യി​ൽ വ​രെ പ്ര​തി​ഫ​ലി​ക്കു​ന്ന സാ​ഹ​ച​ര്യ​ത്തി​ൽ ഇ​രു പാ​ർ​ട്ടി​ക​ളു​ടെ​യും സം​സ്ഥാ​ന നേ​തൃ​ത്വം ഇ​ട​പെ​ടും. പ്ര​ശ്ന​ത്തി​ന്‍റെ ഗൗ​ര​വം സം​സ്ഥാ​ന നേ​തൃ​ത്വ​ത്തെ ധ​രി​പ്പി​ച്ചെ​ന്ന് മു​‌സ‌‌്‌ലിം ലീ​ഗ് ജി​ല്ലാ നേ​താ​ക്ക​ൾ പ​റ​ഞ്ഞു. കെ​പി​സി​സി അ​ധ്യ​ക്ഷ​നെ​യും പ്ര​തി​പ​ക്ഷ നേ​താ​വി​നെ​യും വി​ഷ​യം ധ​രി​പ്പി​ച്ചു​വെ​ന്നാ​ണ് ഡി​സി​സി പ്ര​സി​ഡ​ന്‍റ് പ​റ​ഞ്ഞ​ത്. പ്ര​ശ്ന പ​രി​ഹാ​ര​ത്തി​നാ​യി പി.​ജെ.​ജോ​സ​ഫ് എം​എ​ൽ​എ​യും ഇ​ട​പെ​ട്ടി​രു​ന്നു.

19ന് ​അ​ഞ്ചു ജി​ല്ല​ക​ളി​ൽനി​ന്നു​ള്ള ചെ​യ​ർ​മാ​ൻ​മാ​രും ക​ണ്‍​വീ​ന​ർ​മാ​രും പ​ങ്കെ​ടു​ക്കു​ന്ന യു​ഡി​എ​ഫ് മേ​ഖ​ലാ യോ​ഗം എ​റ​ണാ​കു​ള​ത്ത് ചേ​രു​ന്നു​ണ്ട്. അ​ന്ന് മു​ന്ന​ണി​യി​ലെ ത​ർ​ക്കം ജി​ല്ല​യി​ൽനി​ന്നു​ള്ള നേ​താ​ക്ക​ൾ യോ​ഗ​ത്തി​ൽ അ​വ​ത​രി​പ്പി​ക്കു​മെ​ന്നാ​ണ് സൂ​ച​ന. ഇ​തി​നി​ടെ അ​പ്ര​തീ​ക്ഷി​ത​മാ​യു​ണ്ടാ​യ വി​ജ​യ​ത്തി​ൽ എ​ൽ​ഡി​എ​ഫ് ക്യാ​ന്പ് ആ​ഹ്ലാ​ദ​ത്തി​ലാ​ണ്.