റ​വ.​ ഡോ. സി​റി​യ​ക് ഞാ​യ​ർ​കു​ളം സി​എം​എ​ഫ് പൗ​രോ​ഹി​ത്യ സു​വ​ർ​ണ​ജൂ​ബി​ലി നി​റ​വി​ൽ
Tuesday, August 13, 2024 10:33 PM IST
തീ​ക്കോ​യി: റ​വ. ​ഡോ. സി​റി​യ​ക് ഞാ​യ​ർ​കു​ളം സി​എം​എ​ഫ് പൗ​രോ​ഹി​ത്യ​സു​വ​ർ​ണ​ജൂ​ബി​ലി നി​റ​വി​ൽ. 1949 ജൂ​ണ്‍ 20ന് ​തീ​ക്കോ​യി ഞാ​യ​ർ​കു​ളം മ​ത്താ​യി-ഏ​ലി ദ​ന്പ​തി​ക​ളു​ടെ മ​ക​നാ​യി ജ​നി​ച്ച കു​റു​വ​ച്ച​ൻ എ​ന്ന വി​ളി​പ്പേ​രി​ൽ അ​റി​യി​പ്പെ​ടു​ന്ന അ​ദ്ദേ​ഹം ത​ന്‍റെ മൂ​ന്ന് സ​ഹോ​ദ​രി​മാ​രെ​യും സ​ഹോ​ദ​ര​നെ​യും അ​നു​ക​രി​ച്ച് സ​മ​ർ​പ്പ​ണ ദൈ​വ​വി​ളി സ്വീ​ക​രി​ച്ചു. 1968ൽ ​ജ​ർ​മ​നി​യി​ൽ ആ​ദ്യ വ്ര​ത​വാ​ഗ്ദാ​നം ന​ട​ത്തി. ത​ത്വ​ശാ​സ്ത്ര പ​ഠ​ന​വും ദൈ​വ​ശാ​സ്ത്ര പ​ഠ​ന​വും പൂ​ർ​ത്തി​യാ​ക്കി​യ​ശേ​ഷം 1974 ജൂ​ണ്‍ ഒ​ന്പ​തി​ന് ക്ല​രീ​ഷ്യ​ൻ ക​ർ​ദി​നാ​ൾ ആ​ർ​ത്തു​രോ ത​ബേ​ര​യി​ൽനി​ന്ന് ജ​ർ​മ​നി​യി​ലെ ആ​ദ്യ ഭ​വ​ന​മാ​യ ഡ്രൈ ​ഫാ​ൾ​ട്ടി കൈ​റ്റ്സ് ബ​ർ​ഗി​ൽ​വ​ച്ച് പൗ​രോ​ഹി​ത്യം സ്വീ​ക​രി​ച്ചു.

1974ൽ ​ഇ​ന്ത്യ​യി​ൽ തി​രി​ച്ചെ​ത്തി​യ ഫാ. ​സി​റി​യ​ക് കു​റ​വി​ല​ങ്ങാ​ട്ടെ ക്ലാ​ര​റ്റ് ഭ​വ​നി​ലും ബാം​ഗ​ളൂ​രി​ലെ ക​ർ​മ​ലാ​രാം നൊ​വി​ഷേ​റ്റി​ലും പ​രി​ശീ​ല​ക​നാ​യി പ്ര​വ​ർ​ത്തി​ച്ചു. 1976ൽ ​ത​മി​ഴ്നാ​ട്ടി​ലെ ക​റു​മാ​ത്തൂ​രി​ൽ സ​ഹോ​ദ​ര​ൻ ഫാ. ​മാ​ത്യു ഞാ​യ​ർ​കു​ള​ത്തി​നൊ​പ്പം സെ​മി​നാ​രി​യും സ്കൂ​ളും ദൈ​വാ​ല​യ​വും സ്ഥാ​പി​ച്ചു.

1979ൽ ​ഉ​പ​രി​പ​ഠ​ന​ത്തി​നാ​യി റോ​മി​ലേ​ക്ക് പോ​യ ഫാ. ​സി​റി​യ​ക് ക്ല​രീ​ഷ്യ​ൻ ആ​ധ്യാ​ത്മി​ക​ത​യി​ൽ ഡോ​ക്ട​റേ​റ്റു നേ​ടി. 1983 ൽ ​ബാം​ഗ്ലൂ​രി​ലു​ള്ള ക്ല​രീ​ഷ്യ​ൻ സെ​മി​നാ​രി​യി​ൽ നി​യ​മി​ക്ക​പ്പെ​ട്ടു. പ​രി​ശീ​ല​ക​ൻ, റെ​ക്ട​ർ, പ്രൊ​വി​ൻ​സി​ന്‍റെ സെ​ക്ര​ട്ട​റി, സെ​ന്‍റ് പീ​റ്റേ​ഴ്സ് സെ​മി​നാ​രി​യി​ലെ പ്ര​ഫ​സ​ർ എ​ന്നീ നി​ല​ക​ളി​ൽ സേ​വ​ന​മ​നു​ഷ്ഠി​ച്ചു.


കു​ഷ്ഠ​രോ​ഗി​ക​ളു​ടെ പു​ന​ര​ധി​വാ​സ കേ​ന്ദ്ര​മാ​യ സു​മ്മ​ന​ഹ​ള്ളി​യി​ലെ സ്ഥാ​പ​ന​ത്തി​ന്‍റെ ചു​മ​ത​ല​യേ​റ്റ ഫാ. ​സി​റി​യ​ക്കി​ന് രാ​ഷ്‌ട്ര​പ​തി എ.​പി.​ജെ. അ​ബ്ദു​ൾ ക​ലാ​മി​ൽനി​ന്ന് പ്ര​വ​ർ​ത്ത​ന മി​ക​വി​നു​ള്ള അ​വാ​ർ​ഡ് ല​ഭി​ച്ചു.

1992 മു​ത​ൽ 23 വ​ർ​ഷം ശ്രീ​ല​ങ്ക​യി​ലെ ക്ല​രീ​ഷ​ൻ മി​ഷ​ൻ പ്ര​വ​ർ​ത്ത​ന​ങ്ങ​ളി​ൽ മു​ഴു​കി​യ ഫാ. ​സി​റി​യ​ക് സെ​മി​നാ​രി​ക​ൾ സ്ഥാ​പി​ച്ചും സു​പ്പീ​രി​യ​റാ​യും സേ​വ​നം ചെ​യ്തു. 2015ൽ ​ജ​ർ​മ​ൻ പ്രൊ​വി​ൻ​സി​ലേ​ക്ക് നി​യോ​ഗി​ക്ക​പ്പെ​ട്ട അ​ച്ച​ൻ വി​യ​ന്ന​യി​ലു​ള്ള ആ​ശ്ര​മ​ത്തി​ലും ഇ​ട​വ​ക​യി​ലും സേ​വ​നം ചെ​യ്തു. 2023 മു​ത​ൽ ജ​ർ​മ​നി​യി​ലെ ഫ്രാ​ങ്ക്ഫ​ർ​ട്ടി​ൽ ക്ല​രീ​ഷ​ൻ സ്റ്റ​ഡി ഹൗ​സി​ൽ റെ​ക്ട​റാ​യി സേ​വ​നം തു​ട​രു​ന്നു.

ഓ​ഗ​സ്റ്റ് 17ന് ​മാ​തൃ ഇ​ട​വ​ക​യാ​യ തീ​ക്കോ​യി സെ​ന്‍റ് മേ​രീ​സ് ഫൊ​റോ​ന പ​ള്ളി​യി​ൽ പൗ​രോ​ഹി​ത്യ സു​വ​ർ​ണ​ജൂ​ബി​ലി ആ​ഘോ​ഷ​ങ്ങ​ളു​ടെ ഭാ​ഗ​മാ​യി കൃ​ത​ജ്ഞ​താ​ബ​ലി അ​ർ​പ്പി​ക്കും.