തൊഴിലില്ലാത്ത ഗ്രാ​മീ​ണ യു​വ​തി​കൾ കൂ​ടു​ന്നെന്നു പ​ഠ​നം
Tuesday, April 27, 2021 11:19 PM IST
സി​ജോ പൈ​നാ​ട​ത്ത്

കൊ​ച്ചി: ഗ്രാ​മീ​ണ​മേ​ഖ​ല​യി​ലെ യു​വ​തി​ക​ളി​ൽ തെ​ഴി​ൽ​ര​ഹി​ത​രാ​യ​വ​ർ കൂ​ടു​ന്നെ​ന്നും തൊ​ഴി​ല​ന്വേ​ഷ​ണ​ത്തി​നു​ള്ള താ​ത്പ​ര്യം ഇ​വ​രി​ൽ കു​റ​ഞ്ഞു​വ​രി​ക​യാ​ണെ​ന്നും പ​ഠ​നം. 18-40 പ്രാ​യ​വി​ഭാ​ഗ​ത്തി​ലു​ള്ള​വ​ര്‍​ക്കി​ട​യി​ല്‍ കൊ​ച്ചി​യി​ലെ സെ​ന്‍റ​ര്‍ ഫോ​ര്‍ സോ​ഷ്യോ എ​ക്ക​ണോ​മി​ക് ആ​ന്‍​ഡ് എ​ന്‍​വ​യ​ണ്‍​മെ​ന്‍റ​ല്‍ സ്റ്റ​ഡീ​സ് (സി​എ​സ്ഇ​എ​സ്) ന​ട​ത്തി​യ പ​ഠ​ന​ത്തി​ലാ​ണ് ഈ ​നി​രീ​ക്ഷ​ണം.
13 ശ​ത​മാ​ന​മാ​ണു പു​രു​ഷ​ന്മാ​ര്‍​ക്കി​ട​യി​ല്‍ തൊ​ഴി​ലി​ല്ലാ​യ്മ നി​ര​ക്ക്. സ്ത്രീ​ക​ളി​ല്‍ ഇ​തു 43 ശ​ത​മാ​നം. യു​വാ​ക്ക​ളി​ല്‍ 70 ശ​ത​മാ​നം പേ​രും വ​രു​മാ​ന​മു​ള്ള ഏ​തെ​ങ്കി​ലും ജോ​ലി​ക​ള്‍ ഉ​ള്ള​വ​രാ​ണ്. ജോ​ലി​യു​ള്ള യു​വ​തി​ക​ള്‍ 33 ശ​ത​മാ​ന​മാ​ണ്. പു​രു​ഷ​ന്മാ​ര്‍​ക്കി​ട​യി​ലെ തൊ​ഴി​ല്‍​പ​ങ്കാ​ളി​ത്ത നി​ര​ക്ക് 36-40 പ്രാ​യ​പ​രി​ധി​യി​ല്‍​പെ​ടു​ന്ന​വ​രി​ല്‍ 100 ശ​ത​മാ​ന​വും 31-35 പ്രാ​യ​പ​രി​ധി​യി​ല്‍​പെ​ടു​ന്ന​വ​രി​ല്‍ 91 ശ​ത​മാ​ന​വു​മാ​ണ്. അ​താ​യ​ത്, 30 വ​യ​സി​നു മു​ക​ളി​ലു​ള്ള യു​വാ​ക്ക​ളി​ല്‍ ഭൂ​രി​ഭാ​ഗം പേ​രും ജോ​ലി​യു​ള്ള​വ​രാ​ണ്.
26 മു​ത​ല്‍ 30 വ​യ​സു വ​രെ​യു​ള്ള പു​രു​ഷ​ന്മാ​രി​ല്‍ 87 ശ​ത​മാ​ന​വും ജോ​ലി ചെ​യ്യു​ന്ന​വ​രാ​ണെ​ങ്കി​ല്‍, ഇ​തേ പ്രാ​യ​ത്തി​ലു​ള്ള സ്ത്രീ​ക​ളി​ല്‍ 41 ശ​ത​മാ​നം മാ​ത്ര​മാ​ണു ജോ​ലി ചെ​യ്യു​ന്ന​ത്. 30 വ​യ​സി​നു മു​ക​ളി​ലു​ള്ള സ്ത്രീ​ക​ളി​ല്‍ 45 ശ​ത​മാ​ന​ത്തി​നാ​ണു ജോ​ലി​യു​ള്ള​തെ​ന്നു പ​ഠ​നം പ​റ​യു​ന്നു.
26-30 പ്രാ​യ​ത്തി​ലെ 20 ഉം 31-35 ​പ്രാ​യ​ത്തി​ലെ 25 ഉം 36-40 ​പ്രാ​യ​ത്തി​ലെ 27 ഉം ​ശ​ത​മാ​നം യു​വ​തി​ക​ള്‍​ക്കു ജോ​ലി​യി​ല്ലെ​ന്നു മാ​ത്ര​മ​ല്ല, തൊ​ഴി​ലി​നാ​യി അ​ന്വേ​ഷ​ണം ന​ട​ത്താ​ന്‍ ഉ​ത്സു​ക​ര​ല്ലെ​ന്നും പ​ഠ​ന​ത്തി​ല്‍ വ്യ​ക്ത​മാ​യി. വി​വാ​ഹ​വും കു​ടും​ബ​പ്ര​ശ്‌​ന​ങ്ങ​ളും സ്ത്രീ​ക​ളു​ടെ തൊ​ഴി​ല്‍​പ​ങ്കാ​ളി​ത്തം കു​റ​യ്ക്കു​ന്ന​താ​യി പ​ഠ​നം പ​റ​യു​ന്നു. നി​ല​വി​ല്‍ ജോ​ലി ഇ​ല്ലാ​ത്ത, എ​ന്നാ​ല്‍ തൊ​ഴി​ല​ന്വേ​ഷ​ക​രാ​യ യു​വ​തി​ക​ളി​ല്‍ 58 ശ​ത​മാ​ന​വും വി​വാ​ഹ​വും പ്ര​സ​വ​വും കു​ടും​ബ​ത്തി​ലെ മ​റ്റ് ഉ​ത്ത​ര​വാ​ദി​ത്ത​ങ്ങ​ളും ത​ങ്ങ​ളു​ടെ തൊ​ഴി​ല്‍​സാ​ധ്യ​ത​ക​ളെ പ്ര​തി​കൂ​ല​മാ​യി ബാ​ധി​ച്ചു​വെ​ന്ന് അ​ഭി​പ്രാ​യ​പ്പെ​ട്ടു.
പു​രു​ഷ​ന്മാ​രി​ല്‍ നാ​ലു ശ​ത​മാ​ന​ത്തി​നാ​ണ് സ​മാ​ന​മാ​യ കാ​ര​ണ​ങ്ങ​ള്‍ ജോ​ലി​ക്കു പ്ര​തി​കൂ​ല​ഘ​ട​ക​മാ​യ​ത്. നേ​ര​ത്തെ ജോ​ലി ചെ​യ്തി​രു​ന്ന സ്ത്രീ​ക​ളി​ല്‍ 61 ശ​ത​മാ​ന​വും വി​വാ​ഹ​വും കു​ടും​ബ ഉ​ത്ത​ര​വാ​ദി​ത്ത​ങ്ങ​ളു​മാ​ണു ജോ​ലി​യു​പേ​ക്ഷി​ക്കാ​ന്‍ കാ​ര​ണ​മാ​യി ചൂ​ണ്ടി​ക്കാ​ട്ടി​യ​ത്.
തൊ​ഴി​ല​ന്വേ​ഷ​ക​രാ​യ പു​രു​ഷ​ന്മാ​രി​ല്‍ നാ​ലി​ല്‍ മൂ​ന്നാ​ളും എ​വി​ടെ വേ​ണ​മെ​ങ്കി​ലും ജോ​ലി ചെ​യ്യാ​ന്‍ ത​ങ്ങ​ള്‍ ത​യാ​റാ​ണെ​ന്നു പ​റ​ഞ്ഞ​പ്പോ​ള്‍ യു​വ​തി​ക​ളി​ല്‍ നാ​ലി​ല്‍ മൂ​ന്നു പേ​ര്‍​ക്കും വീ​ടി​ന​ടു​ത്തു​ത​ന്നെ ജോ​ലി​ചെ​യ്യാ​നാ​ണു താ​ത്പ​ര്യം. ഗ്രാ​മീ​ണ യു​വാ​ക്ക​ളു​ടെ തൊ​ഴി​ല്‍ പ​ങ്കാ​ളി​ത്ത​ത്തി​ല്‍ ലിം​ഗ​പ​ര​മാ​യ അ​ന്ത​രം നി​ല​നി​ല്‍​ക്കു​ന്നു​വെ​ന്നാ​ണു പ​ഠ​നം വ്യ​ക്ത​മാ​ക്കു​ന്ന​തെ​ന്നു സി​എ​സ്ഇ​എ​സി​ലെ ഗ​വേ​ഷ​ക​രാ​യ ഡോ. ​രാ​ഖി തി​മോ​ത്തി അ​ഭി​പ്രാ​യ​പ്പെ​ട്ടു. കു​ടും​ബ​ത്തി​ന്‍റെ വ​രു​മാ​ന​സ്രോ​ത​സ് പു​രു​ഷ​ന്മാ​രാ​ണെ​ന്ന കാ​ഴ്ച​പ്പാ​ട് മാ​റി സ്ത്രീ​ക​ള്‍​ക്കും പു​രു​ഷ​ന്മാ​ര്‍​ക്കും വീ​ട്ടി​ലും സ​മൂ​ഹ​ത്തി​ലും തു​ല്യ ഉ​ത്ത​ര​വാ​ദി​ത്ത​മെ​ന്ന ചി​ന്ത​യി​ലേ​ക്കു സ​മൂ​ഹം ഇ​നി​യും വ​ള​രേ​ണ്ട​തു​ണ്ടെ​ന്നും അ​വ​ര്‍ ചൂ​ണ്ടി​ക്കാ​ട്ടി.
644 കു​ടും​ബ​ങ്ങ​ളി​ല്‍​നി​ന്നു​ള്ള യു​വാ​ക്ക​ള്‍​ക്കി​ട​യി​ല്‍ ന​ട​ത്തി​യ പ​ഠ​ന​ത്തി​ല്‍ ഗ​വേ​ഷ​ക​രാ​യ സി.​ആ​ര്‍. അ​ന​ഘ, സ്വാ​തി മോ​ഹ​ന​ന്‍, കെ.​എം. ജ​യ​ന്‍ ബി​ബി​ന്‍ ത​മ്പി എ​ന്നി​വ​രും പ​ങ്കാ​ളി​ക​ളാ​യി.