കൊച്ചി: സ്വകാര്യ ബസില് 19 കാരിയായ പെണ്കുട്ടിക്ക് നേരെ ലൈംഗികാതിക്രം കാട്ടിയ അധ്യാപകന് അറസ്റ്റില്. പള്ളിക്കര പെരിങ്ങോല കുമാരപുരം സ്വദേശി കമാലിനെയാണ് സൗത്ത് പോലീസ് അറസ്റ്റ് ചെയ്തത്.
ഇന്നലെ ഉച്ചയ്ക്ക് ഫോര്ട്ട്കൊച്ചി-ആലുവ റൂട്ടിലോടുന്ന ബസിലാണ് സംഭവം. പെണ്കുട്ടി ബഹളം വച്ചതോടെ ബസ് ജീവനക്കാരും യാത്രക്കാരും ഇയാളെ പിടികൂടി പോലീസില് ഏല്പ്പിക്കുകയായിരുന്നു. കടയിരിപ്പ് സ്കൂളിലെ അധ്യാപകനാണ്.