നെടുമ്പാശേരി: കൊച്ചി അന്താരാഷ്ട്ര വിമാനത്താവളം വഴി സ്വർണം കടത്താൻ ശ്രമിച്ച യാത്രക്കാരിയെ എയർ കസ്റ്റംസ് ഇന്‍റലിജന്‍റ്സ് വിഭാഗം പിടികൂടി. ചെരിപ്പിനുള്ളിൽ അതിവിദഗ്ധമായി ഒളിപ്പിച്ചു കൊണ്ടുവന്നാണ് 13 ലക്ഷം രൂപയുടെ സ്വർണം കൊച്ചി അന്താരാഷ്ട്ര വിമാനതാവളത്തിൽ കസ്റ്റംസ് പിടികൂടിയത്.
ക്വാലാലംപൂരിൽ നിന്നും വന്ന വനിതാ യാത്രക്കാരിയെയാണ് സ്വർണം കടത്താൻ ശ്രമിക്കുന്നതിനിടെ കസ്റ്റംസ് പിടികൂടിയത്. അഞ്ചു കഷണങ്ങളാക്കി മുറിച്ച സ്വർണക്കട്ടികളും രണ്ട് വളകളുമായി 196 ഗ്രാം സ്വർണമാണ് അനധികൃതമായി കടത്താൻ ശ്രമിക്കുന്നതിനിടെ കസ്റ്റംസിന്‍റെ പരിശോധനയിൽ കസ്റ്റഡിയിലെടുത്തത് .