പുത്തന്‍തോട് ഗവ. സ്‌കൂളിന് വിപിഎസ് ലേക്‌ഷോര്‍ 300 കസേരകള്‍ കൈമാറി
1535607
Sunday, March 23, 2025 4:35 AM IST
കൊച്ചി: ചെല്ലാനം പുത്തന്‍തോട് ഗവ. ഹയര്‍ സെക്കന്‍ഡറി സ്‌കൂളിന് 300 കസേരകള്‍ കൈമാറി വിപിഎസ് ലേക്‌ഷോര്‍ ആശുപത്രി. സ്‌കൂള്‍ ഓഡിറ്റോറിയത്തില്‍ നടന്ന ചടങ്ങില്‍ സ്‌കൂള്‍ അധികൃതരും ജനപ്രതിനിധികളും ചേര്‍ന്ന് വിപിഎസ് ലേക്‌ഷോര്‍ സിഇഒ ജയേഷ് വി. നായരില്‍ നിന്ന് കസേരകള്‍ സ്വീകരിച്ചു.
ചെല്ലാനം പഞ്ചായത്ത് പ്രസിഡന്‍റ് കെ.എല്‍. ജോസഫ് ഉദ്ഘാടനം ചെയ്തു. പിടിഎ പ്രസിഡന്‍റ് ആന്‍റണി ഷീലന്‍ അധ്യക്ഷത വഹിച്ചു. ജില്ലാ പഞ്ചായത്ത് അംഗം ദീപു കുഞ്ഞുക്കുട്ടി, ഹെഡ്മിസ്ട്രസ് കെ.വാസന്തി, സ്റ്റാഫ് സെക്രട്ടറി എന്‍. ജയശങ്കര്‍, വിപിഎസ് ലേക്‌ഷോര്‍ കമ്പനി സെക്രട്ടറി മുരളീധരന്‍ ആര്‍. പൈ,
കോര്‍പറേറ്റ് കമ്യൂണിക്കേഷന്‍സ് മാനേജര്‍ അനില്‍ കുമാര്‍, ഗ്രാഫിക്‌സ് ഡിസൈനര്‍ ബ്രിജില്‍, ബ്ലോക്ക് പഞ്ചായത്ത് അംഗം കെ.കെ. സെല്‍വരാജ്, പഞ്ചായത്തംഗം റോസി പെക്‌സി, പിടിഎ വൈസ് പ്രസിഡന്‍റ് സജീവ് ഫ്രാന്‍സിസ്, എസ്എംസി ചെയര്‍പേഴ്‌സൺ മേരി ക്രിസ്റ്റഫര്‍ എന്നിവര്‍ പങ്കെടുത്തു.