റോ​ഡി​ലെ കു​ഴി​യ​ട​യ്ക്ക​ൽ: വടക്കാഞ്ചേരിയിൽ ഗ​താ​ഗ​ത​ക്കുരുക്ക്
Sunday, August 11, 2024 6:49 AM IST
വ​ട​ക്കാ​ഞ്ചേ​രി: ന​ഗ​ര​ത്തെ ഗ​താ​ഗ​ത​ക്കുരുക്കി​ലാ​ഴ്ത്തി പൊ​തു​മ​രാ​മ​ത്ത് വ​കു​പ്പി​ന്‍റെ കു​ഴി​യ​ടയ്​ക്ക​ൽ. ആം​ബു​ല​ൻ​സ് ഉ​ൾ​പ്പെ​ടെ​യു​ള്ള അ​വ​ശ്യ​സ​ർ​വീ​സു​ക​ൾ ഗ​താ​ഗ​ത​ക്കു​രു​ക്കി​ൽ​പ്പെ​ട്ടു.
വ​ട​ക്കാ​ഞ്ചേ​രി എ​സ്ഐ സി. ​ഗി​രീ​ഷ് കു​മാ​റി​ന്‍റെ നേ​തൃ​ത്വ​ത്തി​ൽ മ​ണി​ക്കൂ​റോ​ളം​നി​ന്ന് ഗ​താ​ഗ​തം നി​യ​ന്ത്രി​ച്ചു. തൃ​ശൂ​ർ - ഷൊ​ർ​ണൂ​ർ സം​സ്ഥാ​ന​പാ​ത​യി​ൽ ഓ​ട്ടു​പാ​റ- കു​ന്നം​കു​ളം റോ​ഡ് ജം​ഗ്ഷ​നി​ൽ റോ​ഡി​ൽ വ​ലി​യ കു​ഴി​ക​ൾ രൂ​പ​പ്പെ​ട്ടി​രു​ന്നു.

ഇ​ത​ട​യ്ക്കു​വാ​നാ​യി റോ​ഡി​ന്‍റെ സൈ​ഡു​ക​ളി​ൽ​നി​ന്നു ബാ​രി​ക്കേ​ഡുക​ൾ​വ​ച്ച് സം​സ്ഥാ​ന​പാ​ത​യി​ൽ വാ​ഹ​ന​ങ്ങ​ൾ ത​ട​ഞ്ഞ​താ​ണു വ​ലി​യ ഗ​താ​ഗ​ത​ക്കു​രു​ക്കി​നു കാ​ര​ണ​മാ​യ​ത്.

വ​ലി​യ തി​ര​ക്കു​ള്ള വ​ട​ക്കാ​ഞ്ചേ​രി ന​ഗ​ര​ത്തി​ന്‍റെ പ്ര​ധാ​ന ജം​ഗ്ഷ​നി​ൽ അ​റ്റ​കു​റ്റ​പ്പ​ണി​ക്കാ​യി മു​ന്ന​റി​യി​പ്പി​ല്ലാ​തെ ഗ​താ​ഗ​ത​നി​യ​ന്ത്ര​ണം ഏ​ർ​പ്പെ​ടു​ത്തി​യ​തു വ​ലി​യ ഗ​താ​ഗ​ത​ക്കു​രു​ക്കി​നും പ്ര​തി​ഷേ​ധ​ത്തി​നും കാ​ര​ണ​മാ​യി.


ആം​ബു​ല​ൻ​സും ബ​സു​ക​ളും ഉ​ൾ​പ്പെ​ടെ ഗ​താ​ഗ​ത​ക്കു​രു​ക്കി​ൽ​പ്പെ​ട്ട് ഏ​റെ​നേ​രം വ​ഴി​യി​ൽ കി​ട​ക്കേ​ണ്ടി​വ​ന്നു. സ്കൂ​ളു​ക​ൾ വി​ടു​ന്ന സ​മ​യ​മാ​യ​തി​നാ​ൽ ഗ​താ​ഗ​ത​ക്കു​രുക്കു രൂ​ക്ഷ​മാ​യി. പ​രു​ത്തി​പ്ര മു​ത​ൽ വ​ട​ക്കാ​ഞ്ചേ​രി റെ​യി​ൽ​വേ ഓ​വ​ർ ബ്രി​ഡ്ജ് വ​രെ വാ​ഹ​ന​ങ്ങ​ളു​ടെ നീ​ണ്ട​ നി​ര രൂ​പ​പ്പെ​ട്ട​തോ​ടെ വ​ട​ക്കാ​ഞ്ചേ​രി പോ​ലീ​സ് സ്ഥ​ല​ത്തെ​ത്തി ഗ​താ​ഗ​തനി​യ​ന്ത്ര​ണം ഏ​റ്റെ​ടു​ത്തു.

കാ​യി​ക മ​ന്ത്രി വ​ട​ക്കാ​ഞ്ചേ​രി​യി​ലെ​ത്തു​ന്ന സ​മ​യ​മാ​യ​തോ​ടെ ബ​ന്ധ​പ്പെ​ട്ട അ​ധി​കാ​രി​ക​ൾ വി​ഷ​യ​ത്തി​ൽ ഇ​ട​പെ​ടു​ക​യും കുഴിയടയ്ക്കൽ വേ​ഗ​ത്തി​ൽ പൂ​ർ​ത്തി​ക​രി​ച്ച് ത​ട​സ​ങ്ങ​ൾ നീ​ക്കു​ക​യു​മാ​യി​രു​ന്നു. ഏ​റെ തി​ര​ക്കു​ള്ള സം​സ്ഥാ​ന​പാ​ത​യി​ൽ വാ​ഹ​ന​ങ്ങ​ൾ ഏ​റെ​യു​ള്ള സ​മ​യം അ​റ്റ​കു​റ്റ​പ്പ​ണി​ക​ൾ ന​ട​ത്തി​യ​തു വ​ലി​യ പ്ര​തി​ഷേ​ധ​ത്തി​ന് ഇ​ട​യാ​ക്കി.