മണ്ണാർക്കാട് : ബ്ലോക്ക് പഞ്ചായത്ത് കേരളോത്സവം കലാ മത്സരങ്ങളുടെ സമാപന സമ്മേളനവും സമ്മാന ദാനവും ജിഎംയുപി സ്കൂളിൽ നടന്നു. ബ്ലോക്ക് പഞ്ചായത്ത് പ്രസിഡന്‍റ് കെ.പി. ബുഷ്റ ഉദ്ഘാടനം ചെയ്തു. ബ്ലോക്ക് പഞ്ചായത്ത് വൈസ് പ്രസിഡന്‍റ് ചെറൂട്ടി മുഹമ്മദ് അധ്യക്ഷനായി.
കെ. പി. എസ്. പയ്യനെടം, ബിജി ടോമി, തങ്കം മഞ്ചാടിക്കൽ, വി. പ്രീത, തെക്കൻ ബഷീർ, ജയശ്രി, പി. വി. കുര്യൻ, കുഞ്ഞിമുഹമ്മദ് പടുവിൽ , ഷാനവാസ് , ഓമന രാമചന്ദ്രൻ, ആയിഷ ബാനു, മണികണ്ഠൻ, അബ്ദുൽ സലീം, രമ സുകുമാരൻ, അജിത്ത് കുമാരി, സംഘാടക സമിതി കണ്‍വീനർ ഗിരീഷ് ഗുപ്ത, അസീസ് ഭീമനാട്, മുജീബ് മല്ലിയിൽ, ആദർശ് എബ്രഹാം തുടങ്ങിയവർ പങ്കെടുത്തു.
കലാ കായിക മത്സരങ്ങൾ ഏറ്റവും കൂടുതൽ പോയിന്റ് നേടി കുമരംപുത്തൂർ പഞ്ചായത്ത് ഓവറോൾ കിരീടംനേടി. തെങ്കര പഞ്ചായത്ത് രണ്ടാം സ്ഥാനം നേടി. കലാതിലകം അനശ്വര കുമരംപുത്തൂർ, കലാ പ്രതിഭ വിവേക് തെങ്കര എന്നിവർ ഉപഹാരം ഏറ്റുവാങ്ങി. ഏറ്റവും കൂടുതൽ പോയിന്റെ നേടിയത് മലർ വാടി ആർട്സ് ആന്‍റെ സ്പോർട്സ് ക്ലബ് കുമരംപുത്തൂരാണ്. അത്‌ലറ്റിക്സ് മത്സരത്തിൽ പുരുഷ വിഭാഗം മൊയ്തീൻ ശുഹൈബ് കോട്ടോപ്പാടം, സീനിയർ ആണ്‍കുട്ടികളുടെ വിഭാഗം വൈശാഖ് കാഞ്ഞിരപ്പുഴ, വനിത വിഭാഗം പ്രിയ കുമരംപുത്തൂർ, സീനിയർ പെണ്‍കുട്ടികളുടെ വിഭാഗം രമ്യ കുമരംപുത്തൂർ എന്നിവർ വ്യക്തിഗത ചാന്പ്യന്മാരായി.
എംഇഎസ് കല്ലടി കോളേജിൽ നടന്ന ഫുട്ബോൾ മത്സരം നഗരസഭ ചെയർമാൻ ഫായിദ ബഷീർ ഉദ്ഘാടനം ചെയ്തു.
ബ്ലോക്ക് പഞ്ചായത്ത് വൈസ് പ്രസിഡന്‍റ് ചെറൂട്ടി മുഹമ്മദ് അധ്യക്ഷത വഹിച്ചു.
ഫുട്ബോൾ മത്സരത്തിൽ കാഞ്ഞിരപ്പുഴ പഞ്ചായത്ത് ടീമിനെ പരാജയപ്പെടുത്തി അലനല്ലൂർ പഞ്ചായത്ത് വിന്നേഴ്സ് കിരീടം നേടി.