പാലക്കാട്: ലോക ഭിന്നശേഷി ദിനാചരണത്തോടനുബന്ധിച്ച് "സ്പന്ദനം’ എന്ന പേരിൽ ഭിന്നശേഷി കുട്ടികൾക്കായി കലാകായിക മത്സരങ്ങൾ സംഘടിപ്പിച്ച് ആലത്തൂർ ഗ്രാമപഞ്ചായത്ത്.
ഭിന്നശേഷി വിഭാഗക്കാരായ കുട്ടികളുടെ കലാകായിക കഴിവുകൾ പ്രോത്സാഹിപ്പിക്കുന്നതിന്റെ ഭാഗമായി സംഘടിപ്പിച്ച വിവിധ മത്സരങ്ങളിൽ ആലത്തൂർ പഞ്ചായത്ത് പരിധിയിലെ 30 കുട്ടികൾ പങ്കെടുത്തു.
കായിക മത്സരങ്ങളായ ഓട്ടം, നടത്തം, ഷോട്ട്പുട്ട് എന്നിവയും പ്രച്ഛന്നവേഷം, കളറിംഗ്, ലളിതഗാനം, നാടൻപാട്ട്, സംഘനൃത്തം, ലെമണ് സ്പൂണ് എന്നീ ഇനങ്ങളുമാണ് നടന്നത്.
ആലത്തൂർ അലിയ മഹൽ ഓഡിറ്റോറിയത്തിൽ നടന്ന പരിപാടി ആലത്തൂർ ഗ്രാമപഞ്ചായത്ത് പ്രസിഡന്റ് എ. ഷൈനി ഉദ്ഘാടനം ചെയ്തു. സമാപന സമ്മേളനവും സമ്മാന വിതരണവും ആലത്തൂർ ബ്ലോക്ക് പഞ്ചായത്ത് പ്രസിഡന്റ് രജനി ബാബു നിർവഹിച്ചു.
വൈസ് പ്രസിഡന്റ് ചന്ദ്രൻ പരുവക്കൽ അധ്യക്ഷനായി. ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സണ് എസ്. ഫസീല, വികസനകാര്യ സ്റ്റാൻഡിംഗ് കമ്മിറ്റി ചെയർപേഴ്സണ് എൻ. കുമാരി, ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ പി. ബൈജു, ഗ്രാമപഞ്ചായത്തംഗങ്ങളായ വി. കനകാംബരൻ, യു. ഫാറൂക്ക്, ആസൂത്രണ സമിതി ഉപാധ്യക്ഷൻ സി. ഭവദാസൻ, കുടുംബശ്രീ ചെയർപേഴ്സണ് നിഷ, പി.ഇ.സി. കണ്വീനർ കെ. മനോജ്, ജനപ്രതിനിധികൾ എന്നിവർ പങ്കെടുത്തു.