കാഞ്ഞിരപ്പുഴ : കാഞ്ഞിരപ്പുഴ സെന്‍റ് തോമസ് ഫൊറോന പള്ളിയിൽ തിരുനാൾ ആഘോഷം 10,11, 12,13 ന് നടക്കും.
വിശുദ്ധ തോമശ്ലീഹായുടെയും വി.സെബസ്ത്യാനോസിന്റെയും തിരുനാൾ ആഘോഷം വിപുലമായി ആഘോഷിക്കാനാണ് ഒരുങ്ങുന്നത്.
പത്തിന് വൈകുന്നേരം അഞ്ചിന് ഫൊറോന വികാരി ഫാ.ബിജു കല്ലിങ്കൽ തിരുനാൾ കൊടിയേറ്റം നിർവഹിക്കും. തുടർന്ന് സെന്‍റ് തോമസ് പ്രൊവിൻസ് കോഴിക്കോട് ഫാ.അൽബിനോ മേക്കാലത്ത് എംസിബിഎസ് കാർമികത്വം വഹിച്ച് വിശുദ്ധ കുർബാന അർപ്പിക്കും.
തുടർന്ന് ലദീഞ്ഞ്, രൂപം എഴുന്നെള്ളിച്ച് വെക്കൽ നടക്കും. 11ന് വൈകുന്നേരം നാലിന് വിശ്വാസ പരിശീലന വേദി അസി.ഡയറക്ടർ ഫാ.എബി പൊറത്തൂർ കാർമ്മികനായി തിരുനാൾ കുർബാനയർപ്പിക്കും.
നവവൈദികൻ ഫാ.ആൽബിൻ വെട്ടിക്കാട്ട് സന്ദേശം നല്കും. വൈകുന്നേരം 5.30ന് കാഞ്ഞിരം കപ്പേളയിലേക്ക് വാദ്യാഘോഷങ്ങളോടെ ഭക്തിനിർഭരമായി തിരുനാൾ പ്രദക്ഷിണം നടക്കും.
7.30ന് ബാൻഡ് ഡിസ്പ്ലേ, കരിമരുന്ന് വിസ്മയം, ലൈറ്റ് ആൻഡ് മ്യൂസ്ക് ഷോ ഉണ്ടായിരിക്കും.
12ന് രാവിലെ ഏഴിന് വി.കുർബാനയിൽ മേരിലാൻഡ് സെന്‍റ് ജോസഫ് ചർച്ച് വികാരി ഫാ.സജി വട്ടുകളത്തിൽ തിരുനാൾ സന്ദേശം നല്കും.
കുരിശടിചുറ്റി പ്രദക്ഷിണം, ആറിന് ലദീഞ്ഞ്, തുടർന്ന് തിരുസ്വരൂപങ്ങൾ പള്ളിയിലേക്ക് വയ്ക്കും. രാത്രി ഏഴിന് മ്യൂസിക്കൽ നൈറ്റ്, ഗാനമേള നടക്കും. 13ന് രാവിലെ 6.30ന് പരേത സ്മരണ, വി.കുർബാന, ഒപ്പീസ് നടക്കും.
തിരുനാളിന്‍റെ നടത്തിപ്പാനായി വികാരി ഫാ.ബിജു കല്ലിങ്കൽ, അസി.വികാരി ഫാ.ആനന്ദ് അന്പൂക്കൻ കൈക്കാരന്മാരായ തോമസ് പുളിയാനാംപട്ടയിൽ, ഡോളി പള്ളി വാതുക്കൽ, ജെയിംസ് പള്ളിവാതുക്കൽ, ജനറൽ കണ്‍വീനർ ഷിന്‍റോ മാവറയിൽ എന്നിവരുടെ നേതൃത്വത്തിൽ വിപുലമായ കമ്മിറ്റി പ്രവർത്തിക്കുന്നുണ്ട്.