കോയന്പത്തൂർ: അഞ്ചു മുതൽ 12 വരെ കോയന്പത്തൂർ വിയുസി ഗ്രൗണ്ടിൽ നടക്കുന്ന വനിതാ സ്വയം സഹായ സംഘങ്ങളുടെ ഉൽപന്നങ്ങളുടെ പ്രദർശന വിപണന മേള -സരസ് പ്രദർശനം യുവജനക്ഷേമ കായിക വികസന മന്ത്രി ഉദയനിധി സ്റ്റാലിൻ ഉദ്ഘാടനം ചെയ്യും.
വൈദ്യുതി മന്ത്രി എ.സെന്തിൽബാലാജി, കളക്ടർ, കോർപ്പറേഷൻ മേയർ, പാർലമെന്‍റ് അംഗങ്ങൾ, നിയമസഭാ സാമാജികർ, കോർപ്പറേഷൻ കമ്മീഷണർ, തദ്ദേശ സ്വയംഭരണ സ്ഥാപന പ്രതിനിധികൾ, വനിതാ സ്വയം സഹായ സംഘങ്ങൾ എന്നിവർ പരിപാടിയിൽ പങ്കെടുക്കും.
തമിഴ്നാട് വനിതാ വികസന കോർപ്പറേഷൻ സംസ്ഥാന, ജില്ലാ, പ്രാദേശിക തലങ്ങളിൽ വനിതാ സ്വയം സഹായ സംഘങ്ങളുടെ ഉൽപ്പന്നങ്ങളുടെ വിൽപന പ്രദർശനം പതിവായി നടത്തിവരുന്നുണ്ട്.
പ്രദർശനത്തിൽ എല്ലാ ദിവസവും വൈകുന്നേരങ്ങളിൽ വിവിധ തരത്തിലുള്ള കലാപരിപാടികൾ അരങ്ങേറും.
പ്രവേശന ഫീസ് ഇല്ല. ഈ എക്സിബിഷനിൽ, ഇന്ത്യയിലെ വിവിധ സംസ്ഥാനങ്ങളിൽ നിന്നും ജില്ലകളിൽ നിന്നുമുള്ള 200 ലധികം സ്വയം സഹായ സംഘങ്ങൾ കരകൗശല വസ്തുക്കൾ, കൈത്തറി സാരികൾ, ചണം, വാഴനാരു, തുണി സഞ്ചികൾ, സുഗന്ധവ്യഞ്ജനങ്ങൾ, ജൈവ ഭക്ഷ്യ ഉൽപന്നങ്ങൾ, ഈന്തപ്പഴം, ലഘുഭക്ഷണങ്ങൾ എന്നിവ പ്രദർശിപ്പിക്കുന്നു.
എണ്ണക്കുരുക്കൾ, പാദരക്ഷകൾ, ഇംബോണ്, അലങ്കാര ആഭരണങ്ങൾ, ഹെർബൽ ഉൽപ്പന്നങ്ങൾ, പൂജാ ഉൽപന്നങ്ങൾ, പ്രകൃതിദത്ത വേദനസംഹാരികൾ, മൃദുവായ കളിപ്പാട്ടങ്ങൾ, അണുനാശിനികൾ തുടങ്ങി വിവിധ വനിതാ സ്വയം സഹായ സംഘങ്ങൾ നിർമ്മിക്കുന്ന ഉൽപ്പന്നങ്ങൾ പ്രദർശനത്തിനും വിൽപ്പനയ്ക്കുമായി എത്തിച്ചിട്ടുണ്ട്.