ഗ്രാ​മ​ങ്ങ​ളി​ൽ നാ​ട​ൻ​കോ​ഴി വ​ള​ർ​ത്ത​ലി​നു പ്രി​യ​മേ​റു​ന്നു
Monday, March 27, 2023 1:00 AM IST
ചി​റ്റൂ​ർ: ഗ്രാ​മ​ങ്ങ​ളി​ൽ നാ​ട​ൻ​കോ​ഴി വ​ള​ർ​ത്ത​ൽ തി​രി​ച്ചു​വ​രു​ന്നു. ഏ​ക​ദേ​ശം 30 വ​ർ​ഷം മു​ൻ​പ് വ​രെ കോ​ഴി​വ​ള​ർ​ത്ത​ൽ ഇ​ല്ലാ​ത്ത വീ​ടു​ക​ൾ വി​ര​ള​മാ​യേ ഉ​ണ്ടാ​യി​രു​ന്നു​ള്ളൂ. വീ​ട്ടി​ൽ അ​തി​ഥി​ക​ളെ​ത്തി​യാ​ൽ സ​ൽ​ക്ക​രി​ക്കു​ന്ന​തി​നു ഇ​ഷ്ട ഭ​ക്ഷ​ണ വി​ഭ​വം നാ​ട​ൻ കോ​ഴി ത​ന്നെ.
നി​ല​വി​ലു​ള്ള ബ്രോ​യി​ല​ർ കോ​ഴി​ക​ളെ​ക്കാ​ൾ വ​ള​ർ​ത്തു കോ​ഴി​മാം​സ​ത്തി​നു രു​ചി കൂടു​ത​ലാ​ണ്. വീ​ട്ടി​ൽ നാ​ട​ൻ​കോ​ഴി ക​റി​വെ​ച്ചാ​ൽ അ​യ​ൽ​വാ​സി​ക​ൾ​ക്ക് കാ​റ്റി​ലെ​ത്തു​ന്ന മ​ണ​ത്തി​ലൂ​ടെ ത​ന്നെ ക​ണ്ടു പി​ടി​ക്കാ​നാ​വു​മാ​യി​രു​ന്നു. ബ്രോ​യി​ല​ർ കോ​ഴി​ക​ളു​ടെ രം​ഗ​പ്ര​വേ​ശ​ത്തോ​ടെ ഗ്രാ​മീ​ണ വീ​ടു​ക​ളി​ൽ കോ​ഴി​വ​ള​ർ​ത്ത​ൽ ശൈ​ലി നി​ല​ച്ചു. ബ്രോ​യി​ല​ർ കോ​ഴി​ക​ൾ ഭ​ക്ഷി​ക്കു​ന്ന​ത് ആ​രോ​ഗ്യ​ത്തി​നു ദോ​ഷ​ക​ര​മാ​വു​ന്ന​താ​യി പ്ര​ചാ​രം ഉ​ണ്ടാ​യ​താ​ണ് വീ​ണ്ടും നാ​ട​ൻ കോ​ഴി വ​ള​ർ​ത്ത​ലി​നു പ്രേ​ര​ണ​യാ​യി​രി​ക്കു​ന്ന​ത്. മാ​ത്ര​മ​ല്ല നാ​ട​ൻ കോ​ഴിക​ൾ​ക്ക് വി​പ​ണി​യി​ൽ കി​ലോ​യ്ക്ക് 300 മു​ത​ൽ 350 വ​രെ വി​ല കു​തി​ച്ചു​യ​ർ​ന്ന​തും കോ​ഴി​വ​ള​ർ​ത്ത​ലി​നു പ്രേ​ര​ക​മാ​യി. ചു​വ​പ്പ്, വെ​ള്ള, ക​റു​പ്പ്,ചാ​രനി​റ​ത്തി​ലു​ള്ള കോ​ഴി​ക്കൂ​ട്ട​ങ്ങ​ൾ വീ​ടു​ക​ൾ​ക്ക് ചു​റ്റും തീ​റ്റ തേ​ടി ന​ട​ക്കു​ന്ന​ത് കൗ​തു​ക കാ​ഴ്ച​യു​മാ​ണ്.