പന​ങ്കു​റ്റി താ​മ​ര​പ്പി​ള്ളി​യി​ൽ വീ​ണ്ടും കാ​ട്ടാ​ന​കൂ​ട്ട​ം; റ​ബ​ർ മ​ര​ങ്ങ​ൾ ന​ശി​പ്പി​ച്ചു
Tuesday, November 28, 2023 1:57 AM IST
വ​ട​ക്ക​ഞ്ചേ​രി: കി​ഴ​ക്ക​ഞ്ചേ​രി പ​ഞ്ചാ​യ​ത്തി​ലെ പ​ന​ങ്കു​റ്റി താ​മ​ര​പ്പി​ള്ളി​യി​ൽ ക​ഴി​ഞ്ഞ രാ​ത്രി​യും കാ​ട്ടാ​ന​ക്കൂ​ട്ട​മെ​ത്തി റ​ബ​ർ മ​ര​ങ്ങ​ൾ ത​ള്ളി​യി​ട്ട് ന​ശി​പ്പി​ച്ചു. പ​ന്ത​ലാം​പാ​ടം മ​ലേ​ക​ണ്ട​ത്തി​ൽ ജോ​ർ​ജ്, സാ​ബു എ​ന്നി​വ​രു​ടെ തോ​ട്ട​ങ്ങ​ളി​ലെ റ​ബ​ർ മ​ര​ങ്ങ​ളാ​ണ് ത​ള്ളി​യി​ട്ട് ന​ശി​പ്പി​ച്ച​ത്.

മൂ​ന്ന് ദി​വ​സം മു​മ്പും ഇ​വ​രു​ടെ തോ​ട്ട​ത്തി​ലെ വ​ലി​യ റ​ബ​ർ മ​ര​ങ്ങ​ൾ ആ​ന​ക​ൾ ത​ള്ളി​യി​ട്ടി​രു​ന്നു.​ ര​ണ്ട് മ​ര​ങ്ങ​ളു​ടെ ഇ​ല​ക​ളും ആ​ന​ക​ൾ തി​ന്നി​രു​ന്നു.

ആ​ന​ക​ൾ കാ​ടി​റ​ങ്ങി​യാ​ൽ വാ​ഴ, തെ​ങ്ങ് തു​ട​ങ്ങി​യ​വ​യാ​ണ് കൂ​ടു​ത​ലും തി​ന്ന് ന​ശി​പ്പി​ച്ചി​രു​ന്ന​ത്.​ റ​ബ​ർ തോ​ട്ട​ങ്ങ​ളി​ലൂ​ടെ യാ​ത്ര ചെ​യ്യു​മ്പോ​ഴും ആ​ന​ക​ൾ റ​ബ​ർ മ​ര​ങ്ങ​ൾ ന​ശി​പ്പി​ക്കാ​റി​ല്ല. ​വ​നാ​തി​ർ​ത്തി​ക​ളി​ൽ കാ​ട്ടു​മൃ​ഗ​ങ്ങ​ളു​ടെ കാ​ര്യ​മാ​യ ഉ​പ​ദ്ര​വം ഇ​ല്ലാ​തെ കൃ​ഷി ചെ​യ്യാ​മാ​യി​രു​ന്ന വി​ള​യാ​യി​രു​ന്നു റ​ബ​ർ. എ​ന്നാ​ൽ ആ​ന​ക​ൾ റ​ബ​ർ മ​ര​ങ്ങ​ളും ന​ശി​പ്പി​ക്കാ​ൻ തു​ട​ങ്ങി​യാ​ൽ പി​ന്നെ വ​നാ​തി​ർ​ത്തി​ക​ളി​ലെ തോ​ട്ട​ങ്ങ​ളി​ൽ യാ​തൊ​രു കൃ​ഷി​യും ചെ​യ്യാ​നാ​കാ​ത്ത സ്ഥി​തി വ​രു​മെ​ന്ന ആ​ശ​ങ്ക​യി​ലാ​ണ് ക​ർ​ഷ​ക​ർ.


ടാ​പ്പിം​ഗ് ന​ട​ത്തു​ന്ന റ​ബ​ർ മ​ര​ങ്ങ​ളാ​ണ് ഇ​ത്ത​ര​ത്തി​ൽ ആ​ന​ക​ൾ കു​ത്തി മ​റി​ക്കു​ന്ന​ത്. ഇ​വി​ടെ പ്ര​വ​ർ​ത്തി​ക്കാ​തി​രി​ക്കു​ന്ന വ​നാ​തി​ർ​ത്തി​യി​ലെ സോ​ളാ​ർ വൈ​ദ്യു​ത വേ​ലി പ്ര​വ​ർ​ത്തി​പ്പി​ക്കാ​ൻ ന​ട​പ​ടി സ്വീ​ക​രി​ക്ക​ണ​മെ​ന്നാ​വ​ശ്യ​പ്പെ​ട്ട് വ​നം വ​കു​പ്പി​ന് പ​ല ത​വ​ണ പ​രാ​തി ന​ൽ​കി​യി​ട്ടും ആ​രും തി​രി​ഞ്ഞു നോ​ക്കു​ന്നി​ല്ലെ​ന്നാ​ണ് ആ​ക്ഷേ​പം. പീ​ച്ചി കാ​ട്ടി​ൽ നി​ന്നു​ള്ള ആ​ന​ക​ളാ​ണ് ഇ​വി​ടെ എ​ത്തു​ന്ന​ത്.

കാ​ട്ടാ​ന​ക്കൂ​ട്ടം കാ​ടി​റ​ങ്ങി നാ​ട്ടി​ലെ കൃ​ഷി​ക​ളെ​ല്ലാം ന​ശി​പ്പി​ക്കു​ന്ന​തു സം​ബ​ന്ധി​ച്ച് പ​രാ​തി​പ്പെ​ട്ടി​ട്ടും വ​നം വ​കു​പ്പ് ന​ട​പ​ടി സ്വീ​ക​രി​ക്കാ​ത്ത​ത് പ​രി​ശോ​ധി​ക്ക​ണ​മെ​ന്നും അ​നാ​സ്ഥ കാ​ണി​ക്കു​ന്ന ഉ​ദ്യോ​ഗ​സ്ഥ​ർ​ക്കെ​തി​രെ ന​ട​പ​ടി വേ​ണെ​മെ​ന്നും ക​ർ​ഷ​ക​ർ ആ​വ​ശ്യ​പ്പെ​ട്ടു.

Copyright @ 2022 , Rashtra Deepika Ltd.