മ​ഴ​യി​ൽ വീ​ട് നി​ലം​പൊ​ത്തി; താ​ത്കാലി​ക താ​മ​സ​ത്തി​നു വ​ഴി​യി​ല്ലാ​തെ കു​ടും​ബം
Sunday, May 26, 2024 7:38 AM IST
നെ​ന്മാ​റ: അ​യി​ലൂ​ർ പ​യ്യാ​ങ്കോ​ട് മ​ഴ​യി​ൽ വീ​ട് നി​ലം​പൊ​ത്തി. രാ​മ​കൃ​ഷ്‌​ണ​ൻ എ​ന്ന രാ​മ​ൻ​കു​ട്ടി സു​ന്ദ​രി ദ​മ്പ​തി​ക​ൾ താ​മ​സി​ക്കു​ന്ന വീ​ടാ​ണ് ക​ഴി​ഞ്ഞ​ദി​വ​സം വൈ​കു​ന്നേ​ര​ത്തോ​ടെ മ​ഴ​യി​ൽ നി​ലം പൊ​ത്തി​യ​ത്. രാ​മ​ൻ​കു​ട്ടി​യു​ടെ ഭാ​ര്യ സു​ന്ദ​രി പാ​ത്രം ക​ഴു​കാ​ൻ പു​റ​ത്തി​റ​ങ്ങി​യ സ​മ​യ​ത്താ​ണ് വീ​ട് വ​ൻ ശ​ബ്ദ​ത്തോ​ടെ നി​ലം പ​തി​ക്കു​ക​യാ​യി​രു​ന്നു. ഒ​രു നി​മി​ഷം കൂ​ടി അ​ക​ത്തു നി​ൽ​ക്കു​ക​യാ​ണെ​ങ്കി​ൽ സു​ന്ദ​രി​യും നി​ലം പ​തി​ക്കു​ന്ന വീ​ടി​ന​ടി​യി​ൽ പെ​ടു​മാ​യി​രു​ന്നു.

വ​ൻ അപകടത്തിൽ നി​ന്ന് ത​ല​നാ​രി​ഴ​ക്കാ​ണ് ഒ​ഴി​വാ​യ​തെ​ന്ന് സു​ന്ദ​രി പ​റ​ഞ്ഞു.
ക​ർ​ഷ​ക തൊ​ഴി​ലാ​ളി കു​ടും​ബ​മാ​യ രാ​മ​കൃ​ഷ്‌​ണ​ൻ, ഭാ​ര്യ സു​ന്ദ​രി, മ​ക്ക​ൾ സ​ജി​ത്ത്, അ​ജി​ത്ത് എ​ന്നി​വ​രാ​ണ് വീ​ട്ടി​ൽ താ​മ​സി​ച്ചി​രു​ന്ന​ത്. നി​ർ​ധ​ന​രാ​യ കു​ടും​ബ​ത്തി​ന് ത​ൽ​ക്കാ​ലം താ​മ​സി​ക്കാ​ൻ പോ​ലും ഇ​തോ​ടെ ഇ​ട​മി​ല്ലാ​താ​യി.


അഞ്ചുല​ക്ഷം രൂ​പ​യു​ടെ ന​ഷ്ടം ക​ണ​ക്കാ​ക്കു​ന്ന​താ​യി വീ​ട്ടു​ട​മ രാ​മ​കൃ​ഷ്ണ​ൻ പ​റ​ഞ്ഞു. വി​വ​രം അ​റി​യി​ച്ച​തി​നെ തു​ട​ർ​ന്ന് അ​യി​ലൂ​ർ ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ്എ​സ്.വി​ഗ്നേ​ഷ്, പ​ഞ്ചാ​യ​ത്ത് അം​ഗം ജീ​ജാ റോ​യ്, ക​യ​റാ​ടി വി​ല്ലേ​ജ് ഓ​ഫീ​സ​ർ, പൊ​തു​പ്ര​വ​ർ​ത്ത​ക​ർ എ​ന്നി​വ​ർ സ്ഥ​ല​ത്തെ​ത്തി. വി​ല്ലേ​ജ് അ​ധി​കൃ​ത​ർ നാ​ശ​ന​ഷ്ടം വി​ല​യി​രു​ത്തി മേ​ല​ധി​കാ​രി​ക​ളെ അ​റി​യി​ക്കു​മെ​ന്ന് ഉറപ്പു നൽകി.

Copyright @ 2022 , Rashtra Deepika Ltd.