കെസിവൈഎം യുവജനദിനാഘോഷവും പദ്ധതി ഉദ്ഘാടനവും
1436499
Tuesday, July 16, 2024 1:23 AM IST
പാലക്കാട്: വാളയാർ സെന്റ് സ്റ്റനിസ്ലാവോസ് ദേവാലയത്തിൽ കെസിവൈഎം സുൽത്താൻപേട്ട രൂപതയുടെ നേതൃത്വത്തിൽ വിശുദ്ധ തോമസ് മൂർ ദിനാചരണവും യുവജനദിനാഘോഷവും സംഘടിപ്പിച്ചു.
ഫാ. ലൂയിസ് മരിയ പാപ്പു വിശുദ്ധ കുർബാന അർപ്പിച്ചു. തുടർന്ന് യുവജനദിനാഘോഷം ഉദ്ഘാടനം ചെയ്തു.
കെസിവൈഎം സംസ്ഥാന പ്രസിഡന്റ് എം.ജെ. ഇമ്മാനുവൽ അധ്യക്ഷത വഹിച്ചു. കെസിവൈഎം സംസ്ഥാനസമിതി നേതൃത്വം നൽകുന്ന ഓരോ വീട്ടിലും ഒരു സർക്കാർ ഉദ്യോഗസ്ഥൻ എന്ന ആശയം ലക്ഷ്യമാക്കി സൗജന്യ കേരള പിഎസ്സി, എസ്എസ്സി കോച്ചിംഗ് പദ്ധതി രൂപത പ്രോക്യുറേറ്റർ ഫാ. ആന്റണി പയസ് ഉദ്ഘാടനം നിർവഹിച്ചു.
പദ്ധതിയുടെ വിശദാംശങ്ങൾ അരുണ് ജാക്സണ് നൽകി. കെസിവൈഎം സംസ്ഥാന ഡയറക്ടർ ഫാ. സ്റ്റീഫൻ ചാലക്കര, അസിസ്റ്റന്റ് ഡയറക്ടർ സിസ്റ്റർ നോർബർട്ട്, കെസിവൈഎം സുൽത്താൻപേട്ട രൂപത ഡയറക്ടർ ഫാ. പ്രബിൻ, ഫാ. ആന്റണി പയസ്, ഫാ. ലാസർ അരുളപ്പൻ, ഫാ വിജീഷ് ഡെന്നിസ്, ഫാ. ജോസ് മെജോ, മുൻ സംസ്ഥാന ട്രഷറർ എസ്. ഫ്രാൻസിസ് എന്നിവർ പ്രസംഗിച്ചു.
കെസിവൈഎം സംസ്ഥാന വൈസ് പ്രസിഡന്റ് അനു ഫ്രാൻസിസ്, സെക്രട്ടറി സുബിൻ സണ്ണി സുൽത്താൻപേട്ട രൂപത സമിതി അംഗങ്ങളും ഇരുനൂറിലധികം യുവജനങ്ങളും പങ്കെടുത്തു.