ദുബായ്: ഇന്ദിരാ ഗാന്ധി വീക്ഷണം ഫോറം യുഎഇ സെൻട്രൽ കമ്മിറ്റിയും, ഇന്ദിരാ ഗാന്ധി സോഷ്യൽ വെൽഫെയർ ആൻഡ് എഡ്യൂക്കേഷണൽ ട്രസ്റ്റും സംയുക്തമായി മലപ്പുറം ജില്ലയിൽ നിലന്പൂരിൽ പ്രളയ ദുരിതം അനുഭവിക്കുന്ന സഹോദരങ്ങൾക്ക് ആവശ്യമായ സാധനങ്ങൾ നൽകി.
ട്രസ്റ്റ് അങ്കണത്തിൽ നിന്ന് പുറപ്പെട്ട വാഹനത്തിന്ന് തൃശൂർ അടാട്ട് പഞ്ചായത്തു പ്രസിഡന്‍റ് ടി.ആർ. ജയചന്ദ്രൻ ഫ്ലാഗ് ഓഫ് ചെയ്തു. 110ന് പുറപ്പെട്ട വാഹനം നാലോടെ നിലന്പൂരിൽ എത്തുകയും മുതിർന്ന കോണ്ഗ്രസ് നേതാവും മുൻമന്ത്രിയുമായ ആര്യടാൻ മുഹമ്മദിന്‍റെ വസതിയിൽ ഒരുക്കിയിട്ടുള്ള കളക്ഷൻ സെന്‍ററിൽ ആര്യടാൻ മുഹമ്മദ് , കെപിസിസി. ജനറൽ സെക്രട്ടറി വി.എ. അബ്ദുൽകരീം, ആര്യടാൻ ഷൗക്കത്ത് തുടങ്ങി മറ്റു പ്രവർത്തകരും ചേർന്ന് കൈപ്പറ്റി.
നാട്ടിലെ പ്രവർത്തങ്ങൾക്ക് ഇന്ദിരാ ഗാന്ധി വീക്ഷണം ഫോറം സെൻട്രൽ കമ്മിറ്റി പ്രസിഡന്‍റ് എൻ.എ. ഹസൻ, ട്രസ്റ്റ് ചെയർമാൻ ആർ.വി. മുഹമ്മദ്കുട്ടി, ട്രസ്റ്റ് സെക്രട്ടറി മൂസ, ട്രഷറർ സുഭാഷ് ചന്ദ്രബോസ്, ദുബായ് യൂണിറ്റ് പ്രസിഡന്‍റ് അക്ബർ, ട്രസ്റ്റ് മെന്പർമാരായ ഉണ്ണികൃഷ്ണൻ, നൗഷാദ്, ജബ്ബാർ, മറ്റു പ്രവർത്തകരായ ജോസ്, നാരായണൻ, തുഫൈൽ തുടങ്ങിയവർ നേതൃത്തം നൽകി. യുഎഇയിലെ പ്രവർത്തനങ്ങൾക്ക് വീക്ഷണം ഫോറം സെൻട്രൽ കമ്മിറ്റി ജനറൽ സെക്രട്ടറി ഷുക്കൂർ ചാവക്കാട്, ഷാർജ യൂനിറ് പ്രസിഡന്‍റ് മാത്യു ജോണ്, അജ്മാൻ യൂണിറ്റ് പ്രസിഡന്‍റ് അഷറഫ് കരുനാഗപ്പള്ളി, അബുദാബി യൂണിറ്റ് പ്രസിഡന്‍റ് മുഹമ്മദ്അലി ഉൗരകം, സെൻട്രൽ കമ്മിറ്റി ട്രഷറർ രമേശ് മാരാത്ത്, വൈസ് പ്രസിഡന്‍റ് അബ്ദുൽ കരീം എന്നിവർ നേതൃത്വം നൽകി.
റിപ്പോർട്ട്: അനിൽ സി. ഇടിക്കുള