ജിദ്ദ: തൂലിക സാംസ്കാരിക സാഹിതി പുറത്തിറക്കിയ ചരിത്രം തിളയ്ക്കുന്ന പൂക്കോട്ടൂർ ചരിത്ര ഗ്രന്ഥം സൗദി തല പ്രകാശനം മുൻ വിദ്യഭ്യാസ വകുപ്പ് മന്ത്രി പി.കെ.അബദുറബ്ബ് എം.എൽ.എ. ജിദ്ദ സെൻട്രൽ കെ.എം.സി.സി. ഓഡിറ്റോറിയത്തിൽ നിർവഹിച്ചു.
മലപ്പുറം നിയോജക മണ്ഡലം ജിദ്ദ കെ.എം.സി സി.യാണ് ചടങ്ങ് സംഘടിപ്പിച്ചത്. നമ്മുടെ ദേശസ്നേഹത്തെ രാജ്യം ഭരിക്കുന്നവർ തന്നെ ചോദ്യം ചെയ്യുന്ന കാലത്ത് ഇന്ത്യൻ സ്വാതന്ത്ര്യസമര ചരിത്രത്തിലെ പോരാട്ടങ്ങൾ വെളിച്ചത്ത് കൊണ്ട് വരുന്ന ചരിത്ര ഗ്രന്ഥങ്ങൾക്ക് പ്രസക്തിയുണ്ടെന്നും അത് കൂടുതൽ വായിക്കപ്പെടണമെന്നും അബദുറബ് പറഞ്ഞു.
മലപ്പുറം മണ്ഡലം കെ എംസിസി പ്രസിഡന്‍റ് ഉമ്മർ കോഡൂർ അധ്യക്ഷം വഹിച്ചു. മലപ്പുറം നിയോജക മണ്ഡലം മുസ്ലിം ലീഗ് സെക്രട്ടറി പി.എ. സലാം മുഖ്യ പ്രഭാഷണം നടത്തി. ജിദ്ദാ സെൻട്രൽ കമ്മിറ്റി ആക്ടിംഗ് പ്രസിഡന്‍റ് വി.പി. മുസ്തഫ, വൈസ് പ്രസിഡന്‍റ്, റസാക്ക് മാസ്റ്റർ, മലപ്പുറം ജില്ലാ ജിദ്ദാ കെ.എംസിസി ആക്ടിംഗ് പ്രസിഡന്‍റ് ഇല്യാസ് കല്ലുങ്ങൽ, ജില്ലാ ജനറൽ സെക്രട്ടറി ഹബീബ് കല്ലൻ, മൻസൂർ പള്ളിമുക്ക്. കുട്ടിപ്പ ആനക്കയം, മുസ്തഫ ആനക്കയം, നൗഫൽ വെള്ളൂർ, ഹബീബ് വളമംഗലം സിദ്ധീക്ക് അരിന്പ്ര, പ്രസംഗിച്ചു. മണ്ഡലം ഭാരവാഹികളായ ജലീൽ ഒഴുകൂർ, സി.ടി. ശിഹാബ്, റസാഖ് പാലക്കാട്, യൂനുസ് പന്തല്ലൂർ, മുഹമ്മദ്കുട്ടി വെള്ളൂർ, കബീർ മോങ്ങം, റസാഖ് ഒളമതിൽ, മുസ്തഫ കാപ്പാട് എന്നിവർ നേതൃത്വം നൽകി.
റിപ്പോർട്ട്: കെ.ടി. മുസ്തഫ പെരുവള്ളൂർ