കുവൈത്ത് സിറ്റി. അടൂർ നിവാസികളുടെ കൂട്ടായ്മയായ അടൂർ എൻആർഐ ഫോറം കുവൈത്ത് ചാപ്റ്റർ അടൂരോണം 2019 സംഘടിപ്പിച്ചു.
ചലച്ചിത്ര, സീരിയൽ താരം സാജൻ സൂര്യ സാസ്കാരിക സമ്മേളനം ഉദ്ഘാടനം ചെയ്തു. പ്രസിഡന്റ് ശ്രീകുമാർ എസ്.നായർ അധ്യക്ഷത വഹിച്ച യോഗത്തിൽ കുവൈത്തിലെ സാംസ്കാരിക സാമൂഹികരംഗത്തെ പ്രമുഖനായ മനോജ് മാവേലിക്കര മുഖ്യ പ്രഭാഷണം നടത്തി. കെ.സി ബിജു, അനു.പി.രാജൻ, ബിജോ പി.ബാബു, സാമ് സി വിളനിലം, ജിജു പി. സൈമണ്, അജോ സി.തോമസ്, ഷമ്ജ ഷാഹുൽ എന്നിവർ പ്രസംഗിച്ചു.
പതാക ഉയർത്തലോട് കൂടീ ആരംഭിച്ച ആഘോഷം സാംസ്കാരിക ഘോഷയാത്ര, അംഗങ്ങളുടെ വൈവിധ്യമാർന്ന കലാപരിപാടികൾ, നാടൻ കലാരൂപങ്ങൾ, അത്തപൂക്കളം, മാവേലി എഴുന്നള്ളത്ത്, തിരുവാതിര, ചെണ്ടമേളം പ്രശസ്ത ഗായകരായ ശ്രീഹരി, ഷെയ്ക്ക സംഘവും അവതരിപ്പിച്ച സംഗീത വിരുന്നിനാലും ശ്രദ്ധേയമായി. വിഭവ സമൃർദമായ ഓണസദ്യ ആഘോഷത്തിന്റെ മുഖ്യ ആകർഷണമായിരുന്നു.
റിപ്പോർട്ട്: സലിം കോട്ടയിൽ