റാസൽഖൈമ: കോവിഡ് കാലം പ്രതിസന്ധിയിലാക്കിയ 180 മങ്കട മണ്ഡലക്കാരുമായി ഞാറാഴ്ച ഉച്ചക്ക് 1.40ന് റാസൽഖൈമ അന്താരാഷ്ട്ര വിമാനതാവളത്തിൽ നിന്നും കരിപ്പൂർ വിമാനതാവളം ലക്ഷ്യമാക്കി സ്പൈസ്ജെറ്റിന്റെ 9024 നന്പർ വിമാനമാണ് പറന്നുയർന്നത്. ഗർഭിണികൾ, ജോലി നഷ്ടപ്പെട്ടവർ എന്നിവർക്കാണ് നാടണയാൻ മങ്കട മണ്ഡലം കെഎംസിസി വഴിയൊരുക്കിയത്.
യുഎഇയുടെ ഏഴ് എമിരേറ്റ്സുകളിൽ നിന്നും മങ്കട മണ്ഡലത്തിലെ ഏഴ് പഞ്ചായത്തുകളിൽ നിന്ന് 180 പേരാണ് ഇന്നലെ സന്തോഷത്തോടെ നാടണഞ്ഞത്. ഗർഭിണികൾ, സന്ദർശക വിസയിൽ വന്ന് കുടുങ്ങിയവർ, ജോലിയിൽ നിന്ന് പിരിച്ച് വിട്ടവർ, മെഡിക്കൽ എമർജൻസിയുള്ളവർ, നിർബന്ധിത അവധിയിലുള്ളവർ എന്നിങ്ങനെ ബുദ്ധിമുട്ടിലുള്ളവർക്ക് കൂടണയാൻ കൂട്ടാവുകയായിരുന്നു യുഎഇ കെഎംസിസി മങ്കട മണ്ഡലം കമ്മിറ്റി.
മുഖ്യ രക്ഷാധികാരികളായ അബ്ദു റഹ്മാൻ തങ്ങൾ, സൈതലവി തായാട്ട്, ചെയർമാൻ മൻസൂർ കൂട്ടിലങ്ങാടി, ജനറൽ കണ്വീനർ ശുഐബ് പെടവണ്ണ, കോഓർഡിനേറ്റർ ഹകീം കരുവാടി, അക്ബർ രാമപുരം, ബഷീർ വറ്റലൂർ, നിഹ്മത്തുള്ള മങ്കട, അസീസ് പേങ്ങാട്ട്, അഡ്വ. അഷ്റഫ് അലി, ഇസ്മായിൽ വെങ്ങാട്, നൗഫൽ ബാബു, ഉസ്മാൻ മുല്ലപള്ളി, റിയാസ് മങ്കട, ഹാരിസ് ബാബു, അബ്ദുൽ സലാം, സൈഫുദ്ധീൻ, അഷ്റഫ് അലി പാങ്, നൂറുള്ള, സലാം പഴേടത്ത്, അബ്ദു വെങ്ങാട്, സമീർ വെങ്കിട്ട, സൽമാൻതയ്യിൽ, സലീം വെങ്കിട്ട, അംജൂം, ഷഫീക് വെങ്ങാട്, ഹാഷിം, ഹഫീഫ്കുളത്തൂർ, നാസർ, സുബൈർ, മുസ്തഫ മൂർക്കനാട്, അഷ്റഫ്, അനസ്, പിഎ അലി കുളത്തൂർ, ബഷീർ കുളത്തൂർ, ഉമ്മർ സലീം വെങ്ങാട്, ഷഫീക് കൂട്ടിലങ്ങാടി, നാസർ മൂർക്കനാട് തുടങ്ങിയവർ വിവിധ എമിരേറ്റ്സുകളിലെ പ്രവർത്തങ്ങൾ കോർഡിനേറ്റു ചെയ്തു.
റിപ്പോർട്ട്: നിഹ്മത്തുള്ള തയ്യിൽ