പുതു മോടിയില്‍ കുവൈറ്റിൽ പുതിയ ഡ്രൈവിംഗ് ലൈസൻസ്
Tuesday, August 4, 2020 7:27 PM IST
കുവൈറ്റ് സിറ്റി: പുതിയ സംവിധാനങ്ങള്‍ ഉള്‍പ്പെടുത്തി പുതിയ ഡ്രൈവിംഗ് ലൈസൻസ് ഓഗസ്റ്റ് അഞ്ചു മുതൽ മുതല്‍ വിതരണം ചെയ്യുമെന്നു ട്രാഫിക് വകുപ്പ് അറിയിച്ചു.

ആദ്യ ഘട്ടത്തിൽ ലൈസൻസ് വിതരണം കുവൈറ്റ് പൗരന്മാർക്ക് മാത്രമായി പരിമിതപ്പെടുത്തും. അവന്യൂസ് മാളിലെയും അല്‍ കൂത്ത് മാളിലേയും കയോസ്ക് മെഷീനുകളില്‍ വഴിയാണ് ലൈസൻസ് വിതരണം ചെയ്യുന്നത്.

നേരത്തെ കോവിഡ് പശ്ചാത്തലത്തില്‍ വിദേശികളുടെ ഡ്രൈവിംഗ് ലൈസന്‍സ് കാലാവധി ഒരു വര്‍ഷത്തില്‍നിന്നും മൂന്ന് വര്‍ഷമായി വര്‍ധിപ്പിച്ചിരുന്നു. ഇഖാമ കാലാവധി കാലഹരണപ്പെട്ടാല്‍ ഡ്രൈവിംഗ് ലൈസന്‍സ് കാലാവധിയും സ്വമേധയാ റദ്ദാക്കപ്പെടും. ലൈസന്‍സിലെയും ഇഖാമയിലെയും വിവരങ്ങള്‍ കംപ്യൂട്ടര്‍ ശൃംഖല വഴി ബന്ധിപ്പിച്ചാണ് സംവിധാനം ക്രമീകരിക്കുകയെന്ന് അധികൃതര്‍ പറഞ്ഞു.

റിപ്പോർട്ട്: സലിം കോട്ടയിൽ

Copyright @ 2022 , Rashtra Deepika Ltd.