കുവൈറ്റ് സിറ്റി: കഴിഞ്ഞ ദിവസം മരണപ്പെട്ട കുവൈത്ത് കെഎംസിസി അംഗം അബ്ദുൽ കരീമിന്റെ മൃതദേഹം നാട്ടിലെത്തിച്ചു. ശനിയാഴ്ച വൈകിട്ട് നാലിന് കൊച്ചി വിമാനത്തിലാണ് മൃതദേഹം കൊണ്ടുപോയത്. തിരൂരങ്ങാടി കോഴിച്ചെന പെരുമണ്ണ സ്വദേശിയായ അദ്ദേഹം ദീർഘകാലമായി കുവൈറ്റ് കെഎംസിസി യുടെ സജീവ അംഗമാണ്.
പരേതനായ ചെങ്ങനാശേരി ബീരാൻ ഹാജിയുടെ മകനാണ്. ഉയർന്ന രക്ത സമ്മർദ്ദത്തെ തുടർന്ന് രണ്ടു മാസത്തോളമായി അദാൻ ആശുപത്രിയിൽ ചികിത്സയിലായിരുന്നു. കുവൈറ്റ് കെ.എംസിസി സംസ്ഥാന പ്രവർത്തക സമിതിയംഗങ്ങളായ ഹംസ കരിങ്കപ്പാറ, ഷാഫി കൊല്ലം എന്നിവരാണ് മൃതദേഹം നാട്ടിലേക്കയക്കുന്നതിനു വേണ്ടിയുള്ള പ്രവർത്തനങ്ങൾ പൂർത്തീകരിച്ചത്.
സുലൈബിക്കാത്തതിൽ വെള്ളിയാഴ്ച നടന്ന അനുശോചനയോഗത്തിൽ കുവൈത്ത് കഐംസിസി. സംസ്ഥാന പ്രസിഡന്റ് ഷറഫുദ്ദീൻ കണ്ണേത്ത്, ഉപദേശക സമിതി വൈസ് ചെയർമാൻ കെ.ടി.പി.അബ്ദു റഹിമാൻ , സംസ്ഥാന സെക്രട്ടറി എഞ്ചിനീയർ മുഷ്താഖ്, മലപ്പുറം ജില്ലാ പ്രസിഡന്റ് അബ്ദുൽ ഹമീദ് മൂടാൻ, തിരൂരങ്ങാടി മണ്ഡലം പ്രസിഡന്റ് മുസ്തഫ പരപ്പനങ്ങാടി, ആക്ടിങ് സെക്രട്ടറി ആബിദ് കരിന്പിൽ, ട്രഷറർ അയൂബ്, താനൂർ മണ്ഡലം വൈസ് പ്രസിഡന്റ് ഹകീം മൗലവി, നിസാർ അലങ്കാർ, സൈനുദ്ധീൻ കല്ലൂരാവി, സുബൈർ കാടങ്ങോട്, ഇബ്രാഹിം.കെ.വി., മുഹമ്മദ് കെ.വി., ഇസ്ലാമിക് കൗണ്സിൽ ഭാരവാഹികളായ സൈനുൽ ആബിദ് ഫൈസി, ഗഫൂർ ഫൈസി,അബ്ദുൽ നാസർ കോഡൂർ തുടങ്ങിയവർ പങ്കെടുത്തു.
റിപ്പോർട്ട്: സലിം കോട്ടയിൽ