കുവൈറ്റ്: സാരഥി കുവൈറ്റ് അംഗങ്ങളുടേയും കുട്ടികളുടെയും ചിത്രകലാവാസനകളെ പരിപോഷിപ്പിക്കുന്നതിന്റെ ഭാഗമായി സാരഥി സെൻട്രൽ കമ്മറ്റിയും സാരഥി അബാസിയ ഈസ്റ്റ് യൂണിറ്റും സംയുക്തമായി സംഘടിപ്പിച്ച മത്സരത്തിൽ കളർ പെയിന്‍റിംഗ്, പെൻസിൽ ഡ്രോയിംഗ് മത്സര ഇനങ്ങളാണ് ഉൾപ്പെടുത്തിയിരുന്നത്. സാരഥി കുവൈറ്റിന്‍റെ 14 പ്രാദേശിക സമിതികളിൽനിന്നുമുള്ള അംഗങ്ങളും, കുട്ടികളും കുവൈറ്റിൽ നിന്നും, നാട്ടിൽ നിന്നുമായി മത്സരത്തിൽ പങ്കെടുത്തു. കോവിഡ് മാനദണ്ഡങ്ങൾ പാലിച്ചു കൊണ്ട് പൂർണമായും ഓണ്‍ലൈൻ ആയി സംഘടിപ്പിച്ച നിറക്കൂട്ട് മത്സരത്തിൽ പ്രായപരിധി കണക്കാക്കിയുള്ള അഞ്ച് വിഭാഗങ്ങളിൽ നിന്നുമായി 250 മത്സരാർഥികൾ പങ്കെടുത്തു.
ദൈവദശകാലപനത്തോടെ തുടങ്ങിയ നിറക്കൂട്ട് 2021 ൽ എട്ട് വിഭാഗങ്ങളിലെ മത്സരങ്ങൾ സാരഥിയുടെ വിവിധ നേതാക്കൾ ഒരേസമയം നിർവഹിച്ചു. പ്രസിഡന്‍റ് സജീവ് നാരായണൻ, ജനറൽ സെക്രട്ടറി ബിജു.സി.വി. ട്രഷറർ രജീഷ് മുല്ലക്കൽ, ട്രസ്റ്റ് ചെയർമാൻ സുരേഷ്. കെ, വനിതാവേദി ചെയർപേഴ്സണ്‍ ബിന്ദു സജീവ്, രക്ഷാധികാരി സുരേഷ് കൊച്ചത്, അഡ്വൈസറി അംഗങ്ങളായ സുരേഷ്.കെ.പി, സി.എസ് ബാബു എന്നിവർ യഥാക്രമം ഉദ്ഘാടനം നിർവഹിച്ചു. ജനറൽ കണ്‍വീനർ ജിനി ജയൻ സ്വാഗതം ആശംസിച്ചു.
വൈസ് പ്രസിഡന്‍റ് ജയകുമാർ എൻ.എസ്, യൂണിറ്റ് കണ്‍വീനർ സനൽ കുമാർ, വനിതാവേദി കണ്‍വീനർ റീന ബിജൂ, സെക്രട്ടറി രതീഷ്, ട്രഷറർ രാജേഷ്, ജുവാന രാജേഷ്, മുബീന സിജു, ഹിദാ സുഹാസ്, രാജേഷ് കുമാർ, മണികണ്ഠൻ, സിബി, അജി കുട്ടപ്പൻ, ദീപു, സജു സി.വി, വിജയൻ, അശ്വിൻ, ദിനു കമൽ, കണ്ണൻ, മണികണ്ഠൻ എന്നിവർ മത്സരങ്ങളെ ഏകോപിപ്പിച്ചു.
റിപ്പോർട്ട്: സലിം കോട്ടയിൽ