കുവൈറ്റ്: തങ്ങളുടെ കുറവുകളും കുറ്റങ്ങളും നോക്കി പിന്നോട്ട് പോകാതെ തനത് കഴിവുകളെ ഉത്തേജിപ്പിച്ച് ജീവിതവിജയം നേടുവാൻ ദിശാബോധമുള്ള ഒരു തലമുറയെ വാർത്തെടുക്കുക എന്ന ലക്ഷത്തോടുകൂടി സാരഥി കുവൈറ്റ് കുട്ടികൾക്ക് വേണ്ടി നടത്തിവരാറുള്ള മോട്ടിവേഷണൽ ക്ലാസ്, സാരഥി ട്രസ്റ്റിന്റെ നേതൃത്വത്തിൽ ഫെബ്രുവരി 27 ശനിയാഴ്ച വൈകിട്ട് 5ന് സൂമിലൂടെ സംഘടിപ്പിച്ചു
കുവൈറ്റിലെ ഇന്ത്യൻ സ്ഥാനപതി സിബി ജോർജ് പരിപാടി ഉദ്ഘാടനം ചെയ്ത് കുട്ടികളെ മോട്ടിവേറ്റ് ചെയ്ത് സംസാരിക്കുകയും, തുടർന്ന് വിദ്യാഭ്യാസകാലത്ത് നേരിട്ട വെല്ലുവിളികളിൽ നിന്ന് ഉയർത്തെഴുന്നേറ്റ് ഇന്ത്യൻ പോലീസ് സർവീസിൽ പ്രവേശിക്കുകയും പിന്നീട് സിഎൻഎൻ-ഐബിൻ ഉൾപ്പടെ നിരവധി അവാർഡുകളും, രാഷ്ട്രപതിയുടെ മികച്ച സേവനത്തിനുള്ള പോലീസ് മെഡൽ നേടുകയും ചെയ്ത വിശിഷ്ട വ്യക്തിത്വം പി. വിജയൻ ഐപിഎസ് മാജിക് ഓഫ് തിങ്കിംഗ് ബിഗ് എന്ന വിഷയത്തെ ആസ്പദമാക്കി സംസാരിക്കുകയും കുട്ടികളുമായി സംവദിക്കുകയും ചെയ്തു.
കുവൈറ്റിൽനിന്ന് കൂടാതെ ഇന്ത്യ, ബഹ്റിൻ, ദുബായ് എന്നി രാജ്യങ്ങളിൽ നിന്നും കൂടി ഏകദേശം 250ൽ പരം കുട്ടികൾ പരിപാടിയിൽ പങ്കെടുത്തു.
എസ്സിഎഫ്ഇ ഡയറക്ടർ റിട്ട്. കേണൽ എസ്. വിജയൻ സ്വാഗതം ആശംസിച്ച ചടങ്ങിൽ സാരഥി കുവൈറ്റ് പ്രസിഡന്റ് സജീവ് നാരായണൻ പി. വിജയൻ ഐപിഎസ് മെമെന്േറാ നൽകി ആദരിക്കുകയും പങ്കെടുത്ത എല്ലാപേർക്കുമുള്ള കൃതജ്ഞത രേഖപ്പെടുത്തുകയും ചെയ്തു.
സാരഥി ട്രസ്റ്റ് ചെയർമാൻ സുരേഷ് കെ, സാരഥി ജനറൽ സെക്രട്ടറി ബിജു സി. വി, പ്രോഗ്രാം കണ്വീനർ ബിനു എംകെ, ട്രസ്റ്റ് സെക്രട്ടറി വിനോദ് സി.എസ്, ട്രസ്റ്റ് വൈസ് ചെയർമാൻ സജീവ് കുമാർ, വനിതാവേദി ചെയർപേഴ്സണ് ബിന്ദു സജീവ്, സാരഥി വൈസ് പ്രസിഡന്റ് ജയകുമാർ സെക്രട്ടറി നിഖിൽ ചാമക്കാലയിൽ, പ്രൗർണമി സംഗീത്, ട്രസ്റ്റ് ട്രഷറർ ലിവിൻ രാമചന്ദ്രൻ, അശ്വിൻ സി.വി, ഗുരുകുലം ചീഫ് കോർഡിനേറ്റർ മനു മോഹൻ എന്നിവർ നേതൃത്വം നൽകി.
റിപ്പോർട്ട്: സലിം കോട്ടയിൽ