ദുബായ് : യുഎയിലെ കലാ സാംസ്കാരിക സാമൂഹിക ജീവകാരുണ്യ , മാധ്യമ, വ്യാപാര, വ്യവസായ മേഖലകളിൽ മികവ് തെളിയിച്ചവർക്ക് സ്റ്റാർ വിഷൻ എക്സലൻസ് അവാർഡ് പ്രഖ്യാപിച്ചു.
കലാ സാസ്കാരിക സാമൂഹിക രംഗത്ത് പ്രവർത്തിക്കുന്ന ഇശൽ എമിറേറ്റ്സ് , ദുബൈ സ്റ്റാർ വിഷൻ ഇവന്‍റ്സ് ആൻഡ് മീഡിയയുടെ ബാനറിലാണ് പുരസ്കാരം നൽകുന്നത്. ചലച്ചിത്ര താരം കെ കെ മൊയ്തീൻ കോയ ചെയർമാനും പുന്നക്കൻ മുഹമ്മദ്ദലി, ജലീൽ പട്ടാന്പി, സഹദ് പുറക്കാട്, അസീസ് മേലടി, ടി ഖാലിദ്, സലാം പാപ്പിനിശ്ശേരി എന്നിവരടങ്ങിയ ജൂറിയാണ് ജേതാക്കളെ തെരഞ്ഞെടുത്തത്.
മാധ്യമ രംഗത്ത് നിന്നും അബുദാബി 24 സെവൻ ചീഫ് സബ് എഡിറ്റർ സമീർ കല്ലറ, സിറാജ് ദിനപത്രം സീനിയർ ന്യൂസ് റിപ്പോർട്ടർ റാഷിദ് പൂമാടം, മീഡിയവണ്‍ മിഡിൽ ഈസ്റ്റ് ഹെഡ് ഓഫ് എഡിറ്റോറിയൽ ഓപ്പറേഷൻസ് എംസിഎ നാസർ, റേഡിയോ ഏഷ്യ പ്രോഗ്രാം ഡയറക്ടർ രമേഷ് പയ്യന്നൂർ,ഹിറ്റ് എഫ് എം സീനിയർ ബ്രോഡ്കാസ്റ് ജേർണലിസ്റ് ഫസലു, മീഡിയ ഫാക്ടറി സിഇഒ ഷാ മുഹമ്മദ്, ഏഷ്യ ലൈവ് റിപ്പോർട്ടർ ഐശ്വര്യ പ്രിൻസ് എന്നിവർക്കമാണ് പുരസ്കാരം ലഭിച്ചത്.
സാമൂഹ്യ മേഖലയിൽ നിന്നും കെഎംസിസി ദുബൈ, സജി ചെറിയാൻ, നസീർ വാടാനപ്പള്ളി, അഷ്റഫ് താമരശേരി, റയീസ്പോയ്ലുങ്കൽ, കെ പി നായർ, ബിബി ജോണ്, സമാൻ അബ്ദുൽ ഖാദിർ എന്നിവർക്കും, ഇശൽ അറേബ്യ എക്സലെൻസി അവാർഡ് കണ്ണൂർ ഷെരീഫ്, അസീസ് തായിനേരി, യഹിയ തളങ്കര, താജുദീൻ വടകര, താഹിർ ഇസ്മായിൽ ചങ്ങരംകുളം, ശ്രേയ ജയ്ദീപ്, നജീബ് തച്ചന്പോയിൽ എന്നിവർക്കും ലഭിച്ചു. നീറ്റ് പരീക്ഷയിൽ ഒന്നാം റാങ്ക് ജേതാവ് എസ് ആയിഷയ്ക്കും എക്സലെൻസി അവാർഡ് സമ്മാനിക്കും. എ കെ ഫൈസൽ, ഡോ ഷിഹാബ് ഷാ, മുജീബ് തറമ്മൽ, കെ.പി. മുഹമ്മദ്, ഷബീർ അലി എന്നിവർക്കാണ് ബിസിനസ് എക്സലെൻസി അവാർഡ് ലഭിച്ചത്.
അഡ്വൈസറി ബോർഡ് ചെയർമാൻ നാസർ ബേപ്പൂർ, സ്റ്റാർ വിഷൻ മീഡിയ ഹെഡും ഇശൽ എമിറേറ്റ്സ് ജനറൽ സെക്രട്ടറിയുമായ ബഷീർ തിക്കോടി, ബഷീർ റെയിൻബോ അബുദാബി, മുസ്തഫ മഷ്ഹൂർ തങ്ങൾ, ജാക്കി റഹ്മാൻ, യാസർ ഹമീദ്, കമറുദീൻ കീച്ചേരി, അലി അലീഫ്, സാജിദ് മണിയൂർ, ബിജിൻ പുലരി, അൻസാർ കൊയിലാണ്ടി, സഹദ് വടക്കയിൽ, പ്രകാശ്. കെ, സുരേഷ് കുമാർ തുടങ്ങിയവർ അവാർഡ് പ്രഖ്യാപന ചടങ്ങിൽ പങ്കെടുത്തു. ജൂണ്‍ അവസാനവാരം പ്രമുഖ മലയാളം ചാനലിൽ സംപ്രേഷണം ചെയ്യുന്ന ’ ദിൽ കി ആവാസ്’ എന്ന സംഗീത വിരുന്നിൽ അവാർഡ് ജേതാക്കളെ പുരസ്കാരങ്ങൾ നൽകി ആദരിക്കുമെന്ന് സംഘാടകർ അറിയിച്ചു.
റിപ്പോർട്ട്: അനിൽ സി. ഇടിക്കുള