കണ്ണൂർ: കേളി കലാസാംസ്കാരിക വേദിയുടെ 2020-21 അധ്യായന വർഷത്തെ വിദ്യാഭ്യാസ പുരസ്കാര വിതരണത്തിന് കണ്ണൂരിൽ തുടക്കമായി. എസ്എസ്എൽസി., പ്ലസ്ടു പരീക്ഷകളിൽ വിജയം നേടി ഉപരിപഠനത്തിനു അർഹത നേടിയ കേളി അംഗങ്ങളുടെ കുട്ടികൾക്കാണ് പുരസ്കാരം നൽകുന്നത്. പുരസ്കാരവിതരണത്തിന്‍റെ ഒൗപചാരികമായ ഉദ്ഘാടനം പൊതു വിദ്യാഭ്യാസ വകുപ്പുമന്ത്രി വി. ശിവൻകുട്ടി കഴിഞ്ഞമാസം റിയാദിൽ നടത്തിയിരുന്നു.
നാട്ടിലെ കുട്ടികൾക്കുള്ള വിതരണത്തിന് തുടക്കം കുറിച്ചുകൊണ്ട് കണ്ണൂരിൽ കണ്ണപുരം പി.വി. സ്മാരക ഹാളിൽ നടത്തിയ പുരസ്കാരവിതരണ ചടങ്ങിൽ കേരള പ്രവാസി സംഘം കണ്ണപുരം വില്ലജ് പ്രസിഡന്‍റ് ഹരികൃഷ്ണൻ അധ്യക്ഷതവഹിച്ചു.സിപിഎം പാപ്പിനിശ്ശേരി ഏരിയ കമ്മിറ്റി അംഗം എൻ. ശ്രീധരൻ ഉദ്ഘാടനം ചെയ്തു.
കുട്ടികൾക്കുള്ള മൊമെന്േറാ എൻ. ശ്രീധരനും ക്യാഷ് അവാർഡുകൾ സിപിഎം കണ്ണപുരം ലോക്കൽ കമ്മിറ്റി സെക്രട്ടറി കെ. വി. ശ്രീധരനും കൈമാറി. കേളി രക്ഷാധികാരി സമിതി അംഗം സജീവൻ ചൊവ്വ കേരള പ്രവാസി സംഘം കണ്ണൂർ ജില്ലാ കമ്മറ്റി അംഗം കെ. സുകുമാരൻ കേരള പ്രവാസി സംഘം കണ്ണപുരം വില്ലജ് സെക്രട്ടറി യു. വി സുഗുണൻ, എന്നിവർ ആശംസകൾ അർപ്പിച്ചു സംസാരിച്ചു. കാർത്തിക് സുരേഷ്, കൃഷ്ണേന്ദു രാജീവൻ, നേഹ സുരേഷ്, ഗോപിക സതീശൻ, മഞ്ജിമ രാജീവൻ, ഉജ്വൽ രഘുനാഥ്, തീർത്ഥ രഘുനാഥ്, വൈശാഖ് ബാബുരാജ്, അദിത്ത് സജീവൻ എന്നീ കുട്ടികൾ പുരസ്കാരങ്ങൾ ഏറ്റുവാങ്ങി.
പരിപാടിയിൽ കണ്ണപുരം ടൗണ്‍ ബ്രാഞ്ച് സെക്രട്ടറി ഗംഗാധരൻ, വിവിധ ബ്രാഞ്ച് സെക്രട്ടറിമാർ, കേളി അൽ ഖർജ് സനയ്യ യുനിറ്റ് സെക്രട്ടറി സുകേഷ് പാപ്പിനിശേരി കേളിയുടെ അംഗങ്ങളായിരുന്ന ജയരാജ്, മഹേഷ് കൊടിയത് ബാബുരാജ് കൂവോട്, ജയചന്ദ്രൻ നെരുവന്പ്രം, രാജീവൻ പള്ളിക്കോൽ, പ്രശാന്ത് എരിയിൽ , രാജീവൻ മൊട്ടമ്മൽ, രഞ്ജിത്ത് കടവിൽ, രാജീവൻ കോറോത്ത് എന്നിവർ ചടങ്ങിൽ സംബന്ധിച്ചു. കേളി ജോയിന്റ് സെക്രട്ടറി സുരേഷ് കണ്ണപുരം സ്വാഗതവും കേളി കേന്ദ്ര കമ്മിറ്റി അംഗം പ്രകാശൻ മൊറാഴ നന്ദിയും രേഖപ്പെടുത്തി.