അ​ശ്ര​ദ്ധ മൂ​ലം ദു​രി​ത​ത്തി​ലാ​യ കു​ടും​ബ​ത്തി​ന് അ​ഭ​യ​വും ആ​ശ്വാ​സ​വു​മേ​കി കേ​ളി
Thursday, September 21, 2023 11:40 AM IST
റി​യാ​ദ്: പ​ത്ത് മാ​സം മു​മ്പ് റി​യാ​ദി​ലെ​ത്തി​യ അ​ഫ്സ​ലും കു​ടും​ബ​വും അ​നു​ഭ​വി​ച്ച​ത് ഒ​രാ​യു​സി​ന്‍റെ ദു​രി​ത​ങ്ങ​ൾ. കൊ​ല്ലം ഇ​ര​വി​പു​രം സ്വ​ദേ​ശി അ​ഫ്സ​ൽ റി​ക്രൂ​ട്ടിം​ഗ് ഏ​ജ​ൻ​സി വ​ഴി തൊ​ഴി​ൽ വി​സ​യി​ലാ​ണ് റി​യാ​ദി​ലെ​ത്തു​ന്ന​ത്.

ത​ര​ക്കേ​ടി​ല്ലാ​ത്ത ജോ​ലി​യും വാ​ഗ്ദാ​നം ചെ​യ്ത ശ​മ്പ​ള​വും ല​ഭി​ച്ച് തു​ട​ങ്ങി​യ​തോ​ടെ ത​ന്‍റെ ജീ​വി​ത​പ​ങ്കാ​ളി​യേ​യും മൂ​ന്ന് വ​യ​സു​ള്ള മ​ക​നെ​യും വി​സി​റ്റിം​ഗ് വി​സ​യി​ൽ കൊ​ണ്ട് വ​രി​ക​യും ചെ​യ്തു. ആ​ദ്യ മൂ​ന്ന് മാ​സം ക​ഴി​ഞ്ഞ് വി​സ പു​തു​ക്കു​ക​യും ചെ​യ്തു.

ഈ ​അ​വ​സ​ര​ത്തി​ലാ​ണ് അ​ഫ്സ​ൽ ജോ​ലി ചെ​യ്യു​ന്ന ക​മ്പ​നി​യി​ലേ​ക്ക് വി​സ മാ​റ്റാ​ൻ റി​ക്രൂ​ട്ടിം​ഗ് ക​മ്പ​നി ആ​വ​ശ്യ​പ്പെ​ടു​ന്ന​ത്. ഒ​രു മാ​സ​ത്തെ സ​മ​യ പ​രി​ധി​യും ന​ൽ​കി. എ​ന്നാ​ൽ ജോ​ലി ചെ​യ്തി​രു​ന്ന സ്ഥാ​പ​ന​ത്തി​ലെ പ്ര​തി​സ​ന്ധി കാ​ര​ണം പ​റ​ഞ്ഞ സ​മ​യ​ത്തി​നു​ള്ളി​ൽ വി​സ മാ​റ്റാ​നാ​യി​ല്ല.

തു​ട​ർ​ന്ന് റി​ക്രൂ​ട്ടിം​ഗ് ഏ​ജ​ൻ​സി ഉ​റൂ​ബ് ര​ജി​സ്റ്റ​ർ ചെ​യ്ത​തോ​ടെ തൊ​ഴി​ൽ ന​ഷ്ട​പ്പെ​ട്ടു. ഈ ​പ്ര​തി​സ​ന്ധി​ഘ​ട്ട​ത്തി​ൽ കു​ടും​ബ​ത്തി​ന്‍റെ വി​സ പു​തു​ക്കാ​ൻ സാ​ധി​ച്ചി​ല്ല. വി​സ പു​തു​ക്കാ​ത്ത​തി​നാ​ലും അ​ഫ്സ​ലി​ന്‍റെ ഉ​റൂ​ബും കാ​ര​ണം കു​ടും​ബ​ത്തെ തി​രി​ച്ച​യ​യ്ക്കാ​നും ക​ഴി​ഞ്ഞി​ല്ല.

വാ​ട​ക ക​രാ​ർ പു​തു​ക്കാ​ത്ത​തി​നാ​ൽ താ​മ​സ സ്ഥ​ല​ത്തു നി​ന്നും ഇ​വ​രെ ഇ​റ​ക്കി വി​ട്ടു. താ​മ​സ സ്ഥ​ല​ത്തി​നാ​യി പ​ല​രേ​യും സ​മീ​പി​ച്ചെ​ങ്കി​ലും കു​ടും​ബ​സ​മേ​ത​മാ​യ​തി​നാ​ൽ ആ​രും സ​ഹാ​യി​ച്ചി​ല്ല.


കേ​ളി ക​ലാ സാം​സ്കാ​രി​ക വേ​ദി ബ​ദി​യ ഏ​രി​യ ജീ​വ​കാ​രു​ണ്യ ക​ൺ​വീ​ന​ർ ജേ​ർ​ണ​റ്റ് നെ​ൽ​സ​നെ സു​ഹൃ​ത്തു​ക്ക​ൾ വി​വ​രം ധ​രി​പ്പി​ച്ച​തി​നെ തു​ട​ർ​ന്ന് ഇ​ന്ത്യ​ൻ എം​ബ​സി​യു​മാ​യി ബ​ന്ധ​പ്പെ​ട്ട് ആ​വ​ശ്യ​മാ​യ പ്ര​വ​ർ​ത്ത​ന​ങ്ങ​ൾ ന​ട​ത്തു​ക​യും ബ​ദി​യ ഏ​രി​യ വൈ​സ് പ്ര​സി​ഡ​ന്‍റ് പ്ര​സാ​ദ് വ​ഞ്ചി​പ്പു​ര താ​മ​സ സൗ​ക​ര്യം ഏ​ർ​പ്പാ​ടാ​ക്കു​ക​യും ചെ​യ്തു.

കേ​ളി പ്ര​വ​ർ​ത്ത​ക​ർ ആ​വ​ശ്യ​മാ​യ ഭ​ക്ഷ​ണ സാ​മ​ഗ്രി​ക​ൾ എ​ത്തി​ച്ചു ന​ൽ​കി. സൗ​ദി പാ​സ്പോ​ർ​ട്ട് വി​ഭാ​ഗ​ത്തി​ൽ എം​ബ​സി​യു​ടെ നി​ര​ന്ത​ര ഇ​ട​പെ​ട​ലി​ന്‍റെ ഫ​ല​മാ​യി 15 ദി​വ​സ​ത്തി​ന​കം 700 റി​യാ​ൽ പി​ഴ​യൊ​ടു​ക്കി കു​ടും​ബ​ത്തെ തി​രി​ച്ച​യ​യ്ക്കാ​നു​ള്ള രേ​ഖ​ക​ൾ ശ​രി​യാ​ക്കി.

പി​ഴ തു​ക​യ്ക്കും ടി​ക്ക​റ്റി​നും ആ​വ​ശ്യ​മാ​യ പ​ണം നാ​ട്ടി​ൽ നി​ന്നും ത​ര​പ്പെ​ടു​ത്തി. ര​ണ്ടാ​ഴ്ച​ക്കു​ള്ളി​ൽ അ​ഫ്സ​ലി​ന്‍റെ തി​രി​ച്ച് പോ​ക്കി​നാ​വ​ശ്യ​മാ​യ രേ​ഖ​ക​ളും എം​ബ​സി ശ​രി​യാ​ക്കി ന​ൽ​കി.1700 റി​യാ​ൽ ട്രാ​ഫി​ക്ക് പി​ഴ​യും ടി​ക്ക​റ്റും ശ​രി​യാ​ക്കി ക​ഴി​ഞ്ഞ ദി​വ​സം അ​ഫ്സ​ലും കു​ടും​ബ​വും നാ​ട്ടി​ലെ​ത്തി.