ദുബായി: യുഎഇയിലെ റാക് സ്റ്റീവന്‍ റോക്കില്‍ ട്രക്ക് മറിഞ്ഞ് കോഴിക്കോട് സ്വദേശി മരിച്ചു. ബാലുശേരി ഉണ്ണികുളം എകരൂല്‍ കുണ്ടിലത്തോട്ട് വീട്ടില്‍ അതുല്‍(27) ആണ് മരിച്ചത്.
ലോഡുമായി ക്രഷറിലേക്ക് വരികയായിരുന്ന അതുല്‍ ഓടിച്ചിരുന്ന ട്രക്ക് നിയന്ത്രണം വിട്ട് തലകീഴായി മറിയുകയായിരുന്നു. അഞ്ചര വര്‍ഷമായി സ്റ്റീവന്‍ റോക്കില്‍ ജോലി ചെയ്യുകയായിരുന്നു അതുല്‍.
അടുത്ത മാസം അവധിക്ക് നാട്ടിൽ പോകാനിരിക്കെയാണ് അന്ത്യം. അവിവാഹിതനാണ്. ശശികുമാര്‍ - അജിത ദമ്പതികളുടെ മകനാണ്.