വിശുദ്ധ പദവി പ്രഖ്യാപനം: ഒരുക്കങ്ങൾ പൂർത്തിയായി
Friday, October 11, 2019 10:17 PM IST
വത്തിക്കാൻസിറ്റി: ഹോളി ഫാമിലി സന്യാസിനി സമൂഹ സ്ഥാപക വാഴ്ത്തപ്പെട്ട മറിയം ത്രേസ്യയുടെ വിശുദ്ധപദവി പ്രഖ്യാപന ചടങ്ങുകൾക്കു മുന്നോടിയായുള്ള ഒരുക്കങ്ങൾ വത്തിക്കാനിൽ പൂർത്തിയായി.

13 നു രാവിലെ 10 ന് (ഇന്ത്യൻ സമയം ഉച്ചകഴിഞ്ഞ് 1.30 ) വിശുദ്ധപദവി പ്രഖ്യാപനം. പ്രത്യേകം തയാറാക്കിയ അരുളിക്കയിലാക്കിയ അസ്ഥിയാണു തിരുശേഷിപ്പായി സമർപ്പിച്ചത്. 13 ന് രാവിലെ അൾത്താരയിൽ പ്രതിഷ്ഠിക്കും.

വിശുദ്ധയുടെ ഛായാചിത്രം സെന്‍റ് പീറ്റേഴ്സ് ചത്വരത്തിൽ ഉയർന്നു കഴിഞ്ഞു.
വിശുദ്ധപദവി പ്രഖ്യാപന ചടങ്ങുകൾക്കു മുന്നോടിയായി പന്ത്രണ്ടിനു റോമിലെ മരിയ മജോരേ മേജർ ബസിലിക്കയിൽ ഉച്ചകഴിഞ്ഞ് 3.30നു നടക്കുന്ന പ്രത്യേക ജാഗരണ പ്രാർഥനാ ശുശ്രൂഷകൾക്കു വിശുദ്ധരുടെ നാമകരണത്തിനുവേണ്ടിയുള്ള വത്തിക്കാൻ കോണ്‍ഗ്രിഗേഷൻറെ പ്രീഫെക്ട് കർദിനാൾ ജൊവാനി ആഞ്ചലോ ബേച്ചു മുഖ്യകാർമികത്വം വഹിക്കും. തൃശൂർ അതിരൂപത ആർച്ച്ബിഷപ് മാർ ആൻഡ്രൂസ് താഴത്ത്, പാലക്കാട് രൂപത മെത്രാൻ മാർ ജേക്കബ് മനത്തോടത്ത് എന്നിവർ സഹകാർമികരാകും.

പ്രദക്ഷിണത്തോടെയാണു ചടങ്ങുകൾ ആരംഭിക്കുന്നത്. റവ. ഡോ. ക്ലമൻറ് ചിറയത്ത് മറിയം ത്രേസ്യയെക്കുറിച്ചുള്ള ലഘു ജീവചരിത്രം വായിക്കും. തുടർന്നു സീറോ മലബാർ സഭ അപ്പസ്തോലിക് വിസിറ്റേറ്റർ മാർ സ്റ്റീഫൻ ചിറപ്പണത്ത് സ്വാഗതം ആശംസിക്കും. ഹോളി ഫാമിലി കോണ്‍ഗ്രിഗേഷൻ ജനറൽ കൗണ്‍സിലർ സിസ്റ്റർ ഭവ്യ സിഎച്ച്എഫ്, ജസ്റ്റീസ് കുര്യൻ ജോസഫ് എന്നിവർ ലേഖനം വായിക്കും.

സിഞ്ഞോറ അഥ്റിയാന ഇറ്റാലിയനിലും സിഎച്ച്എഫ് മുൻ മദർ ജനറൽ സിസ്റ്റർ പ്രസന്ന തട്ടിൽ ഇംഗ്ലീഷിലും സിഎച്ച്എഫ് പാവനാത്മ പ്രൊവിൻഷ്യൽ സിസ്റ്റർ രഞ്ജന മലയാളത്തിലും സിസ്റ്റർ ഒലിവ് ജെയിൻ സിഎച്ച്എഫ് ഹിന്ദിയിലും കാറോസൂസ പ്രാർഥനകൾ ചൊല്ലും. ജർമൻ ഭാഷയിലുള്ള കാറോസൂസ പ്രാർത്ഥന ചൊല്ലുന്നതു ജർമനിയിലെ മോണ്‍ഷാവു കോർപറേഷൻറെ മേയർ കൂടിയായ മാർഗരറ്റ് റിറ്റർ ആണ്. ജാഗരണ പ്രാർഥനയുടെ സമാപനത്തിൽ ഹോളി ഫാമിലി കോണ്‍ഗ്രിഗേഷൻ മദർ ജനറൽ സിസ്റ്റർ ഉദയ ഏവർക്കും നന്ദി പറയും. ഫാ. സനൽ മാളിയേക്കൽ മാസ്റ്റർ ഓഫ് സെറിമണിയായും ഫാ. പോൾ റോബിൻ തെക്കത്ത് കമൻറേറ്ററായും പ്രവർത്തിക്കും.

14 നു റോമിലെ സെന്‍റ് അനസ്താസ്യ ബസിലിക്കയിൽ രാവിലെ 10.30ന് നടക്കുന്ന കൃതജ്ഞതാ ബലിക്കു സീറോ മലബാർ സഭ മേജർ ആർച്ച്ബിഷപ് കർദിനാൾ മാർ ജോർജ് ആലഞ്ചേരി മുഖ്യകാർമികത്വം വഹിക്കും. സീറോ മലബാർ സഭയിലെ 51 ബിഷപ്പുമാരും സഹകാർമികരാകും.

മറിയം ത്രേസ്യയും കർദിനാൾ ജോണ്‍ ഹെൻറി ന്യൂമാനുമുൾപ്പെടെ ആറു പേരെയാണ് 13 ന് വിശുദ്ധപദവിയിലേക്ക് ഉയർത്തുന്നത്.

1801 ൽ ലണ്ടനിൽ ജനിച്ച ജോണ്‍ ഹെൻറി ന്യൂമാൻ 1825 ൽ ആംഗ്ലിക്കൻ പുരോഹിതനായി നിയമിതനായി. പിന്നീട് അദ്ദേഹം ഓക്സ്ഫോർഡ് പ്രസ്ഥാനം സ്ഥാപിച്ചു, ഇത് ആംഗ്ലിക്കൻ മതത്തിന്‍റെ കത്തോലിക്കാ വേരുകൾക്ക് പ്രാധാന്യം നൽകി.


ആംഗ്ലിക്കൻ ബിഷപ്പുമാരുമായുള്ള നിരവധി ഏറ്റുമുട്ടലുകൾ അദ്ദേഹത്തെ ചർച്ച് ഓഫ് ഇംഗ്ലണ്ടിൽ നിന്ന് പുറത്താക്കി. 44ാം വയസിൽ അദ്ദേഹം കത്തോലിക്കാസഭയിൽ ചേർന്നു. 1846ൽ കത്തോലിക്കാ പുരോഹിതനായി നിയമിതനായി. ലിയോ പന്ത്രണ്ടാമൻ മാർപ്പാപ്പ 1879ൽ അദ്ദേഹത്തെ കർദിനാൾ ആക്കി.

ഒരു ദൈവശാസ്ത്രജ്ഞനും കവിയുമായ അദ്ദേഹം 1890ൽ അന്തരിച്ചു. 1958ൽ അദ്ദേഹത്തിന്‍റെ വിശുദ്ധ കാരണം തുറന്നു. 2010ൽ ഇംഗ്ലണ്ടിലെ ബർമിംഗ്ഹാമിൽ പതിനാറാമൻ ബെനഡിക്ട് മാർപ്പാപ്പ അദ്ദേഹത്തെ വാഴ്ത്തപ്പെട്ടവനാക്കി.

വിശുദ്ധരായി പ്രഖ്യാപിക്കപ്പെടുന്ന മറ്റുള്ളവർ:

3. മിഷനറി സിസ്റ്റേഴ്സ് ഓഫ് ഇമ്മാക്കുലേറ്റ് കണ്‍സെപ്ഷനിൽ അംഗമായിരുന്ന വാഴ്ത്തപ്പെട്ട ഡൽസ് ലോപ്സ് പോണ്ടെസ്. 1914 ൽ ജനിച്ച അവർ ദരിദ്രരുടെ അമ്മയായ സിസ്റ്റർ ഡൽസ് എന്ന പേരിൽ ബ്രസീലിയൻ കത്തോലിക്കർക്കിടയിൽ അറിയപ്പെട്ടു. ബഹിയ സംസ്ഥാനത്ത് ആദ്യത്തെ കത്തോലിക്കാ തൊഴിലാളി സംഘടന സ്ഥാപിക്കുകയും പാവപ്പെട്ട തൊഴിലാളികൾക്കായി ഒരു ആരോഗ്യ ക്ലിനിക് ആരംഭിക്കുകയും അധ്വാനിക്കുന്ന കുടുംബങ്ങൾക്കായി ഒരു സ്കൂൾ ആരംഭിക്കുകയും ചെയ്തു. പ്രായമായവർക്കും വികലാംഗർക്കും വേണ്ടി അവർ ഒരു ആശുപത്രി, അനാഥാലയം, പരിചരണ കേന്ദ്രങ്ങൾ എന്നിവ നിർമിച്ചു.

സമാധാന നൊബേൽ സമ്മാനത്തിനായി 1988 ൽ അന്നത്തെ പ്രസിഡന്‍റ് ജോസ് സാർനി നാമനിർദ്ദേശം ചെയ്യപ്പെട്ടു. സെന്‍റ് ജോണ്‍ പോൾ രണ്ടാമൻ തന്‍റെ കൃതിയെ "മാനവികതയ്ക്ക് ഒരു മാതൃക' എന്നു വിശേഷിപ്പിച്ചു. 1980 ൽ ബ്രസീലിലേക്കുള്ള ആദ്യ യാത്രയ്ക്കിടെ അവളെ കണ്ടുമുട്ടി, 1991 ൽ മടങ്ങിയെത്തി, അയാൾ അവളെ ആശുപത്രിയിൽ സന്ദർശിച്ചു. 1992 ൽ 77 -ാം വയസിൽ മരിച്ചു, ആയിരത്തിലധികം പേർ ശവസംസ്കാര ചടങ്ങുകളിൽ പങ്കെടുത്തു.

4.വാഴ്ത്തപ്പെട്ട മർഗൂറൈറ്റ് ബേസ്, സ്വിറ്റ്സർലൻഡിൽ നിന്നുള്ള ഒരു സാധാരണ സ്ത്രീ, വലിയ ശാരീരിക ക്ലേശങ്ങൾക്കിടയിലും ക്രിസ്തുവിന്‍റെ കളങ്കം വഹിക്കുന്നതിലും ആത്മീയതയ്ക്ക് പേരുകേട്ടതാണ്. 1879 ൽ മരിച്ചു.

5. രോഗികളെയും പ്രായമായവരെയും സേവിച്ച സെന്‍റ് കാമിലസിന്‍റെ മകളുടെ സഹസ്ഥാപകനായ വാഴ്ത്തപ്പെട്ട ജോസഫിൻ വാനിനി. 1911 ൽ മരിച്ചു.

റിപ്പോർട്ട്: ജോസ് കുന്പിളുവേലിൽ