നൃൂഡൽഹി : ദിൽഷാദ് ഗാർഡൻ സെന്റ് സ്റ്റീഫൻസ് ഓർത്തഡോക്സ് ദേവാലയത്തിന്റെ കാവൽ പിതാവും, ശെമ്മാശന്മാരിൽ പ്രധാനിയും സഹദേന്മാരിൽ മുൻപനും, പരിശുദ്ധ സഭയുടെ പ്രഥമ രക്തസാക്ഷിയുമായ പരിശുദ്ധ സ്തേഫാനോസ് സഹദായുടെ ഓർമ്മപ്പെരുന്നാൾ ജനുവരി 5 മുതൽ 12 വരെയുള്ള ദിവസങ്ങളിൽ പൂർവാധികം ഭംഗിയായി നടത്തുവാൻ തീരുമാനിച്ചിരിക്കുന്നു. പെരുന്നാൾ ശുശ്രൂഷകൾക്ക് ബാംഗ്ലൂർ ഭദ്രാസനാധിപൻ അഭി. ഡോ. എബ്രഹാം മാർ സെറാഫീം മെത്രാപ്പോലീത്ത മുഖ്യകാർമികത്വം വഹിക്കുന്നതാണ്.
പെരുന്നാൾ ശുശ്രൂഷാ ക്രമീകരണം
ജനുവരി 5 ഞായറാഴ്ച 7.30ന് പ്രഭാത നമസ്കാരം, വി. കുർബാനയെ തുടർന്ന് ഇടവക വികാരി റവ. ഫാ. ഉമ്മൻ മാതൃു പെരുന്നാൾ കൊടിയേറ്റി.
തിങ്കളാഴ്ച 6.30ന് സന്ധ്യാ നമസ്കാരം, ചൊവ്വാഴ്ച വൈകുന്നേരം 6.30ന് സന്ധ്യാനമസ്കാരം വി. കുർബാന (റവ. ഫാ. സജി എബ്രഹാം , വികാരി സെന്റ് തോമസ് ഓർത്തഡോക്സ് ചർച്ച്, സരിത വിഹാർ), 8 ബുധനാഴ്ച 6.30ന് സന്ധ്യാനമസ്കാരം, മദ്ധ്യസ്ഥ പ്രാർഥന. 9 വൃാഴാഴ്ച. വൈകുന്നേരം 6.30ന് സന്ധ്യാനമസ്കാരം. 10 വെള്ളിയാഴ്ച വൈകുന്നേരം 6.30ന് സന്ധ്യാനമസ്കാരം, ധ്യാനപ്രസംഗം (റവ. ഫാ. പത്രോസ് ജോയി, വികാരി സെന്റ് മേരീസ് കത്തിഡ്രൽ, ഹോസ് ഖാസ്),11 ശനിയാഴ്ച വൈകുന്നേരം 5.30ന് സന്ധ്യാ നമസ്കാരം (Venue SG Pocket Main Park), വൈകുന്നേരം 6.30ന് ഭക്തിനിർഭരമായ പ്രദക്ഷിണം, 9ന് ധൂപപ്രാർഥന, ശ്ലൈഹിക വാഴ്ച അഭി. ഡോ. എബ്രഹാം മാർ സെറാഫീം മെത്രാപ്പോലീത്താ, തുടർന്ന് സ്നേഹവിരുന്ന്,
12 ഞായറാഴ്ച 7.30ന് പ്രഭാത നമസ്കാരം, വിശൂദ്ധ കുർബാന അഭി. ഡോ. എബ്രഹാം മാർ സെറാഫീം മെത്രാപ്പോലീത്ത, 11ന് ആശീർവാദം, കൈമുത്ത്, നേർച്ചവിളന്പ് കൊടിയിറക്ക്.
റിപ്പോർട്ട്: ഷിബി പോൾ