അക്ഷരങ്ങളെ പൂജിക്കുന്നവരാണ് മലയാളികൾ
Saturday, October 31, 2020 12:22 AM IST
ലണ്ടൻ :ലോകമെമ്പാടുമുള്ള മലയാളം ഇംഗ്ലീഷ് എഴുത്തുകാർക്കായി ലണ്ടൻ ഇന്‍റർനാഷണൽ മലയാളം ഓഥേഴ്സിന് (LIMA) ആശംസകൾ നേർന്നുകൊണ്ട് പ്രശസ്ത സാഹിത്യകാരൻ സി.രാധകൃഷ്ണൻ.

അക്ഷരങ്ങളെ പ്രണയിക്കുന്നവർക്കായി ലിമക്ക് നൽകിയ വാക്കുകൾ ഇവിടെ കുറിക്കട്ടെ.

"വിദ്യാരംഭ ദിവസം ആണ് ഞാൻ ഇത് കുറിക്കുന്നത്.  എല്ലാം കൊണ്ടും ഒരു നല്ല ദിവസം. അക്ഷരത്തെ പൂജിക്കുന്ന ഒരു സംസ്കാരം മലയാളിക്കേ ഉളളൂ  എന്നു തോന്നുന്നു. ഭാഷ തന്നെയാണോ സംസ്കാരം എന്ന് നാം തിരിച്ചറിയുന്നു.  ലിമ ഈ തിരിച്ചറിവിനും  അതിനെ അനുധാവനം ചെയ്യാനും നമ്മെ  സഹായിക്കട്ടെ.  അത് അകലങ്ങൾ ഇല്ലാതാകട്ടെ. സൃഷ്ടിപരത വിജയിക്കട്ടെ'.

സ്വദേശ വിദേശത്തുള്ള  മലയാളം -ഇംഗ്ലീഷ് എഴുത്തുകാർക്കും കലാസാംസ്കാരിക രംഗത്തുള്ളവർക്കുമായി ലിമ  അറിവുകളുടെ ഇന്‍റർനെറ്റ് ഫേസ് ബുക്ക് ഇതര  കൂട്ടായ്‌മകൾ ഒരുക്കുന്നു.  

നമ്മുടെ അക്ഷരസംസ്കാരത്തെ സോഷ്യൽ മീഡിയകളിൽ ചിലരൊക്കെ സങ്കീർണവും അരാജകവുമാക്കി മാറ്റുമ്പോൾ ദീർഘമായ നമ്മുടെ സാംസ്കാരിക പൈതൃകത്തെ ഊട്ടി വളർത്തേണ്ട ഉത്തരവാദിത്വമുണ്ട്. മാതൃഭാഷയെ സ്‌നേഹിക്കുന്ന  ലോകമെങ്ങുമുള്ള മലയാളികളുടെ,  കലാ-സാഹിത്യ-സാംസ്‌കാരിക-മാധ്യമ രംഗത്തുള്ളവരുടെ കടമയാണ്.

മലയാളം - ഇംഗ്ലീഷ് എഴുതുന്ന വിദ്യാർഥികൾക്കും എഴുത്തുകാർക്കും ഭാഷയുടെ തെളിവും മിഴിവും കുറവും ഇതിലെഴുതാം. ചിത്രങ്ങൾ വരയ്ക്കാം,  കവിതകളും ഗാനങ്ങളും മാത്രമല്ല ആശയസംവേദനത്തിനും അവസരമുണ്ട്.  ലിമയിലൂടെ  നിങ്ങളുടെ കാവ്യസൗന്ദര്യത്തെ വെളിപ്പെടുത്തുക. കലാസാഹിത്യ സാംസ്കാരിക രംഗത്തുള്ള പ്രമുഖരാണ് ലിമക്ക് നേതൃത്വം കൊടുക്കുന്നത്.

ചെയർമാൻ - ഡോ.ജോർജ് ഓണക്കൂർ (നോവലിസ്റ്റ്,കഥാകാരൻ, സാഹിത്യവിമർശകൻ, തിരക്കഥാകൃത്ത്, സഞ്ചാരസാഹിത്യകാരൻ. ധാരാളം പദവികൾ, ബഹുമതികൾ ലഭിച്ചിട്ടുണ്ട്)

പ്രസിഡന്‍റ് (ബ്രിട്ടൻ) - കാരൂർ സോമൻ (നാടകം, നോവൽ, ബാലനോവൽ, ഇംഗ്ലീഷ് നോവൽ, കഥ, കവിത, ലേഖനം, ചരിത്രം, ചരിത്ര കഥകൾ, ജീവചരിത്രം, യാത്രാവിവരണം, ശാസ്ത്ര -കായിക മേഖലകളിൽ അൻപതോളം കൃതികൾ) 

സെക്രട്ടറി - സിസിലി ജോർജ് (ചെറുകഥാകൃത്ത് - നോവൽ കഥാപുസ്തകങ്ങൾ പ്രസിദ്ധികരിച്ചു, ചിത്രകാരി, സാംസ്‌കാരിക പ്രവർത്തനം).

പി.ആർ.ഒ. - അഡ്വ. റോയി പഞ്ഞിക്കാരൻ (കവി, ഗാനരചയിതാവ്, സോഷ്യൽ വർക്കർ, ചാരിറ്റി പ്രവർത്തകൻ).

ജനറൽ കോഓർഡിനേറ്റർ - ജിൻസൻ  ഇരിട്ടി, (കഥാകൃത്ത് , നോവലിസ്റ്റ് , തിരക്കഥാകൃത്ത് , ഹൃസ്വ ചിത്ര സംവിധയകാൻ, ഛായ ഗ്രാഹകൻ, സോഷ്യൽ ആക്റ്റിവിസ്റ്റ്)

എഡിറ്റർ (ഇന്ത്യ) - പ്രതീക്ഷ സുസൻ ജേക്കബ് (ഇംഗ്ലീഷ് കവിതാ സമാഹാരങ്ങൾ പ്രസിദ്ധികരിച്ചു)  

കോർഡിനേറ്റർ - ഡോ. മുഞ്ഞിനാട് പത്മകുമാർ  (കവിത, യാത്ര, ചരിത്രം, വിമർശനം, വിവർത്തനം തുടങ്ങിയ  മേഖലകളിൽ അൻപതോളം കൃതികൾ)  

കോർഡിനേറ്റർ - ഡോ. ജി.ഗംഗ പ്രസാദ് (ആരോഗ്യമേഖലകളിൽ  എഴുതുന്നു).  

കോർഡിനേറ്റർ - പുഷ്പാമ ചാണ്ടി, (സൈക്കോളജിസ്റ്റ് -  കഥ -കവിതകൾ എഴുതുന്നു. അക്ഷരശ്രീ മാസികയുടെ മാനേജിംഗ് എഡിറ്റർ).

കോർഡിനേറ്റർ (ഗൾഫ് ) - ഹിജാസ് മുഹമ്മദ് (നോവൽ - കഥാ സമാഹാരങ്ങൾ പ്രസിദ്ധികരിച്ചു).

കോർഡിനേറ്റർസ്

ജോൺ മാത്യു (അമേരിക്ക) : നോവൽ, കഥാ സമാഹാരങ്ങൾ പ്രസിദ്ധികരിച്ചു.  കേരള റൈറ്റേഴ്‌സ് ഫോറം, എഴുത്തുകാരുടെ സംഘടനയായ ലാനയുടെ മുൻ പ്രസിഡന്റ്.

മാത്യു നെല്ലിക്കുന്ന്: നോവൽ, കഥ, ലേഖനം  21 പുസ്തകങ്ങൾ പ്രസിദ്ധികരിച്ചു. കേരള റൈറ്റേഴ്‌സ് ഫോറം സ്ഥാപക പ്രസിഡന്റ്,  

ജോൺ ഇളമത (കാനഡ) : നാടകം, നോവൽ, ചരിത്ര നോവൽ, ഇംഗ്ലീഷ് നോവൽ, കഥ, ലേഖന രംഗത്ത് പതിനാറ് കൃതികൾ,  ലാനയുടെ മുൻ പ്രസിഡന്റ്, സെക്രട്ടറി). 

ജോസ് പുതുശേരി (ജർമനി) : നമ്മുടെ ലോകം മാഗസിൻ മാനേജിങ് എഡിറ്റർ, ലോക കേരളം സഭ മെമ്പർ, കൊളോൺ കേരളം സമാജം പ്രസിഡന്‍റ്, ചെയർമാൻ -സെൻട്രൽ കമ്മിറ്റി കേരള അസോസിയേഷൻസ് ജർമനി

ജോസ് കുമ്പിളുവേലിൽ : സ്വതന്ത്ര പത്രപ്രവർത്തകൻ, കവി,  ഗാനരചയിതാവ് , യൂറോപ്പിലെ ആദ്യത്തെ മലയാളത്തിൽ തുടങ്ങിയ ഓൺലൈൻ ന്യൂസ് പോർട്ടൽ (പ്രവാസി ഓൺലൈൻ.കോം), പ്രവാസി ഓൺലൈൻ ന്യൂസ് ചാനൽ  എന്നിവയുടെ ചീഫ് എഡിറ്റർ, അവതാരകൻ, വിവിധ സംഘടനകളിൽ മുഖ്യ ഭാരവാഹി, സ്റ്റേജ് ഷോ കോഓർഡിനേറ്റർ, കേരളത്തിലെ മുഖ്യധാരാ മാധ്യമ ചാനൽ  റിപ്പോർട്ടർ.  

ബേബി കാക്കശ്ശേരി (സ്വിസ് സർലൻഡ് ): കവി, മൂന്ന് കവിതാ സമാഹാരങ്ങൾ പുറത്തിറങ്ങി. അതിൽ "ഹംസ ഗാനം"  ലണ്ടൻ മലയാളി കൗൺസിൽ സാഹിത്യ പുരസ്‌കാരം നേടി.

ഡോൺ ബോസ്കോ ഫ്രഡി (ഓസ്ട്രേലിയ ): എഴുത്തുകാരൻ, സോഷ്യൽ വർക്കർ, ഓസ്‌ട്രേലിയൻ മലയാളി സൊസൈറ്റി പിആർഒ.

ലിമയിലേക്ക് രചനകൾ അയയ്ക്കേണ്ട വിലാസം:

Email ID- [email protected]
Facebook page- https://www.facebook.com/lima.writers
London International Malayalam Authors - LIMA
Copyright @ 2022 , Rashtra Deepika Ltd.