ബെർലിൻ: ജർമനി- മലങ്കര ഓർത്തഡോക്സ് സുറിയാനി സഭയുടെ ജർമനി സെന്റ് ഗ്രീഗോറിയോസ് ഇന്ത്യൻ ഓർത്തഡോക്സ് സണ്ഡേസ്കൂളിന്റെ ആഭിമുഖ്യത്തിൽ ഓർത്തഡോക്സ് വെക്കേഷൻ ബൈബിൾ ക്ലാസ് (OVBS) ഏപ്രിൽ 9 വെള്ളിയാഴ്ച മുതൽ 11 ഞായറാഴ്ച വരെ ഓണ്ലൈനായി നടക്കും. ദൈവഹിതം തിരിച്ചറിയുവിൻ (1 തെസ 5:18) എന്നതാണ് ഈ വർഷത്തെ ചിന്താവിഷയം. വേദപഠനം, ഗാനപരിശീലനം, ആക്ഷൻ ഗാനങ്ങൾ, കലാപരിശീലനം, കുട്ടികളുടെ പരിപാടികൾ, കളികൾ, സ്നേഹവിരുന്ന് എന്നിവയെല്ലാം പ്രധാന ആകർഷകങ്ങളാണ്.
വെള്ളിയാഴ്ച വൈകിട്ട് 6 മുതൽ 7.30 വരെയും 10 ശനിയാഴ്ച രാവിലെ 10 മുതൽ 12 വരെയും 11 ഞായറാഴ്ച 3 മുതൽ 4.30 മുതൽ വരെയുമാണ് ക്ലാസുകൾ ക്രമീകരിച്ചിരിക്കുന്നത്. സണ്ഡേസ്കൂൾ കേന്ദ്ര ഡയക്ടറൽ ജനറൽ റവ. ഫാ. ഡോ. വർഗീസ് വർഗീസ് മീനടം (കോട്ടയം), സണ്ഡേസ്കൂൾ യുകെ. യൂറോപ്പ് ഭദ്രാസന വൈസ് പ്രസിഡന്റ് റവ. ഫാ. അനൂപ് ഏബ്രഹാം (യുകെ), സണ്ഡേസ്കൂൾ യുകെ യൂറോപ്പ് ഭദ്രാസന ഡയക്ടർ സൈമണ് ചാക്കോ (യുകെ) എന്നിവർ സന്ദേശങ്ങൾ നൽകും. റവ. ഫാ. വിവേക് വർഗീസ് (റോം), റവ. ഫാ. ആഷു അലക്സാണ്ടർ (ബെൽജിയം) എന്നിവർ വേദപഠനക്ലാസുകൾക്കും, മെർലിൻ റോബിൻ (യുകെ), സോണി ജെറിൻ (യുകെ) എന്നിവർ ഗാനപരിശീലനത്തിനും നേതൃത്വം നൽകും. മലയാളം, ഇംഗ്ലീഷ്, ജർമൻ ഭാഷകളിൽ ക്ലാസുകൾ ഉണ്ടായിരിക്കുന്നതാണ്.
ജർമനിി, ഓസ്ട്രിയ, ഫ്രാൻസ്, ബെൽജിയം, നെതർലൻഡ് തുടങ്ങിയ യൂറോപ്യൻ രാജ്യങ്ങളിൽ നിന്നുള്ള സണ്ഡേസ്കൂൾ കുട്ടികൾ ഇതിന്റെ ഭാഗമാകും. ജർമനിയിൽ ആദ്യമായാണ് ഒവിബിഎസ് നടക്കുന്നത്.
റവ.ഫാ. രോഹിത്ത് സ്കറിയ ജോർജി (ജർമനി), ജിജു കെ. ജോർജ് (ജർമനി), അജി മാത്യു ജോണ് (ഓസ്ട്രിയ), അനീനാ മാത്യൂസ് (ജർമനി), ബിനീറ്റാ വർഗീസ് (ജർമനി), ജെനി ജിജു (ജർമനിി), കോശി കുരുവിള (ജർമനി), അന്നമ്മ കുരുവിള (ജർമനി), ഷൈനോ ജോർജ് (ജർമനി) എന്നിവരുടെ നേതൃത്വത്തിൽ വിവിധ കമ്മറ്റികൾ പ്രവർത്തിക്കുന്നു.
പങ്കെടുക്കാൻ ആഗ്രഹിക്കുന്നവർ വേഗം രജിസ്റ്റർ ചെയ്യുക.
കൂടുതൽ വിവരങ്ങൾക്ക് +4915175230784, +4917661997521