റിയാദ്: റിയാദിലെ മലയാളി കൂട്ടായ്മകളുടെ പൊതുവേദിയായ എൻആർകെ വെൽഫെയർ ഫോറം ചെയർമാൻ അഷ്റഫ് വടക്കേവിളയ്ക്ക് യാത്രയയപ്പു നൽകി. സലിം കളക്കരയുടെ ആമുഖ പ്രസംഗത്തോടെ ആരംഭിച്ച യോഗം സിറ്റി ഫ്ളവർ സിഒഒ ഫസൽ റഹ്മാൻ ഉദ്ഘാടനം ചെയ്തു.
റിയാദിലെ സാമൂഹ്യ സാംസ്കാരിക മേഖലകളിൽ നിറസാന്നിധ്യമായ അഷറഫ് വടക്കേവിള കക്ഷി രാഷ്ട്രീയ ഭേദമന്യേ റിയാദിലെ പ്രവാസി മലയാളികളുടെ സ്നേഹാദരവുകൾ ലഭിച്ചിട്ടുള്ള സാമൂഹ്യപ്രവർത്തകനാണെന്നും റിയാദിലെ പ്രവാസി മലയാളി കൂട്ടായ്മകളേയും മുഖ്യധാരാ സംഘടനകളേയും കൂട്ടിയിണക്കി എൻആർകെ ഫോറം രൂപീകരിക്കുന്നതിൽ മുഖ്യ പങ്കുവഹിച്ചവരിൽ ഒരാളായിരുന്നുവെന്നും ചടങ്ങിൽ സംസാരിച്ചവർ പറഞ്ഞു.
ടി.ആർ. സുബ്രഹ്മണ്യൻ (കേളി), അബ്ദുല്ല വല്ലാഞ്ചിറ (ഓ ഐ സി സി), ജലീൽ തിരൂർ (കെ എം സി സി), ശിഹാബ് കൊട്ടുകാട്, ജോണ് ക്ലീറ്റസ്, സനൂപ് പയ്യന്നൂർ (ഫോർക്ക), ബാബുജി (നവോദയ റിയാദ്), നവാസ് വെള്ളിമാടുകുന്ന് (ഫ്രണ്ട്സ് ക്രിയേഷൻസ്), വിനോദ് (ന്യൂ ഏജ്), ബിനു ധർമരാജ് (റിയ) ഫൈസൽ പൂനൂർ (എം ഇ എസ്), സുബൈർ ഹുദവി (എസ്വൈഎസ്), ജയൻ കൊടുങ്ങല്ലൂർ (റിയാദ് ഇന്ത്യൻ മീഡിയ ഫോറം), രാമചന്ദ്രൻ (അറബ്കോ), നവാസ് ഒപ്പീസ് (റിയാദ് ടാകീസ്) അബ്ദുൽ അസീസ് മാസ്റ്റർ (ഐസിഎഫ്) ജെറോം മാത്യു (പിആർസി), സാബു (ഷിഫാ മലയാളി സമാജം), ഡൊമിനിക് ( വേൾഡ് മലയാളി ഫെഡറേഷൻ), ഷാജി സോണ, റാഫി കൊയിലാണ്ടി എന്നിവർ സംസാരിച്ചു.
വൈസ് ചെയർമാൻ സത്താർ കായംകുളം അധ്യക്ഷത വഹിച്ച ചടങ്ങിന് ജനറൽ കണ്‍വീനർ നൗഷാദ് കോർമത്ത് സ്വാഗതം പറഞ്ഞു. തെന്നല മൊയ്തീൻകുട്ടി കൃതജ്ഞത രേഖപ്പെടുത്തി. അഷ്റഫ് വടക്കേവിള യാത്രയയപ്പിന് നന്ദി പറഞ്ഞു. ജനറൽ കണ്‍വീനർ നൗഷാദ് കോർമത്തും സഹഭാരവാഹികളും എൻആർ കെയുടെ ഉപഹാരം അഷ്റഫ് വടക്കേവിളയ്ക്ക് നൽകി.
റിപ്പോർട്ട്: ഷക്കീബ് കൊളക്കാടൻ