ബ്രിസ്ബെയ്ൻ: ഓസ്ട്രേലിയന്‍ മലയാളികള്‍ ചേര്‍ന്നൊരുക്കുന്ന സംഗീത ദൃശ്യാവിഷ്കാരമായ "കാരുണ്യ സംഗീതയാത്ര'യുടെ ചിത്രീകരണത്തിന് ക്യൂൻസ്‌ലൻഡിൽ തുടക്കമായി.
വേള്‍ഡ് മദര്‍ വിഷന്‍റെ ബാനറില്‍ ജോയി കെ. മാത്യു നിർമാണവും സംവിധാനവും നിർവഹിക്കുന്ന സംഗീത ദൃശ്യാവിഷ്കാരത്തിന്‍റെ ചിത്രീകരണം ക്യൂൻസ്‌ലൻഡിലെ മരിയന്‍ തീര്‍ഥാടന കേന്ദ്രമായ മരിയന്‍ വാലിയിലാണ് പുരോഗമിക്കുന്നത്.
ദീപു, ഷിബു പേള്‍, ബീന, സിജു, ഡോ. പ്രഷി, ബിനോയ്, സിജു, സജി പഴയാറ്റില്‍, ജിൽമി, ജോനാ, ഐറിൻ, പോൾ, സോണി, ത്രേസ്യാമ്മ, ഉദയ്, റിജേഷ്, കെ.വി.സൗമ്യ, അരുൺ, ദീപ തുടങ്ങിയവർ അണിനിരക്കുന്ന കാരുണ്യ സംഗീത യാത്രയുടെ രചന സംഗീതം ജയ്മോന്‍ മാത്യു നിർവഹിക്കുന്നു.
നിർമാണ നിയന്ത്രണം ദീപു ജോസഫും ഛായാഗ്രഹണം ആദം കെ. അന്തോണിയും ആഗ്നെസും തെരേസും ചേർന്ന് ഒരുക്കുന്നു. ഓഗസ്റ്റ് 15ന് ക്യൂൻസ്‌ലന്‍ഡിലെ ബണ്ടബര്‍ഗിലാണ് റിലീസ്.