റേഡിയോ ലെമൺ ലൈവ് ഓസ്‌ട്രേലിയ സംപ്രേഷണം ആരംഭിച്ചു
Sunday, April 10, 2022 4:52 PM IST
ഓസ്‌ട്രേലിയൻ മലയാളികൾക്കായി 24/7 റേഡിയോ പരിപാടികളുമായി റേഡിയോ ലെമൺ ലൈവ് ഓസ്‌ട്രേലിയ എന്ന ഇന്‍റർനെറ്റ് റേഡിയോ സ്റ്റേഷന് തുടക്കം കുറിച്ചു. ബാംഗ്ലൂരും, യു.കെ.യിലും, ന്യൂസീലന്‍റിലും ലക്ഷക്കണക്കിന് ശ്രോതാക്കളുള്ള റേഡിയോ ലെമൺ ഓസ്‌ട്രേലിയൻ മണ്ണിലെത്തിക്കുന്നത് ബിയോൻഡ് ഡ്രീംസ് പ്രൊഡക്ഷൻസ് ആണ്. ഏപ്രിൽ 7 വ്യാഴാഴ്ച ഗായിക കെ.എസ് ചിത്ര റേഡിയോ ചാനൽ ഔദ്യോഗീകമായി ഉദ്ഘാടനം ചെയ്തു..

ഇനിമുതൽ ഏഴുദിവസവും, 24 മണിക്കൂറും ഇടവേളകളില്ലാതെ പ്രധാനപ്പെട്ട ഓസ്‌ട്രേലിയൻ നഗരങ്ങളിൽ നിന്നും തിരഞ്ഞെടുത്ത 15 ലേറെ റേഡിയോ ജോക്കികളുമായി സംവദിക്കുവാനും, മനോഹരമായ ഗാനങ്ങൾ കേൾക്കാനും, പ്രധാനപ്പെട്ട ന്യൂസ് അപ്‌ഡേറ്റ്സ് അറിയാനുമെല്ലാം ഇനി മുതൽ റേഡിയോ ലെമൺ ലൈവ് ഓസ്‌ട്രേലിയ സദാ ജാഗരൂകമാണെന്ന് റേഡിയോ ലെമൺ ലൈവ് ഓസ്‌ട്രേലിയ യുടെ സ്റ്റേഷൻ ഹെഡ് മനോജ് മനോജ് ആൻഡ്രൂസ്, പ്രോഗ്രാം ഹെഡ് മനോജ് ജോയ് എന്നിവർ അറിയിച്ചു.

റേഡിയോ പരിപാടികൾ ആസ്വദിക്കുവാനായി ഈ ലിങ്കിൽ
https://www.radiolemonlive.com/australia/index.php ക്ലിക്ക് ചെയ്ത് ആപ്ലിക്കേഷൻ ഡൗൺലോഡ് ചെയ്യാവുന്നതാണ്.

കെ.പി.ഷിബു
Copyright @ 2022 , Rashtra Deepika Ltd.