ലണ്ടൻ: ഡിവൈൻ റിട്രീറ്റ് സെന്‍ററിന്‍റെ നേതൃത്വത്തിൽ വെയിൽസിലെ പൻറ്റാസാഫിൽ പുതുതായി ആരംഭിച്ച ഡിവൈൻ ധ്യാന കേന്ദ്രത്തിൽ മൂന്നു ദിവസത്തെ താമസിച്ചുള്ള ധ്യാന ശുശ്രുഷകൾ ജൂണ്‍ 17 മുതൽ 19 വരെ നടത്തപ്പെടുന്നതാണ്. പ്രശസ്ത ധ്യാന ഗുരുവും, വിൻസൻഷ്യൽ കോണ്ഗ്രിഗേഷൻ സഭാംഗവും, പൻറ്റാസാഫ് ഡിവൈൻ ധ്യാന കേന്ദ്രത്തിന്‍റെ ഡയറക്ടറുമായ ഫാ. പോൾ പാറേക്കാട്ടിൽ ആന്തരിക സൗഖ്യധ്യാന ശുശ്രുഷകൾ നയിക്കുന്നതാണ്.
റാംസ്ഗേറ്റ് ഡിവൈൻ റിട്രീറ് സെന്‍റർ ഡയറക്ടറും, യുകെയിലെ പ്രശസ്ത വചന പ്രഘോഷകനുമായ ഫാ. ജോസഫ് എടാട്ട് വിസി ത്രിദിന ധ്യാന ശുശ്രുഷകളിൽ പങ്കുചേരും.
ആൽമീയ ചിന്താധാരകളിലേക്ക് മനസിനെയൊരുക്കി ഉള്ളം തുറന്നു പ്രാർഥിക്കുവാനും, ആന്തരികമായുണ്ടായിട്ടുള്ള മുറിവുകളും, പ്രയാസങ്ങളും, വേദനകളും വിടുതലിന്‍റെ നാഥനിലൂടെ സൗഖ്യപ്പെടുത്തുവാനും, മനസിൽ തളം കെട്ടിക്കിടക്കുന്ന ജീർണതകളിൽ നിന്നും സ്വതന്ത്രമാക്കപ്പെടുവാനും ആന്തരിക സൗഖ്യധ്യാനം ഏറെ അനുഗ്രഹീതമാണ്.
ജൂണ്‍ 17 നു വെള്ളിയാഴ്ച രാവിലെ 9ന് ആരംഭിക്കുന്ന ധ്യാനശുശ്രുഷ ജൂണ്‍ 19 ഞായറാഴ്ച വൈകുന്നേരം നാലോടെ സമാപിക്കും. പതിനെട്ടു വയസിനു മുകളിൽ പ്രായമുള്ളവർക്കായി ധ്യാനശുശ്രുഷ നിജപ്പെടുത്തിയിരിക്കുകയാണ്.
വേദനാജനകമായ ഓർമകളെയും അനുഭവങ്ങളെയും ഓർത്തെടുത്തു ദൈവത്തിന്‍റെ രോഗശാന്തി ശക്തിയിലൂടെ സൗഖ്യപ്പെടുവാൻ അനുഗ്രഹാവസരം ഒരുക്കുന്ന ധ്യാന ശുശ്രുഷയിലേക്ക് ഏവരെയും സസ്നേഹം ക്ഷണിക്കുന്നതായി ഡയറക്ടർ അറിയിച്ചു.
രജിസ്ട്രേഷനും വിശദ വിവരങ്ങൾക്കും 01352 711053 , 07417 494277 എന്നീ നന്പറുകളിൽ ബന്ധപ്പെടുവാൻ താൽപര്യപ്പെടുന്നു.
Nearest Railway Station - FLINT ( 7.5 MILES)
VINCENTIAN DIVINE RETREAT CENTRE, FRANCISCAN FRIARY,
MONASTERY ROAD, PANTASAPH , HOLY WELL, CH8 8PE, UK.