ക​നേ​ഡി​യ​ൻ ആ​ദി​മ നി​വാ​സി​ക​ളോ​ട് മാ​പ്പ​പേ​ക്ഷി​ച്ച് മാ​ർ​പാ​പ്പ
Wednesday, July 27, 2022 12:26 AM IST
ജോ​സ് കു​ന്പി​ളു​വേ​ലി​ൽ
ടൊ​റേന്‍റോ: കാ​ന​ഡ​യി​ലെ ആ​ദി​മ​നി​വാ​സി​ക​ളു​ടെ കു​ഞ്ഞു​ങ്ങ​ളെ അ​ട​ക്കി​യ സെ​മി​ത്തേ​രി​യി​ലെ​ത്തി പ്രാ​ർ​ഥി​ച്ച​ശേ​ഷം ക​ത്തോ​ലി​ക്കാ സ​ഭ​യ്ക്കു​വേ​ണ്ടി ഫ്രാ​ൻ​സി​സ് മാ​ർ​പാ​പ്പ മാ​പ്പ​പേ​ക്ഷ ന​ട​ത്തി.

19, 20 നൂ​റ്റാ​ണ്ടു​ക​ളി​ൽ കാ​ന​ഡ​യി​ലെ ത​ദ്ദേ​ശീ​യ വി​ഭാ​ഗ​ങ്ങ​ളി​ലെ കു​ട്ടി​ക​ൾ സ​ഭ​യു​ടെ റ​സി​ഡ​ൻ​ഷ്യ​ൽ സ്കൂ​ളു​ക​ളി​ൽ നേ​രി​ട്ട അ​നീ​തി​ക്കും ക്രൂ​ര​ത​യ്ക്കും മാ​ർ​പാ​പ്പ വീ​ണ്ടും മാ​പ്പ​പേ​ക്ഷി​ച്ചു. വി​ന​യാ​ന്വി​ത​നാ​യി ക്ഷ​മ ചോ​ദി​ക്കു​ന്നെ​ന്നും ഇ​ത് ച​രി​ത്ര​നീ​തി​ക്കു​വേ​ണ്ടി​യു​ള്ള തു​ട​ക്കം മാ​ത്ര​മാ​ണെ​ന്നും മാ​ർ​പാ​പ്പ പ​റ​ഞ്ഞു.

ആ​ൽ​ബ​ർ​ട്ട​യി​ലെ മ​സ്ക്വാ​ചി​സി​ലെ കൂ​റ്റ​ൻ വേ​ദി​യി​ൽ വ​ച്ചാ​യി​രു​ന്നു മാ​ർ​പാ​പ്പ​യു​ടെ ക്ഷ​മാ​പ​ണം. ത​ദ്ദേ​ശീ​യ കു​ട്ടി​ക​ളു​ടെ കു​ഴി​മാ​ട​ങ്ങ​ൾ ക​ണ്ടെ​ത്തി​യ എ​ർ​മി​നെ​സ്കി​ൻ ഇ​ന്ത്യ​ൻ റ​സി​ഡ​ൻ​ഷ്യ​ൽ സ്കൂ​ളി​ലി​രു​ന്ന സ്ഥ​ല​മാ​ണി​ത്. ത​ദ്ദേ​ശീ​യ ജ​ന​ത 2014 മു​ത​ൽ സ​ഭ​യു​ടെ ക്ഷ​മാ​പ​ണം ആ​വ​ശ്യ​പ്പെ​ട്ടു വ​രി​ക​യാ​ണ്.

സ്കൂ​ളു​ക​ളി​ൽ ന​ട​ന്ന പ​ഴ​യ സം​ഭ​വ​ങ്ങ​ളി​ൽ ഗൗ​ര​വ​ത്തോ​ടെ അ​ന്വേ​ഷ​ണം ന​ട​ത്ത​ണ​മെ​ന്നും ദുഃ​ഖ​ത്തി​ൽ നോ​വു​ന്ന ത​ദ്ദേ​ശീ​യ കു​ടും​ബ​ങ്ങ​ൾ​ക്കു താ​ങ്ങാ​ക​ണ​മെ​ന്നും ആ​വ​ശ്യ​പ്പെ​ട്ടു.

കാ​ൽ​മു​ട്ടു​വേ​ദ​ന മൂ​ലം പ​ല വി​ദേ​ശ​യാ​ത്ര​ക​ളും റ​ദ്ദാ​ക്കി​യ മാ​ർ​പാ​പ്പ, അ​നാ​രോ​ഗ്യം മാ​റ്റി​വ​ച്ചാ​ണ് അ​ഞ്ചു ദി​വ​സ​ത്തെ പ്രാ​യ​ശ്ചി​ത്ത തീ​ർ​ഥാ​ട​ന​ത്തി​നാ​യി കാ​ന​ഡ​യി​ലെ​ത്തി​യ​ത്. നേ​ര​ത്തേ വ​ത്തി​ക്കാ​നി​ൽ ക്ഷ​മാ​പ​ണം ന​ട​ത്തി​യി​രു​ന്നു.
Copyright @ 2022 , Rashtra Deepika Ltd.