ന്യൂഡൽഹി: ഡൽഹി മലയാളി അസോസിയേഷൻ ആർകെ പുരം ഏരിയ ഈസ്റ്റർ - വിഷു ആഘോഷങ്ങൾ സംഘടിപ്പിച്ചു. ഹാൻഡ്ലൂം ഡെവലപ്മെന്റ് കമ്മീഷണർ ഡോ. എം. ബീന ഐഎഎസ് മുഖ്യാതിഥിയായിരുന്നു. ഏരിയ ചെയർമാൻ എം. ജയചന്ദ്രന്റെ അധ്യക്ഷതയിൽ ചേർന്ന സാംസ്കാരിക സമ്മേളനം ഡിഎംഎ പ്രസിഡന്റ് കെ. രഘുനാഥ് ഉദ്ഘാടനം ചെയ്തു.
ആഘോഷപരിപാടിയിൽ ടി. രാമചന്ദ്രൻ, ഐസക് മാത്യു, പി. മുരളിധരൻ, ടി.ഡി. ജയപ്രസാദ്, സജി പി. രാജ്, കെ.പി. സുജിത്, മാനസ് കൃഷ്ണ, ജ്യോതിക മാട്ടുമ്മൽ എന്നിവരെ ചടങ്ങിൽ ആദരിച്ചു.
മുഖ്യാതിഥി ഫാ.സുനിൽ അഗസ്റ്റിൻ, ഡിഎംഎ ജനറൽ സെക്രട്ടറി ടോണി കണ്ണമ്പുഴ, ഏരിയ വൈസ് ചെയർമാൻ എം.കെ. വിജയകുമാരൻ, സെക്രട്ടറി രത്നാകരൻ നമ്പ്യാർ, മുൻ ഭാരവാഹികളായ ജി.ശിവശങ്കരൻ, ഒ. ഷാജികുമാർ, ലൂണ രാജൻ, മെഹ്റോളി ഏരിയ ചെയർമാൻ ഡോ. ഹരീന്ദൻ ആചാരി എന്നിവർ സംസാരിച്ചു.
അത്താഴ വിരുന്നിനു മുമ്പായി ഏരിയ കുടുംബാംഗങ്ങൾ അവതരിപ്പിച്ച വിവിധ കലാപരിപാടികൾ അരങ്ങേറി. ഏരിയയയുടെ പ്രവർത്തന ധനശേഖരണാർഥമുള്ള ലക്കി ഡിപ്പ് നറുക്കെടുപ്പിൽ വത്സമ്മ രഘുവിന് ഒന്നാം സമ്മാനമായ ഗോൾഡ് കോയിൻ കൈമാറി.