ന്യൂറൊഷേൽ: വെസ്റ്റ് ചെസ്റ്റർ മലയാളി അസോസിയേഷന്റെ ഈ വർഷത്തെ ഓണഘോഷം സെപ്റ്റംബർ 7 ശനിയാഴ്ച 11 മുതൽ 6 വരെ ന്യൂ റോഷലിലുള്ള ആൽബർട്ട് ലിണാർഡ് സ്കൂളിൽ വച്ചു (25 Gerada Ln , New Rochelle , NY 10804 ) അതിവിപുലമായ രീതിയിൽ നടത്തുന്നു.
ഓണക്കാലത്തിന്‍റെ എല്ലാ അനുഭൂതിയും ഉണർത്തുന്ന പരിപാടികളാണ് ക്രമീകരിച്ചിരിക്കുന്നത്. ചെണ്ടമേളവും ശിങ്കാരി മേളത്തോടും കുടി താലപ്പൊലിയുമായി മാവേലി തന്പുരാനെ വരവേൽക്കുന്നതോടെ തുടങ്ങുന്ന പരിപാടികളിൽ അത്തപ്പൂക്കളവും, തിരുവാതിരകളിയും, പുലിക്കളിയും അങ്ങനെ കേരളത്തിലെ ഓണത്തിന്‍റെ എല്ലാ ആഘോഷങ്ങളോടും കേരള തനിമയോട് കുടി വെസ്റ്റ് ചെസ്റ്റർ മലയാളി അസോസിയേഷന്റെ ഓണം കൊണ്ടാടുബോൾ നമ്മളെ സന്തോഷിപ്പിക്കാനും ഓണ വിരുന്നുകളുമായി പൂമരം എന്ന സ്റ്റേജ് ഷോയും എത്തുന്നു.
പൂമരം ഷോയിൽ കേരളത്തിൽ നിന്നും എത്തുന്ന പതിനാലിൽപരം കലാകാര·ാർ പങ്കെടുക്കുന്നു. വൈക്കം വിജയ ലക്ഷ്മിയും കല്ലറ ഗോപനും പാട്ടുകാരായി എത്തുന്നതോടൊപ്പം കേരള സിനിമയിലെ ഒരുകൂട്ടം പ്രസിദ്ധ നടിനട·ാർ പങ്കെടുത്തു നമ്മെ സന്തോഷത്തിന്റെ കൊടുമുടിയിൽ എത്തിക്കുന്ന കലാപരിപാടികളാണ് അണിയിച്ചൊരുക്കിയിരിക്കുന്നത്. കുട്ടികൾക്കും മുതിർന്നവർക്കും ഒരു പോലെ ആസ്വദിക്കാൻ പറ്റുന്ന ഫ്യൂഷൻ ,മിമിക്രി, സ്ക്രിപ്റ്റ്, പാട്ടുകൾ തുടങ്ങി നിരവധി കലാപരിപാടികൾ ഉൾപ്പെടുത്തിയാണ് പൂമരം എന്ന ഷോ ചിട്ടപ്പെടുത്തിയിട്ടുള്ളത്.
വെസ്റ്ചെസ്റ്ററിന്‍റെ ഓണം ന്യൂയോർക്ക് മലയാളികളുടെ ഒത്തുചേരൽ കൂടിയാണ്. പ്രവാസിയുടെ സ്നേഹകൂട്ടായ്മകളിൽ, ആഘോഷങ്ങളിൽ നമ്മുടെ ഓണം കഴിഞ്ഞേ ഉള്ളു മറ്റുഏതൊരു ആഘോഷവും. ബാല്യവും കൗമാരവും പിന്നിട്ട ഇടവഴികളിൽ നാം ഒന്ന് തിരിഞ്ഞു നോക്കിയാൽ സ്നേഹത്തിന്േ‍റയും സാഹോദര്യത്തിന്േറയും സന്ദേശങ്ങൾ ആഴത്തിൽ നൽകിയ ആഘോഷങ്ങളിൽ വെസ്റ്ചെസ്റ്ററിന്‍റെ ഓണം കഴിഞ്ഞേ മറ്റൊരാഘോഷവും അമേരിക്കയിൽ എണ്ണപ്പെടുന്നുള്ളൂ.
ഓണഘോഷം വിജയപ്രദമാക്കുവാൻ വെസ്റ്റ്ചെസ്റ്റർ, ന്യൂയോർക്ക് നിവാസികളായ എല്ലാ മലയാളി സഹോദരങ്ങളുടെയും സഹായ സഹകരണങ്ങൾ അഭ്യർത്ഥിക്കുന്നതായി പ്രസിഡന്‍റ് ജോയി ഇട്ടൻ, വൈസ് പ്രസിഡന്‍റ് ശ്രീകുമാർ ഉണ്ണിത്താൻ, സെക്രട്ടറി നിരീഷ് ഉമ്മൻ , ട്രഷറർ ടെറൻസണ്‍ തോമസ്, ജോയിന്റ് സെക്രട്ടറി നിരീഷ് ഉമ്മൻ , ട്രസ്റ്റി ബോർഡ് ചെയർമാൻ രാജൻ ടി ജേക്കബ്, കോർഡിനേറ്റർ ആന്േ‍റാ വർക്കി എന്നിവർ അറിയിച്ചു.
റിപ്പോർട്ട്: ശ്രീകുമാർ ഉണ്ണിത്താൻ