ഫിലഡൽഫിയയിൽ ട്രൈസ്റ്റേറ്റ് ഓണാഘോഷം പ്രൗഢ ഗംഭീരമായി
Thursday, September 12, 2019 4:38 PM IST
ഫിലഡൽഫിയ: ഗ്രെയ്റ്റർ ഫിലഡൽഫിയയിലെ 15 സംഘടനകളുടെ കൂട്ടായ്മയായ ട്രൈസ്റ്റേറ്റ് കേരളാ ഫോറത്തിന്‍റെ ഓണാഘോഷം കേരളത്തനിമയിൽ പ്രൗഢ ഗംഭീരമായി ആഘോഷിച്ചു.

ഓണാഘോഷ വേദിയായ സീറോ മലബാർ ചർച്ച് ഓഡിറ്റോറിയത്തിലേക്കു താലം, മുത്തുക്കുട, ചെണ്ടമേളം എന്നിവയുടെ അകമ്പടിയോടുകൂടി വിശിഷ്ട അഥിതികൾക്കൊപ്പം മാവേലിയെ ആനയിച്ചതോടെ ആഘോഷ പരിപാടികൾക്ക് തുടക്കമായി.

തുടർന്നു നിറഞ്ഞ സദസിനു മുൻപാകെ ലാസ്യ ഡാൻസ് അക്കാദമിയുടെ തിരുവാതിര അരങ്ങേറി.
ചെയർമാൻ ജോഷി കുര്യാക്കോസിന്‍റെ അധ്യക്ഷതയിൽ നടന്ന പൊതുസമ്മേളനത്തിൽ കൗൺസിൽ മാൻ അൽ ടോബിൻബെർഗർ മുഖ്യാതിഥി ആയിരുന്നു. സിറ്റി കൺട്രോളർ റെബേക്ക റിൻഹാർട്ട് ആശംസകൾ നേർന്നു സംസാരിച്ചു. പ്രശസ്ത ഇമിഗ്രേഷൻ അറ്റോർണി രാം ചീരത്ത് ഓണസന്ദേശം നൽകി.

ഓണാഘോഷ ചെയർമാൻ വിൻസെൻറ്റ് ഇമ്മാനുവേൽ സ്വാഗതവും ടി.ജെ. തോംസൺ, അലക്സ് തോമസ്, ജീമോൻ ജോർജ് എന്നിവർ വിശിഷ്ട അതിഥികളെ സദസിനു പരിചയപ്പെടുത്തുകയും ചെയ്തു. റെയ്‌നാ വർഗീസ്‌ അമേരിക്കൻ ദേശീയ ഗാനം ആലപിച്ചു.
അവാർഡ് കമ്മിറ്റി ചെയർമാൻ ജോബി ജോർജ് കമ്മ്യൂണിറ്റി അവാർഡുകൾ പ്രഖ്യാപിച്ചു. സുദർശന കുമാർ, റെജി ഫിലിപ്പ്, മാത്യു ഇടിച്ചാണ്ടി എന്നിവരാണ് അവാർഡിന് അർഹരായത് . കൗൺസിൽമാൻ അൽ ടോബിൻബെർഗർ അവാർഡുകൾ സമ്മാനിച്ചു.

കർഷക രത്ന അവാർഡ് ചെയർപേഴ്സൺ തോമസ് പോൾ ചടങ്ങിൽ പ്രഖ്യാപിച്ചു. വർഗീസ് മത്തായി കർഷക രത്ന എവർ റോളിംഗ് ട്രോഫി കരസ്ഥമാക്കി. ജിജി കോശി, ശോശാമ്മ ചെറിയാൻ എന്നിവർ രണ്ടാം സ്ഥാനം പങ്കിട്ടു. ചെയർമാൻ ജോഷി കുര്യാക്കോസ് സിറ്റി കൺട്രോളർ റെബേക്ക റിൻഹാർട്ട് എന്നിവർ വിജയികക്ക് ട്രോഫിയും കാഷ് അവാർഡും സമ്മാനിച്ചു .

ഓണാഘോഷത്തോടനുബന്ധിച്ചു നടന്ന 56 ഇൻറ്റർ നാഷണൽ മത്സര വിജയികളായ സാബു സ്കറിയ, സാബു വർഗീസ്, ജോൺസൻ വർഗീസ് ടീം, മോഡി ജേക്കബ്, ജോർജ് ഓലിക്കൽ, സണ്ണി പടയാറ്റി ടീം, ടെസ്സി മാത്യു, തോമസ് പോൾ, സുമോദ് ടീം എന്നിവർക്ക് അറ്റോർണി രാം ചീരത്ത് ട്രോഫിയും കാഷ് അവാർഡും സമ്മാനിച്ചു.

മികച്ച പ്രവർത്തനത്തിനുള്ള പ്രത്യേക പുരസ്കാരം വിൻസെന്‍റ് ഇമ്മാനുവേൽ, പോൾ സി. മത്തായി എന്നിവർക്ക് നൽകി ആദരിച്ചു. വിഷ്വൽ മീഡിയ രംഗത്തെ മികച്ച പ്രവർത്തനത്തിന് അരുൺ കോവാട്ട്, റോജീഷ് സാമുവേൽ, സിജിൻ തിരുവല്ല എന്നിവർ അർഹരായി.

സദസ്യർക്കായി നടന്ന നറുക്കെടുപ്പിൽ ജോൺ പണിക്കർ വിജയിയായി. ഗ്ലോബൽ ട്രാവൽസ് സ്പോൺസർ ചെയ്ത ഇന്ത്യയിലേക്കുള്ള വിമാന ടിക്കറ്റ് ആണ് സമ്മാനമായി നൽകിയത്.

അനിതാ കൃഷ്ണ, സന്ദീപ് എന്നിവരുടെ നേതൃത്വത്തിൽ നടന്ന ഗാനമേളയും ബേബി തടവനാൽ നയിക്കുന്ന മാതാ ഡാൻസ് അക്കാദമി, അജി പണിക്കർ നയിക്കുന്ന നൂപുര ഡാൻസ് അക്കാദമി എന്നിവരുടെ സംഘ നൃത്തത്തോടൊപ്പം ദേവിക നായരുടെ നൃത്ത ശില്പവും പരിപാടിക്ക് മാറ്റു കൂട്ടി.

രാജൻ സാമുവേൽ, കുര്യൻ രാജൻ എന്നിവർ ഘോഷ യാത്രക്ക് നേതൃത്വം നൽകി. റോണി വർഗീസ്‌, സുമോദ് നെല്ലിക്കാല എന്നിവർ പൊതു യോഗം നിയന്ത്രിച്ചു. ധനീഷ്, സാന്ദ്ര എന്നിവർ കൾച്ചറൽ പ്രോഗ്രാം എംസിയായി പ്രവർത്തിച്ചു .റോഷിൻ പ്ലാമൂട്ടിൽ മാവേലിയായി വേഷമിട്ടു. ഫിലിപ്പോസ് ചെറിയാൻ സദസിനു നന്ദി പറഞ്ഞു.

കശ്മീർ ഗാർഡൻ ഒരുക്കിയ വിഭവ സമൃദ്ധമായ ഓണ സദ്യക്കുശേഷം ഇന്ത്യൻ ദേശീയ ഗാനത്തോടു കൂടി പരിപാടിക്ക് സമാപനമായി.

റിപ്പോർട്ട് : സുമോദ് നെല്ലിക്കാല




Copyright @ 2020 , Rashtra Deepika Ltd.