നയാഗ്ര ഫാൾസ് (കാനഡ): നോർത്ത് അമേരിക്കയിലെ ഇന്ത്യൻ വംശജരായ മാധ്യമപ്രവർത്തകരുടെ ഏറ്റവും വലിയ കൂട്ടായ്മയായ ഇൻഡോ അമേരിക്കൻ പ്രസ്ക്ലബിന് (ഐഎപിസി) നയാഗ്ര ഫാൾസ് ചാപ്റ്റർ നിലവിൽവന്നു. ഐഎപിസി മുൻചെയർമാൻ ജിൻസ്മോൻ പി. സക്കറിയ, ഐഎപിസി ഭാരവാഹികളായ ആഷ്ലി ജോസഫ്, ബൈജുമോൻ പകലോമറ്റം, അഡ്വ. ജോയി ജോസഫ് എന്നിവരുടെ നേതൃത്വത്തിൽ ചേർന്ന യോഗത്തിൽ ചാപ്റ്റർ പ്രസിഡന്‍റായി കാനഡയിലെ മൾട്ടിക്കൾച്ചറൽ ടിവി ചാനലായ ഏഷ്യൻ ടെലിവിഷൻ നെറ്റ്വർക്കിലെ മാധ്യമപ്രവർത്തകൻ ആസാദ് ജയനെ തെരഞ്ഞെടുത്തു.
സെക്രട്ടറിയായി ഫ്രീലാൻസ് മാധ്യമപ്രവർത്തകൻ ടോണി മാത്യുവിനെയും ട്രഷററായി എഴുത്തുകാരിയും ഫ്രീലാൻസ് മാധ്യമപ്രവർത്തകയുമായ കവിത പിന്േ‍റായേയും തെരഞ്ഞെടുത്തു. ഫോട്ടോഗ്രാഫറായ ജോസ് ജേക്കബാണ് വൈസ് പ്രസിഡന്‍റ്. ഫ്രീലാൻസ് ഫോട്ടോഗ്രാഫറായ അമൽ തോമസിനെ ജോയിന്റ് സെക്രട്ടറിയായും ജോയിന്റ് ട്രഷററായി ഓണ്‍ലൈൻ മാധ്യമപ്രവർത്തകൻ ആൽവിൻ ജെയിംസിനെയും തെരഞ്ഞെടുത്തു.
2006ൽ ന്യൂസ് ചാനലിൽ ട്രെയിനി റിപ്പോർട്ടറായി ടിവി ജേർണലിസം ആരംഭിച്ച ആസാദ് ജയൻ 6 വർഷം മനോരമ തിരുവനന്തപുരം, ഡൽഹി എന്നീ ബ്യുറോകളിൽ റിപ്പോർട്ടറായും, മെയിൻ ഡെസ്കിൽ പ്രൊഡ്യൂസറും ആയി സേവനം അനുഷ്ടിച്ചു. ഇംഗ്ലീഷ് ബിരുദധാരിയാണ്. ഫിലിം മേക്കിങ്ങിൽ പോസ്റ്റ് ഗ്രാജുവേഷനും, മാസ് കമ്മ്യൂണിക്കേഷൻ ആൻഡ് വീഡിയോ പ്രൊഡക്ഷനിൽ അഡ്വാൻസ് ഡിപ്ലോമയും സ്വന്തമാക്കിയിട്ടുണ്ട്.
ഫ്രീലാൻസ് മാധ്യമപ്രവർത്തന രംഗത്തും ഇവന്‍റ് മാനേജ്മന്‍റ് രംഗത്തു തന്േ‍റതായ വ്യക്തിമുദ്ര പതിപ്പിച്ചയാളാണ് സെക്രട്ടറിയായി തെരഞ്ഞെടുക്കപ്പെട്ട ടോണി മാത്യു. നിരവധി സ്റ്റേജ് ഷോകളിൽ സ്റ്റേജ് ഡിസൈനറും, ഇവന്‍റ് കോ-ഓർഡിനേറ്ററുമായും പ്രവർത്തിച്ചിട്ടുണ്ട്.
എഴുത്തുകാരിയും ഫ്രീലാൻസ് മാധ്യമപ്രവർത്തകയുമായ കവിത പിന്േ‍റാ ബിരുദാനന്തര ബിരുദധാരിയാണ്. കവിത കലാകായിക രംഗത്തും കഴിവ് തെളിയിച്ച വ്യക്തിത്വമാണ്. അന്തർ സർവകലാശാല മത്സരങ്ങളിൽ ഉപന്യാസം, കഥ, കവിത എന്നീ മത്സരങ്ങളിൽ പുരസ്കാരങ്ങൾ നേടിയിട്ടുണ്ട്.
വൈസ് പ്രസിഡന്‍റായി തെരഞ്ഞെടുക്കപ്പെട്ട ജോസ് ജേക്കബ് കാനഡയിലെ മാക്സ് മില്ലിൻ കൈസർ ഡിസൈന് വേണ്ടി കൊമേർഷ്യൽ ഫോട്ടോഗ്രാഫർ ആയി ജോലി ചെയ്യുന്നു. വണ്‍ മാഗസിൻ, മണി ഇൻഡീസിസ് തുടങ്ങിയ മാസികൾക്ക് വേണ്ടി ഫ്രീലാൻസ് ഫോട്ടോഗ്രാഫർ ആയും പ്രവർത്തിക്കുന്നു.
ജോയിന്റ് ട്രഷററായി തെരഞ്ഞെടുക്കപ്പെട്ടിട്ടുള്ള ഫ്രീലാൻസ് ഫോട്ടോഗ്രാഫർ/ വീഡിയോഗ്രാഫറായ അമൽ തോമസ് മെക്കാനിക്കൽ എഞ്ചിനീയർകൂടിയാണ്. നേച്ചർ ഫോട്ടോഗ്രഫിയിലും ഏറെ കഴിവ് തെളിയിച്ചിട്ടുണ്ട്.
ജോയിന്റ് ട്രഷററായി തെരഞ്ഞെടുക്കപ്പെട്ടിട്ടുള്ള ആൽവിൻ ജെയിംസ് വീഡിയോ ബ്ലോഗർ, ഇൻഡിപെൻഡന്‍റ് ഫോട്ടോഗ്രാഫർ എന്നീ നിലയിൽ ഓണ്‍ലൈൻ മാധ്യമ രംഗത്തു പ്രവർത്തിക്കുന്നു.
നയാഗ്ര ഫാൾസ് ചാപ്റ്ററിന് ഐഎപിസി ചെയർമാൻ ഡോ. മാത്യു എം. ചാലിൽ, ഡയറക്ടർ ബോർഡ് സെക്രട്ടറി ഡോ. മാത്യു ജോയിസ്, അജയഘോഷ്, വിനീത നായർ, നാഷ്ണൽ ജനറൽ സെക്രട്ടറി മാത്തുക്കുട്ടി ഈശോ. നാഷ്ണൽ ട്രഷറർ റെജി ഫിലിപ്പ് എന്നിവർ ആശംസകൾ നേർന്നു.
റിപ്പോര്‍ട്ട്: സുജിത്ത് എസ്. കൊന്നയ്ക്കൽ