ഷിക്കാഗോ: രാജു എം. ദാനിയേൽ അച്ചൻ കോർ എപ്പിസ്കോപ്പാ പദവിയിലേക്ക്. അഭിവന്ദ്യ ഡോ.സഖറിയാ മാർ അപ്രേം തിരുമേനിയാണ് ഏപ്രിൽ നാലിന് വന്ദ്യ. രാജു അച്ചനെ കോർ എപ്പിസ്കോപ്പാ പദവിയിലേക്ക് ഉയർത്തുന്നത്.
പൗരോഹിത്യ പാരന്പര്യമുള്ള വടുതല കുടുബത്തിലെ മേലേതിൽ വി.ജി. ദാനിയേലിന്‍റെയും ചിന്നമ്മ ദാനിയേലിന്‍റെയും മകനായാണ് അച്ചന്‍റെ ജനനം.
തുന്പമണ്‍ ഏറം (മാത്തൂർ ) സെ. ജോർജ് ഇടവകാഗമായ രാജു എം. ദാനിയേൽ അഭിവന്ദ്യ ദാനിയേൽ മാർ പീലക്സിനോസ് തിരുമേനിയിൽ നിന്ന് 1984 ൽ ശെമ്മാശപട്ടവും, അഭിവന്ദ്യ ഫീലിപ്പോസ് മാർ യൗസേബിയോസ് തിരുമേനിയിൽ നിന്നും 1986 ൽ കശീശ പട്ടവും സ്വീകരിച്ചു.
തുന്പമണ്‍ ഭദ്രാസനത്തിലെ തുന്പമണ്‍ സെന്‍റ് മേരീസ് കത്തിഡ്രൽ, ഉളനാട് സെന്‍റ് ജോണ്സ്, കുരിലയ്യം സെന്‍റ് ജോണ്സ്, മല്ലശ്ശേരി സെന്‍റ് മേരീസ്, വയലത്തല മാർ സേവേറിയോസ്, നാറാംണംമുഴി സെ.ജോർജ് എന്നി ഇടവകളിൽ ശുശ്രുഷിച്ചു. ഉളനാട് സെ.ജോണ്സ് പള്ളി, വയലത്തല മാർ സേവേറിയോസ് സ്ലീബാ പള്ളി എന്നി ഇടവകളുടെ വി.മൂറോൻ കൂദാശ സമയങ്ങളിൽ ഇടവക വികാരിയായിരുന്നു.
ഭാഗ്യസ്മരണാർഹനായ യൗസേബിയോസ് തിരുമേനിയുടെ സെക്രട്ടറി, തുന്പമണ്‍ ഭദ്രാസന ബാല സമാജം വൈസ് പ്രസിഡന്‍റ്, തുന്പമണ്‍ ഭദ്രാസന കൗണ്‍സിൽ അംഗം, തുന്പമണ്‍ ഭദ്രാസന സെക്രട്ടറി, പത്തനംതിട്ട കാതോലിക്കേറ്റ് കോളജ് ഗവേണിംഗ് ബോർഡ് അംഗം, എംഒസി കോളേജസ് ഗവേണിംഗ് ബോർഡ് അംഗം, തിരുവിതാംകോട് തീർഥാടന കേന്ദ്രം ഭരണസമതി അംഗം തുടങ്ങി മലങ്കര സഭയുടെ വിവിധ സമതികളിൽ പ്രവർത്തിച്ചിരുന്നു.
1995 മുതൽ അമേരിക്കൻ ഭദ്രാസനത്തിൽ സേവനം അനുഷ്ടിക്കുന്നു. ഡാളസ് സെന്‍റ് ഗ്രീഗോറീയോസ്, സെന്‍റ് മേരീസ് എന്നി ഇടവകളിൽ വികാരിയായിരുന്നു. ഇപ്പോൾ ഷിക്കാഗോ സെന്‍റ് ഗ്രീഗോറിയോസ് ഇടവക വികാരിയാണ്.
അമേരിക്കൻ ഭദ്രാസന കൗണ്‍സിൽ അംഗം, മലങ്കര സഭ മനേജിംങ്ങ് കമ്മറ്റി അംഗം എന്നി നിലകളിൽ പ്രവർത്തിച്ചിരുന്നു. ഡാളസ് കേരള എക്യൂമിനിക്കൽ ക്രിസ്ത്യൻ ഫെല്ലോഷിപ്പ് പ്രസിഡന്‍റ്, ക്ലർജി സെക്രട്ടറി, സൗത്തവെസ്റ് ഡിയോസിഷ്യൻ ഫസ്റ്റ് ഫോക്കസ് ഡയറക്ടർ തുടങ്ങി പല സാമുഹ്യ സാമുദായിക നേതൃത്വനിരയിലും അച്ചൻ പ്രവർത്തിക്കുന്നു.
ഭാഗ്യസ്മരണാർഹനായ ദാനിയേൽ മാർ പിലക്സിനോസ് തിരുമേനി രാജു അച്ചന്‍റെ പിതൃസഹോദരനും, ബാംഗ്ളൂർ ഭദ്രാസന മെത്രാപ്പോലിത്താ അഭി.ഡോ.ഏബ്രഹാം മാർ സെറാഫ്രിം തിരുമേനി സഹോദരപുത്രനുമാണ്.
തിരുമുറ്റം സെന്‍റ് മേരീസ് ഇടവകയിൽ പെട്ട കാട്ടുർ മീത്തിലേത്ത് എം.സി. മാത്യുവിന്‍റെ മകൾ സാലിയാണ് ഭാര്യ, ലിജീൻ ഹന്നാ, ജുവൽ ദാനിയേൽ, അഖിൽ മാത്യു എന്നിവർ മക്കളും, മേപ്രാൽ റവ ഫാ ഷോണ് പുതിയോട്ട് (യുഎസ്എ ) മരുമകനും, ബാബു ദാനിയേൽ, പപ്പച്ചൻ ദാനിയേൽ, ജോർജ് ദാനിയേൽ, സൂസമ്മ എന്നിവർ സഹോരങ്ങളും, മത്തായി വി തോമസ് (തന്പി ഉഴത്തിൽ( ,ചിക്കാഗോ )സഹോദരി ഭർത്താവും, റെവ ഫാ ജോണ് മാത്യു യുഎസ്എ ഭാര്യ സഹോദരനുമാണ്.
റിപ്പോർട്ട്: പി.പി. ചെറിയാൻ