ഗാർലന്റ് (ഡാളസ്): കേരള അസോസിയേഷൻ ഓഫ് ഡാളസ് ഇന്ത്യ കൾച്ചറൽ ആന്റ് എജ്യൂക്കേഷൻ സെന്ററും സംയുക്തമായി ജനുവരി 18 ശനിയാഴ്ച നടത്തിയ ടാക്സ് സെമിനാർ വിജ്ഞാനപ്രദമായി. ഡാളസ് ഫോട്ടവര്ത്ത മെട്രോ പ്ലെക്സിൽ നിന്നും നിരവധി പേർ സെമിനാറിൽ പങ്കെടുത്തു.
കേരള അസോസിയേഷൻ കോണ്ഫറൻസ് ഹാളിൽ ഉച്ചതിരിഞ്ഞു മൂന്നിനു ചേർന്ന യോഗത്തിൽ ഐസിഇസി പ്രസിഡന്റ് ഡാനിയേൽ കുന്നേൽ അധ്യക്ഷത വഹിച്ചു. അമേരിക്കൻ സെനറ്റ് അംഗീകരിച്ച്. പ്രസിഡന്റ് ട്രംപ് ഒപ്പിട്ടു നിയമമാക്കിയ ടാക്സ് റൂളിന്റെ വിശദാംശങ്ങൾ ഡാളസിലെ പ്രമുഖ ഓഡിറ്റർ ഹരിപിള്ള (സിപിഎ) സെമിനാറിൽ വിശദീകരിച്ചു. ഈവർഷം പ്രാബാല്യത്തിൽ വരുന്ന പുതിയ ടാക്സ് റൂൾ പൊതുവെ നികുതിദായകർക്ക് ഗുണം ചെയ്യുമെന്നും, ഒബാമ കെയറിൽ ഹെൽത്ത് ഇൻഷുറൻസ് എടുക്കാത്തവർക്ക് ഏർപ്പെടുത്തിയിരുന്ന ഫൈൻ ഒഴിവാക്കിയിട്ടുണ്ടെന്നും ഹരിപിള്ള പറഞ്ഞു.. വിദേശ വരുമാനം എങ്ങനെ റിപ്പോർട്ട് ചെയ്യണമെന്നും, ഗിഫ്റ്റ് ആന്റ് ഇൻഹെറിറ്റൻസ് തുടങ്ങിയ വിഷയങ്ങളിൽ പങ്കെടുത്തവർക്കുണ്ടായിരുന്ന സംശയങ്ങൾക്കും ഹരിപിള്ള മറുപടി നൽകി.
ചർച്ചയിൽ അസോസിയേഷൻ ജനറൽ സെക്രട്ടറി പ്രദീപ് നാഗനൂലിൽ,ദീപക് നായർ ,ഷിബു ജയിംസ്, ജോയ് ആന്റണി, പീറ്റർ നെറ്റോ, അനശ്വര മാന്പിള്ളി, ജോർജ് ജോസഫ് വിലങ്ങോലിൽ, ഫ്രാൻസിസ് തോട്ടത്തിൽ ,രാജൻ ഐസക് , ജെ. പി. ജോണ്, രാജൻ ചിറ്റാർ, സുരേഷ് അച്ച്യുതൻ, കോശി പണിക്കർ തുടങ്ങിയവർ പങ്കെടുത്തു.
റിപ്പോർട്ട്: പി.പി. ചെറിയാൻ