വാഷിംഗ്ടണ്‍: യുഎസ് സെനറ്റ് പ്രസിഡന്‍റ് ഡൊണാൾഡ് ട്രംപിനെ തൽസ്ഥാനത്തു നിന്ന് നീക്കണമെന്ന് അമേരിക്കക്കാരിൽ ഭൂരിപക്ഷവും വിശ്വസിക്കുന്നതായി പുതിയ സർവേ റിപ്പോർട്ട്.
ഇംപീച്ച്മെന്‍റ് വിചാരണയ്ക്കിടെ ട്രംപിനെ സ്ഥാനത്തു നിന്ന് നീക്കണമെന്ന് 51 ശതമാനം അമേരിക്കക്കാരും കരുതുന്നുവെന്ന് തിങ്കളാഴ്ച പുറത്തിറക്കിയ സിഎൻഎൻ വോട്ടെടുപ്പ് വ്യക്തമാക്കുന്നു. യുഎസ് സെനറ്റിൽ ഇംപീച്ച്മെൻറ് വിചാരണ ചൊവ്വാഴ്ച രാവിലെ ആരംഭിക്കും.
എസ്എസ്ആർഎസ് നടത്തിയ സർവേയിൽ 45 ശതമാനം പേരും സെനറ്റ് പ്രസിഡൻറിനെ ശിക്ഷിക്കുന്നതിനും നീക്കം ചെയ്യുന്നതിനും എതിരായി വോട്ട് ചെയ്യണമെന്ന് വിശ്വസിക്കുന്നു. ഹൗസ് ഡെമോക്രാറ്റുകൾ ഇംപീച്ച്മെൻറിന്‍റെ പ്രമേയങ്ങൾ ഒൗദ്യോഗികമായി സെനറ്റിന് കൈമാറിയ ശേഷം നടത്തിയ ആദ്യത്തെ ദേശീയ ടെലിഫോണ് വോട്ടെടുപ്പാണിത്.
വോട്ടു ചെയ്തവരിൽ 69 ശതമാനം പേരും ഇംപീച്ച്മെന്‍റിനു മുന്പ് സാക്ഷികളിൽ നിന്നുള്ള മൊഴി സെനറ്റ് കേൾക്കണമെന്ന് സൂചിപ്പിച്ചു.
വോട്ടു ചെയ്തവരിൽ 58 ശതമാനം പേരും രാഷ്ട്രീയ നേട്ടത്തിനായി പ്രസിഡന്‍റ് തന്‍റെ അധികാരം ദുരുപയോഗം ചെയ്തുവെന്ന് വിശ്വസിക്കുന്നു. 57 ശതമാനം പേർ പ്രസിഡന്‍റ് സഭയുടെ അന്വേഷണം തടസപ്പെടുത്തിയെന്ന് അഭിപ്രായപ്പെട്ടു.
ട്രംപിനെ ശിക്ഷിക്കണമെന്നും നീക്കം ചെയ്യണമെന്നും വിശ്വസിക്കുന്ന റിപ്പബ്ലിക്കൻമാരിൽ വെറും 8 ശതമാനം പേരെ എതിർത്ത് 89 ശതമാനം ഡെമോക്രാറ്റുകളും ട്രംപിനെ സ്ഥാനത്തു നിന്ന് നീക്കണമെന്ന് വിശ്വസിക്കുന്നതിനാൽ ശതമാനം പോയിന്റുകളിലെ വ്യത്യാസങ്ങൾ പ്രധാനമായും പക്ഷപാതപരമാണ്.
സ്വതന്ത്രരിൽ 48 ശതമാനം പേർ അദ്ദേഹത്തെ നീക്കം ചെയ്യണമെന്ന് ആഗ്രഹിക്കുന്പോൾ 46 ശതമാനം പേർ ട്രംപിനെ നീക്കം ചെയ്യണമെന്ന് ആഗ്രഹിക്കുന്നില്ല.
2016-ലെ തെരഞ്ഞെടുപ്പ് സമയത്ത് വോട്ടെടുപ്പ് നടത്തിയ സംസ്ഥാനങ്ങളിലാണ് ട്രംപിനെ അധികാരത്തിൽ നിന്ന് നീക്കുന്നതിന് അനുകൂലമായും പ്രതികൂലമായും ജനങ്ങൾ പ്രതികരിച്ചത്. അരിസോണ, കൊളറാഡോ, ഫ്ളോറിഡ, ജോർജിയ, മെയ്ൻ, മിഷിഗണ്‍, മിനസോട്ട, നെവാഡ, ന്യൂ ഹാംഷെയർ, ന്യൂ മെക്സിക്കോ, നോർത്ത് കരോളിന, ഒഹായോ, പെൻസിൽവാനിയ, വിർജീനിയ, വിസ്കോണ്സിൻ എന്നിവയാണ് സംസ്ഥാനങ്ങൾ.
റിപ്പോർട്ട്: മൊയ്തീൻ പുത്തൻചിറ